კოორდინატთა ჰორიზონტული სისტემა
კოორდინატთა ჰორიზონტული სისტემა[1] — ასტრონომიაში ერთ-ერთი ცის კოორდინატთა სისტემათაგანი, რომელიც დამკვირვებლის ლოკალურ ჰორიზონტს იყენებს, როგორც ფუნდამენტურ სიბრტყეს სფერული კოორდინატთა სისტემის ორი კოორდინატის: სიმაღლისა და აზიმუტის დასადგენად, პოლუსებად ზენიტი და ნადირი.
კოორდინატთა ჰორიზონტულ სისტემაში პოლუსს ზენიტი წარმოადგენს, ის კი სხვადასხვაა დედამიწის სხვადასხვა წერტილებში მყოფი დამკვირვებლებისთვის მაშასადამე, ერთი და იმავე მნათობის ჰორიზონტული კოორდინატები – აზიმუტი და სიმაღლე (ან ზენიტური მანძილი) — სხვადასხვა დამკვირვებლისათვის სხვადასხვაა. მეორე მხრივ, ცის დღეღამური ბრუნვის გამო იცვლება მნათობთა მდებარეობა ჰორიზონტის მიმართ, ამიტომ მოცემული დამკვირვებლისთვის ცალკეული ციური სხეულის ჰორიზონტული კოორდინატები დროის მსვლელობაში ცვალებადია.
ლიტერატურა
[რედაქტირება | წყაროს რედაქტირება]- საბაშვილი შ., ქართული საბჭოთა ენციკლოპედია, ტ. 11, თბ., 1987. — გვ. 225.
სქოლიო
[რედაქტირება | წყაროს რედაქტირება]- ↑ ქართული საბჭოთა ენციკლოპედია, ტ. 11, თბ., 1987. — გვ. 689.