კოვბოი ბიბოპი

მასალა ვიკიპედიიდან — თავისუფალი ენციკლოპედია
Jump to navigation Jump to search
კოვბოი ბიბოპი
Cowboy Bebop intertitle.jpg
カウボーイビバップ
ჟანრი ნეო-ნუარი, კოსმოსური ვესტერნი
მანგა
Cowboy Bebop: Shooting Star
ავტორი კეინ კუგა
გამომცემელი Kadokawa Shoten
გამომცემელი ინგლისურად Tokyopop
ჟურნალი Monthly Asuka Fantasy DX
ორიგინალური გამოცემა 18 სექტემბერი, 199718 ივნისი, 1998
ტომები 2
ორიგინალური ვიდეო ანიმაცია
რეჟისორი შიჰიჩირო ვატანაბე
სტუდია Sunrise
გამოსვლის თარიღი 3 აპრილი,
1998
ხანგრძლივობა 24 აპრილი,
1999
ეპიზოდები 26
მანგა
ავტორი იუტაკა ნანტენი
გამომცემელი Kadokawa Shoten
გამომცემელი ინგლისურად Madman Entertainment (ავსტრალია)
Tokyopop
ჟურნალი Monthly Asuka Fantasy DX
ორიგინალური გამოცემა 18 ოქტომბერი, 199818 თებერვალი, 2000
ტომები 3
ანიმე ფილმი

კოვბოი ბიბოპი (იაპონ. カウボーイビバップ?) — 1998 წლის ანიმე-ტელესერიალი, გადაღებული Sunrise-ის მიერ. მისი რეჟისორია შიჰიჩირო ვატანაბე, სცენარის ავტორი - კეიკო ნობუმოტო, პერსონაჟის დიზაინერი - ტოშიჰირო კავამოტო, მექანიკის დიზაინერი - კიმიტოში იამანე და კომპოზიტორი - იოკო კანო. სერიალის 26 ეპიზოდი (სესია) მიმდინარეობს 2071 წელს. მათში მოთხრობილია თავებზე მონადირების შესახებ, რომლებიც მოგზაურობენ კოსმოსური ხომალდ „ბიბოპით“. სერიალში განხილულია ფილოსოფიური თემები - ეგზისტენციალიზმი, მოწყენილობა და მარტოობა.

ტელესერიალის პრემიერა იაპონიაში, TV Tokyo-ზე, 1998 წლის 3 აპრილს გაიმართა. იგი ეთერში გადიოდა 26 ივნისამდე. სრულწლოვანი ასაკის პირებისთვის განკუთვნილი შინაარსის გამო ნაჩვენები იქნა მხოლოდ 12 ეპიზოდი და კიდევ ერთი სპეციალური გამოშვება. სრული, 22 ეპიზოდი პირველად აჩვენეს WOWOW-ზე, 1999 წლის 24 ოქტომბრიდან 24 აპრილამდე. ანიმე აგრეთვე ადაპტირებული იქნა მანგად, რომელიც იბეჭდებოდა Kadokawa Shoten-ის Asuka Fantasy DX-ში. 2001 წელს კინოგაქირავებში გამოვიდა სრულმეტრაჟიანი ანიმაციური ფილმიც.

ინგლისურ ენაზე სერიალი გაახმოვანეს Animaze-მა და ZRO Limit Productions-მა. იგი ჩრდილოეთ ამერიკაში ლიცენზირებული იქნა Bandai Entertainment-ის მიერ. ამჟამად ლიცენციას Funimation ფლობს. ბრიტანეთში ლიცენზიას ფლობდა Beez Entertainment, ამჟამად კი იგი Anime Limited-ს ეკუთვნის. ავსტრალიაში და ახალ ზელანდიაში ანიმე გამოვიდა Madman Entertainment-ის ლიცენზიით. 2001 წელს „კოვბოი ბიბოპი“ იქცა პირველ ანიმედ, რომელიც აშშ-ში Adult Swim-ზე აჩვენეს.

„კოვბოი ბიბოპს“ კრიტიკოსთა აღიარება და კომერციული წარმატება ხვდა წილად - როგორც იაპონიის, ასევე საერთაშორისო ბაზრებზე (განსაკუთრებით - აშშ-ში). მას მიღებული აქვს რამდენიმე ჯილდო ანიმეს და სამეცნიერო ფანტასტიკის კატეგორიებში. აღიარებულია მისი სტილი, პერსონაჟები, სიუჟეტი, გახმოვანება, ანიმაცია და საუნდტრეკი. მისი გამოსვლიდან წლების შემდეგ კრიტიკოსებმა და მიმომხილველებმა, განსაკუთრებით აშშ-ში, „კოვბოი ბიბოპი“ შედევრად აღიარეს და ხშირად უწოდებენ ყველა დროის ერთ-ერთ უდიდეს ანიმეს. ითვლება, რომ სწორედ მან გააცნო თავად ანიმეს ჟანრი დასავლეთში მაყურებლების ახალ თაობას 2000-იანების დასაწყისში, თუმცა, აგრეთვე თვლიან, რომ იგი ზოგადად ჟანრის „კარიბჭეა“.[1]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Robinson, Tasha. (2009-03-05) Gateways To Geekery: Anime. 'The A.V. Club'. The Onion. წაკითხვის თარიღი: 2009-03-10.