კრისტიან-ჟაკი
| კრისტიან-ჟაკი | |
|---|---|
| ფრანგ. Christian Albert François Maudet | |
 | |
| დაბადების სახელი | კრისტიან ალბერ ფრანსუა მოდე |
| დაბადების თარიღი |
4 სექტემბერი, 1904 19th arrondissement of Paris[1] |
| გარდაცვალების თარიღი |
8 ივლისი, 1994 (89 წლის) ბულონ-ბიანკური |
| დაკრძალულია | პერ-ლაშეზის სასაფლაო |
| მოქალაქეობა |
 საფრანგეთი |
| ალმა-მატერი | სახვითი ხელოვნების ეროვნული უმაღლესი სკოლა, École nationale supérieure des arts décoratifs და Collège-lycée Jacques-Decour |
| საქმიანობა | რეჟისორი სცენარისტი |
კრისტიან ალბერ ფრანსუა მოდე, ცნობილი როგორც კრისტიან-ჟაკი (ფრანგ. Christian Albert François Maudet დ. 4 სექტემბერი, 1904, პარიზის ოლქი [2] — გ. 8 ივლისი, 1994, ბულონ-ბილანკური) — ფრანგი კინოს რეჟისორი და სცენარისტი.
ბიოგრაფია
[რედაქტირება | წყაროს რედაქტირება]1924 წელს მან შექმნა ფილმების პლაკატები ამერიკული კომპანიის, First National Pictures-სთვის, ჟაკ შაბრაისონთან თანამშრომლობით. ისინი თავიანთ ნამუშევრებს ხელს აწერდნენ: Christian-Ja(c)que(s). კრისტიან-ჟაკმა შეინარჩუნა ეს ფსევდონიმი, როდესაც ორი წლის შემდეგ გახდა ჟურნალ Cinégraph-ის ჟურნალისტი, შემდეგ კინოდეკორატორი 1927 წლიდან 1931 წლამდე.
განსაკუთრებით შთამბეჭდავია მისი ფილმოგრაფია 1932 წლიდან (Le Bidon d'or) 1977 წლამდე (La Vie parisienne). მან გადაიღო ექვსი მოკლემეტრაჟიანი ფილმი, სამი ესკიზი და ორმოცდაცხრამეტი მხატვრული ფილმი. 1968 წლიდან 1985 წლამდე მუშაობდა 60-მდე სატელევიზიო ფილმზე.
მსახიობებს შორის, რომელიც მან ფილმებში არაერთხელ გადაიღო, არიან: ფერნანდელი, ალბერტ პრეჟანი, მისინგეტი, ერიხ ფონ სტროჰეიმი, მიშელ სიმონი, რაიმონდ რულე, ფრანსუა პერიე, ჰარი ბაური, რენე ფორი, ბერნარ ბლიე, ჟან-ლუი ბარო, ლუი ჟუვე, ჟან მარე, ჟერარ ფილიპი, ჯინა ლოლობრიჯიდა, სოფი ლორენი, დანიელ დარიე, კლაუდია კარდინალე, ჟაკ შარიე, ფრენსის ბლანში, რობერ ოსეინი, მარინა ვლადი, ვირნა ლიზი, ბურვილი, ანი ჟირარდო, ალენ დელონი, მიშელ პიკოლი, ჟან იანი და სხვები.
გერმანელთა მიერ ოკუპაციის პერიოდში კრისტიან-ჟაკმა გადაიღო ორი ფილმი ფრანგული კომპანიისთვის Continental Films, რომელიც იმ დროს გერმანიას ეკუთვნოდა. ფილმებმა: „სანტა კლაუსის მკვლელობა“ და „ფანტასტიკური სიმფონია“ უზარმაზარი წარმატება მოიპოვა საზოგადოებაში. ჰენრი დეკოინის მსგავსად, მან უარი თქვა ბერლინში სარეკლამო მოგზაურობაზე – ცნობილი, როგორც „სირცხვილის მატარებელი“ – 1942 წლის მარტში, რომელიც Continental Films-მა მოაწყო ჰენრი დეკოინის ფილმის „პირველი პაემანის“ (1941, მთავარ როლში დანიელ დარიე) გერმანიაში საჩვენებლად. კრისტიან-ჟაკმა ომი საფრანგეთის შინაგანი ძალების რიგებში დაასრულა.[3].
იგი მუშაობდა სცენარისტ სიმონა ბურდარიასთან 23 წლის განმავლობაში (1936-1959) მინიმუმ 25 ფილმში.
მარტინ კეროლთან, მის მეოთხე მეუღლესთან ერთად, მან გადაიღო ექვსი ფილმი, სადაც ხაზგასმულია მისი მეუღლის სილამაზე, მათ შორის Lucrèce Borgia (1953), Madame du Barry (1954), Nana (1955) და Nathalie (1957). 1959 წელს მან გადაიღო „ბაბეტა მიდის ომში“ ძალიან ახალგაზრდა ბრიჟიტ ბარდოს და ჟაკ შარიეს მონაწილეობით.
კრისტიან-ჟაკს ეკუთვნის ისეთი ცნობილი ფილმების რეჟისურა, როგორიცაა: „კარმენი“ (1945), „პარმის სავანე“ (1948), „ფანფან-ტიტა“ (1952), „კანონი კანონია“ (1957), „შავი ტიტა“ (1964) და სხვა.
კრისტიან-ჟაკს მიენიჭა საპატიო ლეგიონის ორდენი, ღირსების ეროვნული ორდენი და ხელოვნებისა და ლიტერატურის ორდენი [4] .
პირადი ცხოვრება
[რედაქტირება | წყაროს რედაქტირება]
დაქორწინებული იყო:
- ჟერმინა სპაი (1931–1938 წლებში)
- სიმონა რენანი (1940–1944 წლებში)
- რენე ფორი (1947–1953 წლებში) [5]
- მარტინ კაროლი (1954-1959 წლებში)
- ლოურენს ჩრისტოლი (1961–1983 წლებში) [6] [7]
- დენის მორლოტი (1992 – 1994 წლებში)[8], რომელიც იყო მისი სცენარისტი და რეჟისორის პირველი ასისტენტი
კრისტიან-ჟაკი გულის შეტევით გარდაიცვალა. დაკრძალულია პერ-ლაშეზის სასაფლაოზე (ნაკვეთი 85).
რესურსები ინტერნეტში
[რედაქტირება | წყაროს რედაქტირება]
სქოლიო
[რედაქტირება | წყაროს რედაქტირება]- ↑ Кристиан-Жак // Большая советская энциклопедия: [в 30 т.] — 3-е изд. — Москва: Советская энциклопедия, 1969.
- ↑ Archives de Paris 19e, acte de naissance, année 1904 (vue 21/31)(avec mentions marginales de mariages et de décès)[მკვდარი ბმული]
- ↑ Christine Leteux Continental films, …, 2017
- ↑ Archives des nominations et promotions dans l'ordre des Arts et des Lettres.
- ↑ The Granger Collection 1 დაარქივებული 2014-12-04 საიტზე Wayback Machine. et 2 დაარქივებული 2011-09-23 საიტზე Wayback Machine.
- ↑ Date du décès de Laurence Christol
- ↑ The Granger Collection დაარქივებული 2014-12-04 საიტზე Wayback Machine.
- ↑ Date du décès de Christian-Jaque