კორცხელის ღვთისმშობლის ეკლესია
კორცხელის ყოვლადწმიდა ღვთისმშობლის სახელობის ეკლესია — მდებარეობს ზუგდიდიდან რვა კილომეტრზე – მის ჩრდილო–აღმოსავლეთით, ზუგდიდ–წალენჯიხის გზის მარცხნივ მცირე შემაღლებაზე (ზღვის დონიდან სიმაღლე უდრის 200 მეტრს). ეკლესიის მიდამოებიდან შორს მოჩანს სვანეთ-აფხაზეთისა და სამეგრელოს მთიან-ბორცვიანი და ვაკე ადგილები, კოლხეთის დაბლობის ვრცელი ტერიტორია და შავი ზღვა.
ეკლესია 1624–1639 წლებში ააშენა ოდიშის მთავარმა ლევან II დადიანმა. ეკლესია ეკუთვნოდა იერუსალიმის ჯვრის მონასტერს. მისი ერთ–ერთი პირველი არქიმანდრიტი იყო ნიკოლოზ ჩოლოყაშვილი. 1815 წელს ეკლესია შეაკეთებინა ნიკოლოზ დადიანმა. 1858 წელს იგი კვლავ განაახლეს. ეკლესია იყო მოხატული, მაგრამ რუსეთის იმპერიის პერიოდში ის შეათეთრეს.
ლიტერატურა[რედაქტირება | წყაროს რედაქტირება]
- თაყაიშვილი ე., „არხეოლოგიური მოგზაურობიდან სამეგრელოში“ // ძველი საქართველო, ტ. III, ტფილისი: ელექტრო მბეჭდავი სტამბა სპირიდონ ლოსაბერიძის, 1914. — გვ. 200-208.
რესურსები ინტერნეტში[რედაქტირება | წყაროს რედაქტირება]
ვიკისაწყობში არის გვერდი თემაზე:
კულტურული მემკვიდრეობის პორტალი, № 8433- ზუგდიდისა და ცაიშის ეპარქიის გვერდი დაარქივებული 2014-09-03 საიტზე Wayback Machine.
