კლუბი (ტელესერიალი)

მასალა ვიკიპედიიდან — თავისუფალი ენციკლოპედია
(გადამისამართდა გვერდიდან კლუბი (სერიალი))
კლუბი

Glee
ავტორი რაიან მერფი
ბრედ ფელჩაკი
იენ ბრენანი
სცენარი რაიან მერფი
ბრედ ფელჩაკი
იენ ბრენანი
მონაწილეობენ ლია მიშელი
კორი მონტითი
მეთიუ მორისონი
ჯეინ ლინჩი
კრის კოლფერი
დიანა ეგრონი
კევინ მაკჰეილი
ნაია რივერა
დარენ კრისი
ჰეიზერ მორისი
მარკ სელინგი
ემბერ რაილი
ჰარი შუმი
ჯენა ესკოვიჩი
ქვეყანა დროშა: ამერიკის შეერთებული შტატები აშშ
სეზონი 5
ეპიზოდი 96 (ეპიზოდების სია)
წარმოება
პროდიუსერ(ებ)ი ალექსის ბრაიან ვუდალი
მაიკლ ნოვიკი
კენეტ სილვერსტეინი
ხანგრძლივობა 42—48 წთ.
ეთერი
ორიგინალური არხი FOX
პირველად ეთერში 19 მაისი, 2009
რესურსები ინტერნეტში
საიტი

კლუბი (ინგლ. Glee) — ამერიკული ტელესერიალი, რომელშიც შერწყმულია მიუზიკლი, დრამა და კომედია. გადაიცემა FOX-ის ეთერში 2009 წლის, 19 მაისიდან.[1] სერიალი მოგვითხრობს ოჰაიოს, უილიამ მაკ-კინლის სახელობის სკოლაში არსებულ მუსიკალურ კლუბ - ახალ მიმართულებაზე (New Directions) და მის წევრებზე რომლებიც განსხვავებული რელიგიის, რასის, სექსუალური ორიენატიისა და სოციალური ფენის ადამიანები არიან. კლუბის ხელმძღვანელი ამავე სკოლის ესპანური ენის მასწავლებელი, უილ შუსტერია. რომლის როლსაც მეთიუ მორისონი ასრულებს. სერიალის ავტორები რაიან მერფი, ბრედ ფელჩაკი და იენ ბრენანი არიან. პირველი სეზონის ბოლო ეპიზოდი 2010 წლის 9 ივნისს გავიდა და 10.92[2] მილიონმა ადამიანმა უყურა FOX-ის ეთერში. სერიალი 2010 წლის 21 სექტემბერს განახლდა. მეორე სეზონის ბოლო ეპიზოდი - New York, 2011 წლის 24 მაისს იხილა 11.80[3] მილიონმა ადამიანმა. მესამე სეზონის პრემიერა 2011 წლის 20 სექტემბერს შედგა. მის პირველი ეპიზოდს - The Purple Piano Project 9.21[4] მილიონი ადამიანი ადევნებდა თვალს.

სიუჟეტი[რედაქტირება | წყაროს რედაქტირება]

ყურადღება!  ქვემოთ მოყვანილია სიუჟეტის და/ან დასასრულის დეტალები.
კადრი პილოტიდან

I სეზონი (2009-2010)[რედაქტირება | წყაროს რედაქტირება]

უილ შუსტერი, რომელიც უილიამ მაკ-კინლის სახელობის სკოლაში ესპანურს ასწავლის, გადაწყვეტს აღადგინოს სკოლის მუსიკალური კლუბი. რომელშიც უილიი ახალგაზრდობაში თავადაც ირიცხებოდა და საუკეთსეო წლები გაატარა. შუსტერმა გადაწყვიტა კლუბისათვის „ახალი მიმართულება“ (New Direction) დაერქმია. ახალ კლუბში გაწევრიანება არავის სურდა, ვინაიდან სკოლის მოსწავლეებს რეპუტაციის დაკარგვის შიში ჰქონდათ. ამიტომაც, ახალ მიმართულებაში მხოლოდ ხუთი სტუდენტი: რეიჩელ ბერი, კურტ ჰამელი, მერსედეს ჯონსი, თინა კოენ-ჩენგი და არტი აბრამსი გაწევრიანდნენ. ვინაიდან ისინი სკოლაში ძალიან დაბალი რეპუტაციის მქონე მოსწავლეები იყვნენ, უილმა გადაწყვიტა სკოლის ყველაზე პოპულარული ბიჭი ფინ ჰადსონი, რომელიც ფეხბურთის გუნდის კაპიტანი იყო, ახალ მიმართულებაში გაეწევრიანებინა. შუს იტერმა იცოდა, რომ ფინს კარგი მუსიკალური მონაცემები ჰქონდა, თუმცა ფეხბურთის გუნდის სხვა წევრებ კლუბში სიმღერის საშუალებას არ აძლევდნენ. ამისათვის უილმა ფინი დააშანტაჟა, კარადაში მარიხუანის შენახვა დააბრალა და იმ შემთხვევაში, თუკი კლუბში არ გაწევრიანდებოდა, ამის დირექტორისათვის თქმით დაემუქრა. ფინს სხვა გზა აღარ ჰქონდა, ამიტომაც ისიც შეუერთდა კლუბის წევრებს.

მიუხედავად იმისა, რომ ფინმა რეპუტაცია დაკარგა კლუბში გაწევრიანებისას, სხვა მოსწავლეებმა მაინც გამოთქვეს ახალ მიმართულებაში გაწევრიანების სურვილი. ერთ-ერთი პირველი ვინც კლუბში ფინის შემდეგ გაწევრიანდა იყო მისი საუკეთესო მეგობარი - ნოა პაკერმანი. ამის შემდეგ კლუბს მაიკ ჩენგი შეუერთდა რომელიც, ფინისა და პაკის მსგავსად ფეხბურთის გუნდში ირიცხებოდა.

მაიკ ჩენგი ახალ მიმართულებაში, არა ვოკალური მონაცემებით, არამედ ცეკვის ნიჭით გამოირჩეოდა.

ულიამ მაკ-კინლის სახელობის სკოლის მხარდამჭერთა გუნდის მწვრთნელი, სიუ სილვესტერი განარისხა იმან, რომ ახალ მიმართულებას სკოლის ბიუჯეტიდან ის თანხა ერიცხებოდა, რომელსაც მანამდე თავად ითვისებდა.

ქუინ ფაბრეი მხარდამჭერთა გუნდის კაპიტანი იყო, ამიტომ მთელ სკოლაში ყველაზე პოპულარულ გოგონად ითვლებოდა. ის და ფინ ჰადსონი, შეყვარებულები იყვნენ. ქვინი რეიჩელზე ეჭვიანობდა, ამიტომ ახალ მიმართულებაში გაწევრიანება გადაწყვიტა. მას მხარდამჭერთა გუნდის კიდევ ორი წევრი, სანტანა ლოპეზი და ბრიტანი სუზან-პირსი მიყვნენ.

თავდაპირველად სიუ გააბრაზა იმან, რომ მისი გოგონები კლუბში გაწევრიანდნენ, თუმცა გადაწვიტა, ეს თავის სასარგებლოდ გამოეყენებინა და გოგონებს დაავალათ ახალ მიმართულებაში მიმდინარე ყველა პროცესსზე ინფორმაცია მიეტანათ. მიუხედავად მწვრთნელისაგან მიღებული, ასეთი დავალებისა მხარდამჭერ გოგონებს კლუბი შეუყვარდათ.

ახალი მიმართულების წევრმა, კურტ ჰამელმა განაცხადა, რომ იგი გეი იყო, რამაც იგი დიდი ზეწოლის ქვეშ მოახვედრა სკოლის მოსწავლეების მხრიდან. თავდაპირველად ის ვერ ეუბნებოდა მამამისს ამის შესახებ. ფიქრობდა, რომ მამა ვერ გაუგებდა. თუმცა მამამისის თქმით მან ყოველთვის იცოდა შვილის ორიენტაციის შესახებ და ეს არაფერ გავლენას არ ახდენდა შვილის მიმართ სიყვარულზე.

პარალერულად უილის ცოლი, ტერი დაორსულდა. თუმცა იმის თქმა უილისთვის, რომ თურმე მისი დაორსულების სინპტომები, მხოლოდ ცრუ განგაში იყო ორგანიზმში, ვეღარ შეძლო. ამისათვის მას უილის მოტყუება მოუხდა თუმცა, მან მალე შეიტყო სიმართლე და ცოლს დაშორდა.

უილს სკოლის ფსიქოლოგი - ემა ფილსბარი მოსწონდა. ემასაც მოსწონდა უილი თუმცა ერთი პრობლემა იყო, ემა მალე თხოვდებოდა ფეხბბურთის მწვრთნელ - კენ ტანაკაზე. მაგრამ კენმა მიატოვა მომავალი ცოლი, ვინაიდან უილზე ეჭვიანობდა.

ტერისაგან განსხვავებით, ქუინი ნამდვილად დაფეხმძიმდა. მისი თქმით იგი ფინისაგან იყო ორსულად. როდესაც ქუინის მამამ მისი ორსულობის ამბავი გაიგო იგი სახლიდან გამოაგდო. ქუინი საცხოვრებლად ფინთან გადავიდა თუმცა შემდგომ აღმოჩნდა, რომ ქუინი არა ფინისგან, არამედ პაკისაგან დაორსულებულა. ამის შემდეგ მას ფინის სახლიდანაც მოუწია წამოსვლა და ბავშვის მამასთან, პაკთან გადავიდა. ქუინმა ვერ გაუძლო პაკერმანის სახლში ცხოვრებას, ამის შემდეგ ის მერსედესმა შეიფარა.

სიუ სილვესტერი კლუბის დაშლისათვის ძალებს არ იშურებდა, რეგიონალურის შესარჩევის კონკურსზე მან ახალი მიმართულების კონკურენტ კლუბს უილ შუსტერის მიერ შედგენილი სია გადასცა. მასზე ის რეპერტუარი ეწერა, რომელსაც ახალი მიმართულება კონკურსზე შეასრულებდა. როდესაც შესარჩევი დაიწყო და კლუბის წევრებმა დაინახეს, თუ როგორ ასრულებდნენ მათ სიმღერებს მოწინააღმდეგე ჯგუფის წევრები ძასლიან დაიბნენ. ამასთანავე უილი დასჯილი იყო სკოლის დირექციის მიერ და მოსწავლეებს კონკურსზე ემა ფილსბარი გაჰყვათ. საბოლოვოდ ყველაფერი კარგად დასრულდა, ახალმა მიმართულებამ რეპერტუარი შეცვალა და რეგიონალურის საგზური მოიპოვა.

კადრი ეპიზოდიდან „Laryngitis“

18 ეპიზოდში — „Laryngitis“, ფინის დედას და კერტის მამას ერთმანეთი შეუყვარდათ, მათ დაქორწილება გადაწყვიტეს. ამან ფინი ძალიან გაანაწყენა, ვინაიდან არ სურდა მამა, რომელიც ჯარში მსახურობისას დაიღუპა ვინმეს ჩაენაცვლებინა. თუმცა როდესაც ახლოს გაიცნო კერტის მამა — ბარტ ჰამელი მიხვდა, რომ ცდებოდა. იგი ბარტთან ერთად კალათბურთის თამაშებზე დადიოდა. კურტი ამის გამო ძლიერ ეჭვიანობდა და ფიქრობდა, რომ ბარტი ოცნებობდა ისეთ შვილზე, როგორიც თავად არ იყო. ამიტომ მან ჩაცმის სტილი შეიცვალა და ნამდბილ ბიჭს დაემსგავსა, რამაც დიდი შთაბეჭდილება მოახდინა ბრიტანიზე თანაც ბრიტანის თქმით კურტ ჰამელი ერთადერთი ბიჭი იყო სკოლაში, რომლისთვისაც ნაკოცნი არ ჰქონდა. კურტი და ბრიტანი წყვილი გახდნენ, თუმცა როდესაც კურტს მამამ უთხრა, რომ არ იყო საჭირო ბიჭივით ჩაცმა და მოქცევა, ის რომ მისთვის მნიშვნელობა არ ჰქონდა კერტის ორიენტაციას, კურტი ბრიტანის დაშორდა და ჩვეულ ცხოვრებას დაუბრუნდა. ამავე ეპიზოდში კლუბის გოგონები და კურტი ლედი გაგას, ხოლო ბიჭები kiss-ის რეპერტუარს ასრულებენ.

უილს გადაწყვეტილი ჰქონდა, ახალი მიმართულება რეგიონალურ ჩემპიონატზე გაეყვანა და გაემარჯვებინა მიუხედავად იმისა, რომ მათი კონკურენტი - „ვოკალური ადრენალინი“ (Vocal Adrenaline) ბევრედ ძლიერი კლუბი იყო ვიდრე ახალი მიმართულება. თანაც ისინი უკვე რეგიონალური კონკურსის რამდენიმე გზის გამარჯვებულები იყვნენ.

ვოკალური ადრენალინის წამყვანი სოლისტი - ჯესი ჯეიმსი, უილიამ მაკ-კინლის სკოლაში გადმოვიდა, რამაც ძალზედ დააეჭვა ახალი მიმართულების ყველა წევრი, გარდა რეიჩელისა. ჯესი რეიჩელმა მალევე შეიყვარა და ისინი წყვილი გახდნენ.

იმის გამო, რომ რეიჩელს ორი გეი მამა ჰყავს, სურდა ის ქალი ეპოვნა რომელიც მისმამ მამებმა სუროგატ დედად გამოიყენეს. აღმოჩნდება, რომ რეიჩელის დედა, ვოკალური ადრენალინის მასწვლებელი, შელბი ქორკორანი იყო. შელბიმ თავისი კლუბის წევრი, ჯესი დაიხმარა იმაში, რომ რეიჩელს მისი ვინაობის შესახებ შეეტყო. მიუხედავად იმისა, რომ შელბი და რეიჩელი ერთმანეთს შეხვდნენ, მათ შოირის მაინც არ გაჩნდა ისეთი დედა-შვილური ურთიერთობა როგორსაც ისინი მოელოდნენ. ამის მიზეზი რეიჩელის ასაკი იყო, ვინაიდან იგი უკვე 17 წლის იყო.

ამ დროს, ჯესი ვოკალურ ადრენალინში დაბრუნდა. მათ უკვე იცოდნენ ახალი მიმართულების სუსტი და ძლიერი მხარეები, რაც მოგებაში დაეხმარებოდათ.

ქუინი და მისი გოგონა. ეპიზოდში: Journey to Regionals

რეგიონალურ კონკურსში ახალ მიმართულებასთან და ვოკალურ ადრენალინთან ერთად აგრეთვე - „ხმოვანი ინტენსივობა“ (Aural Intensity) მონაწილეობდა.

როდესაც ახალმა მიმართულებამ გამოსვლა დაამთავრა უეცრად, ქუინს მშობიარობა დაეწყო, იგი სასწრაფოდ სამშობიაროში წაიყვანეს. მშობიარობას მერსედესი, პაკი და ქუინის დედა ესწრებოდნენ, რომელიც ქმარს გაშორდა.

ამ დროს რეგიონალური კონკურსის ჟიურიმ, რომელთა რიგებში სიუ სილვესტერიც ირიცხებოდა, გამარჯვებული დაასახელა. ახალი მიმართულება მესამე ადგილზე გავიდა, რამაც დიდი დარტყმა მიაყენა კლუბის წევრებს. ვოკალურმა ადრენალინმა კი პიველი ადგილი დაიკავა.

ამ წაგებას კლუბის წევრები სიუს აბრალებდნენ თუმცა აღმოჩნდა, რომ სიუ არაფერ შუაში იყო, მან ახალ მიმართულებას დაუჭირა მხარი.

როდესაც ქუინს გოგო შეეძინა (ბეტი), მან გადაწყვიტა ბავშვი გაეშვილებინა მიუხედავად პაკის თხოვნისა. ბავშვი რეიჩელის დედამ, შელბიმ იშვილა.

სკოლის დირექტორი კლუბის დახურვას აპირებდა მათი წარუმატებლობის გამო, თუმცა სიუმ რომელიც ხშირად აშანტაჟებდა მას, ახალი მიმართულების დახურვა გადააფიქრებინა რამაც, კლუბის წევრებზე დიდი შთაბეჭდილება მოახდინა.

II სეზონი (2010-2011)[რედაქტირება | წყაროს რედაქტირება]

სემ ევანზი

საზაფხულო არდადეგები დასრულდა... უილიამ მაკ-კინლის სახელობის სკოლაში სწავლა განახლდა. ზაფხულის განმავლობაში, ბევრი რამ შეიცვალა. თინა და მაიკი ერთად არიან, მათი დაახლოვება საზაფხულო ბანაკში მოხდა. შეიცვალა სკოლის ფეხბურთის მწვრთნელი, ის ჩაანაცვლა ქალმა, სახელად შენონ ბეისტი. თავდაპირველად სიუ სილვესტერმა უილი მის წინააღმდეგ განაწყო და გამოიყენა რათა შენონი სკოლიდან წასულიყო. თუმცა ეს ასე არ მოხდა, შუსტერმა ახლოს გაიცნო ახალი თანამშორმელი და დარწმუნდა, რომ ის ძალიან კარგი პიროვნება იყო.

სკოლაში ახალი მოსწავლე, სემ ევანზი გადმოვიდა. ფინმა საშხაპეში შენიშნა მისი მუსიკალური მონაცემები და შესთავაზა კლუბში ემღერა. სემს არ სურდა ფეხბურთის გუნდელებისაგან ზეწოლა, ამიტომაც ფინის შეთავაზებაზე უარი განაცხადა.

უილიამ მაკ-კინლის სახელობის სკოლაში გაცვლითი პროგრამით ჩამოსულია ახალი მოსწავლე სახელად „სანშაინი“. მისი ტალანტი რეიჩელმა აღმოაჩინა თუმცა არავის უთხრა, რადგან იფიქრა, თუკი ის კლუბში იმღერებდა შეიძლებოდა თავად დაჩრდილულიყო. მოგვიანებით, როდესაც სანშაინმა ახალი მიმართულების წინაშე იმღერა უილ შუსტერმა მისი კლუბში აყვანა განიზრახა. თუმცა ვოკალურმა ადრენალინმა დაასწრო, სანშაინი მწვანე ბარათით მოისყიდა, რომლის მეშვეობითაც მთელ მის ოჯახს აშშს ტერიტორიაზე ცხოვრება შეეძლებოდა.

ემა ფილსბარმა კარლ ჰოველთან შეხვედრა დაიწყო, რამაც უილი გაანაწყენა. მეორე ეპიზოდი მთლიანად ბრიტნი სპირსის სიმღერებისაგან შედგება. როდესაც რეიჩელი კარლთან იყო კბილის გასაკეთებლად, ნარკოზით დაძინება მოუხდა. მან სიზმარში ნახა, თუ როგორ მღეროდა ბრიტნი სპირსის სიმღერას. ეს მან სანტანას და ბრიტანის უამბო რამაც მათში სურვილი აღძრა თავადაც მისულიყვნენ კარლთან. მიუხედავად იმისა, რომ სანტანას არაჩვეულებრივი კბილები ჰქონდა მან მაინც მოსთხოვა კარლს ნარკოზი გაეკეთებინა. ამის შემდეგ ბრიტანიმაც და სანტანამაც სიზმარში ნახეს თუ როგორ ასრულებდნენ ბრიტნის სიმღერებს.

ფინი თავის სენდვიჩზე იესოს გამოსახულებას დაინახავს და მისთვვის ილოცებს. როდესაც ფინი სთხოვს მას რაიმეს, მეორე დღეს სურვილი ხდება, რაც ფინს უბიძგებს გახდეს ჭეშმარიტი ქრისტიანი. ამ დროს კერტის მამას, ბარტს, გულის შეტევა ემართება, რაც კურტს დაამწუხრებს. აღმოჩნდება, რომ კურტს ღმერთის არ სწამს თუმცა მერსედესი მაინც დაითანხმებს მას ეკლესიაში გაყოლაზე.

პაკერმანის ციხეში დაჭერის შემდეგ უილმა სემი დაითანხმა ახალ მიმართულებას შეერთებოდა. სემმა თავიდანვე გამოიწვია სიმპატია ქუინის მიმართ.

კურტი დაიღალა იმით, რომ მას მუდამ პრობლემებს უქმნის ერთი მოსწავლე, დევიდ კაროფსკი რის გამოც იგი დალტონის აკადემიაში გადადის სადაც გაიცნობს ბლეინ ანდერსონს, რომელიც კერტის მსგავსად გეია.

როდესაც პაკი ციხიდან იმ პირობით გამოვიდა, რომ სასარგებლო სამუშაოები უნდა შეესრულებინა, იგი არტის დაუმეგობრდა, რათა მას დახმარებოდა. პაკერმანი ამბობდა, რომ ციხეში იგი დიდი ავტორიტეტით სარგებლობდა თუმცა შემდგომ აღიარა, რომ ციხეში მისი ადგილი არ იყო. იქ მას მუდამ ცუდად ეპყრობოდნენ.

როდესაც უილ შუსტერს გრიპი დაემართა, დროებით იგი — ჰოლი ჰოლიდეიმ ჩაანაცვლა. ჰოლის როლს ჰოლივუდის ოსკაროსანი მსახიობი გვინეტ პელტროუ ასრულებს.

სემი და ქუინი

მიუხედავად იმისა, რომ არტი ინვალიდი იყო მან მაინც განიზრახა სკოლის ფეხბურთის გუნდში გაწევრიანება, რაზეც უარი მიიღო მწვრთნელისაგან. ფინმა გადაწყვიტა არტის დახმარებოდა და მწვრთნელს გადაწყვეტილება შეაცვლევინა.

ქორწილი შედგა, ბარტ ჰამელი და კეროლ ჰადსონი დაქორწილდნენ, კურტი და ფინი ძმები გახდნენ. ქორწილის ორგანიზება კურტმა მთლიანად თავის თავზე აიღო. ამავე ეპიზოდში სიუ სილვესტერს დედა ესტუმრება, რომელიც შეეცდება სიუს გადააფიქრბინოს გიჟური იდეა — გათხოვდეს თავის თავზე. თუმცაღა სიუმ თავისი გაიტანა და ჯვრისწერა შედგა. ხოლო ემა და კარლი ერთმანეთს დაშორდნენ.

რეგიონალურ კონკურსში მოსახვედრად ახალ მიმართულებას ორ კლუბთან უწევს შერკინება, ესენია The Hipsters და The Warblers — რომელშიც კურტი მღერის. უილი გადაწყვეტს, რომ საკონკურსო სიმღერა სემმა და ქუინმა უნდა შეასრულონ რაც რეიჩელს გაანაწყენებს. შესარჩევზე ახალი მიმართულება გაიმარჯვებს და რეგიონალურის საგზურს მოიპოვებს.

ეპიზოდი „A Very Glee Christmas“ — ახალ წელს ვითარდება. აღმოჩნდება, რომ ბრიტანის კვლავ სჯერა სანტასი და სთხოვს, რომ არტიმ გაიაროს. კლუბის წევრები ეცდებიან ბრიტანის გული არ გაუტეხონ და მწვრთნელ შენონს სთხოვენ — სანტას ფორმაში გადაცმულმა ბრიტანის აუხსნას ის, რომ არტი ინვალიდია და მას სიარული არ შეუძლია. თუმცა ბრიტანი დარწმუნებულია მის შესაძლებლობებში.

სიუ გადაწყვეტს კლუბის წევრებს ახალი წლის სიხარული ჩაუშხამოთ. ის გრინჩის მსგავსად გამოეწყობა და საახალწლო დეკორაციებს გაანადგურებს. როდესაც ახალ წელს ბრიტანი ნაძვის ხესთან მივა იქ მოწყობილობას აღმოაჩენს რომლის მეშვეობითაც არტის სიარული შეუძლია. ამას სანტა კლაუსის საჩუქრად მიიღებს, თუმცა აღმოჩნდება, რომ იგი მწვრთნელმა შენონმა გაუგზავა.

ამ დროს ახალი მიმართულების წევრები გადაწყვეტენ ობოლ ბავშვებს დაეხმარონ, ისინი ამისათვის ფულს შეაგროვებენ.

მეთოთხმეტე ეპიზოდში — „Blame it on the Alcohol“ კლუბის წევრები რეიჩელს ესტუმრებიან რომელიც სახლში მარტოა. ისინი ალკოჰოლურ სასმელს დალევენ რაც მათზე ძალიან ცუდად იმოქმედებს. მეორე დღისით, სკოლის სპორტულ დარბაზში გამართულ ღონისძიებაზე რომელიც ალკოჰოლის ანტირეკლამას აკეთებს ბრიტანის აღებინებს. ეს უილს პრობლემებს შეუქმნის თუმცა საბოლოვოდ მოახდენს თავის დაძვრენას.

ახალი მიმართულება შეძლებს რეგიონალურ კონკურსში გამარჯვებას რის შემდეგაც ისინი ნაციონალური კონკურსის საგზურს მოიპოვებენ, რომელიც ნიუ იორკში იმართება.

რეიჩელი გატეხილი ცხვირის გამო გადაწყვეტს პლასტიკური ოპერაციის გაკეთებას, ეს უილს უბიძგებს ახალი მიმართულების წევრებს დაავალოს იმღერონ თავიანთი ნაკლების შესახებ. ისინი შეასრულებენ ლედი გაგას სიმღერას — „Born This Way“.

ეპიზოდიდან — Born This Way

ამავე ეპიზოდში სანტანა ბრიტანის გაუმხელს, რომ ის ლესბოსელია და მისდამი გრძნობები აქვს.

აგრეთვე გაირკვევა, რომ კაზოფსკი რომელიც ასე აწუხებდა კურტს, თურმე თავადაც გეია. კურტთან კამათის დროს იგი მას აკოცებს, რის შემდეგაც კურტი მასთან ბლეინს მიიყვნას, რომელიც კაზოფსკის აუხსნის, რომ კურტს თავი დაანებოს.

ამის შემდეგ კურტი კვლავ ძველ სკოლაში ბრუნდება და ახალ მიმართულებას უერთდება.

სასწავლო წლის დამთავრების წინ სკოლაში მეჯლისი იმართება, რომელზეც მეჯლისის მეფე და დედოფალი უნდა აირჩიონ. სანტანასსაც და ქუინსაც სურთ, მეჯლისის დედოფლის წოდება მიიღონ თუმცა ყველასათვის მოულოდნელად მეფე კაზოფსკი, ხოლო დედოფალი — კურტი გახდება. ტრადიციისამებრ მეფე და დედოფალმა ერთმანეთთან უნდა იცეკვონ რაც კურტს ძალიან გაანაწყენებს ვინაიდან იგი მოსწავლეებისაგან დაცინვის საგანი გახდება. იგი უმალ დატოვებს მეჯლისს თუმცა ბლეინის თხოვნით დაბრუნდება და მასთან იცეკვებს.

სიუს და — ჯეინი, რომელიც დაუნიზმითაა დაავადებული, გარდაიცვლება, რაც სიუს დაამწუხრებს. კურტი მას დაკრძალვის ორგანიზებას შესთავაზებს, რაც დიდი შტაბეჭდილებას მოახდენს სიუზე.

ბოლო ეპიზოდში ახალი მიმართულება ნიუ იორკში მიემართება ვინაიდან იქ იმართება ნაციონალური კონკურსი. უილს სურს ბროდვეიზე მსახიობად მოეწყოს რის გამოც სასტუმროდან გაიპარება. მოსწავლეებმა არ იციან თუ სად არის იგი და დაბნეულები არიან. შუსტერს უარს ეტყვიან და ამის შემდეგ იგი სასტუმროში დაბრუნდება. ბროდვეიზე გაემგზავრებიან კურტი და რეიჩელიც თუმცა არა მოსაწყობად, არამედ მათ სურთ ბროდვეის სცენაზე შეასრულონ რაიმე სიმღერა.

მიუხედავად იმისა, რომ კლუბის წევრებს გამარჯვების იმედი აქვთ, ისინი ნაციონალური კონკურსის ათეულშიც ვერ შევლენ და მეთორმეტე ადგილს დაიკავებენ. პირველ ადგილს კლუბი - Portland Scale Blazers დაიკავებს, ხოლო ვოკალური ადრენალინი მეორე ადგილს დასჯერდება.

ეპიზოდის დასასრულს ბლეინი და კურტი კაფეში სხედან სადაც სემი და მერსედესი შემოდიან. აღმოჩნდება, რომ ისინი ერთად არიან თუმცა ამის თქმას კლუბის წევრებისათვის არ აპირებენ.

უილს მონაწილეებისათვის პატარა ჯილდო მიაქვს, რომელიც ნაციონალურ კონკურსზე მეთორმეტე ადგილის დაკავებისათვის გადასცეს.

III სეზონი (2011-2012)[რედაქტირება | წყაროს რედაქტირება]

მესამე სეზონი დაიწყო ეპიზოდით — The Purple Piano Project.

კერტის შეყვარებული ბლეინი, დალტონის აკადემიიდან უილიამ მაკ-კინლის სახელობის სკოლაში გადმოვა და ახალ მიმართულებას შეუერთდება.

სემის ოჯახს ქალაქიდან წასვლა მოუწია, რის გამოც სემმა სკოლა დატოვა. ამის შემდეგ მერსედესმა ფეხბურთის გუნდის წევრ, შეინთან დაიწყო შეხვედრა.

ახალ მიმართულებას დატოვებს ქუინიც, რომელიც თმებს წითლად შეიღებავს და თამბაქოს მოხმარებას დაიწყებს.

კადრი ეპიზოდიდან - The Purple Piano Project

პირველ ეპიზოდში უილი სამ იასამნისფერ ფორტეპიანოს იშოვის, რომლებსაც სკოლის სხვადასხვა ადგილებში განათავსებს. ერთ-ერთ ფორტეპიანო სკოლის მოსწავლეები დაამტვრევენ. მეორეს კი ქუინის მიერ გადაგდებული ანთებული სიგარეტის ღერი შეიწირავს.

ემა და უილი ერთად ცხოვრებას დაიწყებენ, ვინაიდან ქორწილისათვის ემზადებიან.

კლუბის წევრები სკოლის სასადილოში სიმღერას - We Got the Beat შეასრულებენ, რომლის შემდეგაც მოსწავლეები საჭმელს დაუშენენ.

უილი გადაწყვეტს სკოლაში მიუზიკლი - „ვესტსაიდური ამბავი“ დადგას, მის რეჟისორობას არტის მიანდობს.

მერსედესს სურს, რომ მარიას როლზე დაამტკიცონ. ამისათვის იგი მთელი მონდომებით იმღერებს ქასთინგზე, თუმცა ჟიური, რომლის შემადგენლობაში ემა და შენონიც შედიოდნენ, რეიჩელის თხოვნით მერსედესთან ერთად მასაც ამავე როლზე დაამტკიცებს, რაც მერსედესს განარისხებს და ახალ მიმართულებას დატოვებს.

მიუზიკლში როლები ასე განაწილდება: მარია - რეიჩელი, ტონი - ბლეინი, რიფი - მაიკი, ანიტა - სანტანა, ოფიცერი კრუპკი - კურტი.

პარალელურად სკოლის საპრეზიდენტო არჩევენები დაიწყო. ბრიტანიმ კურტს არჩევნებში მონაწილეობა შესთავაზა, თუმცა შემდგომ სანტანას თხოვნით თავადაც ჩაეწერა კანდიდატთა სიაში. არჩევნებში მონაწილეობის სურვილი გამოთქვა რეიჩელმაც, თუმცა როდესაც საარჩევნო სიტყვას ამბობდნენ, განაცხადამ რომ მის მაგივრად ყველას კერტისათვის მიეცა ხმა.

მესამე ეპიზოდში მაიკ ჩენგის მამა განრისხებულია იმით, რომ მაიკმა საკონტროლოში ხუთიანი მინუსით (5-) მიიღო, რაც აზიურად ორიანს ნიშნავს. მას სურს მაიკი ექიმი გახდეს, ამიტომაც გაბრზებულია, რომ მისი შვილი ცეკვასა და კლუბს მეტ დროს უთმობს ვიდრე სწავლას. ამიტომაც მან მაიკს განუცხადა, რომ იგი მისი შვილი აღარ იყო.

მაკ-ინლის სკოლაში გაცვლითი პროგრამით რორი ფლენეგენი ჩამოდის, რომელიც ბრიტანისთან დაიწყებს ცხოვრებას. რორი მას ატყუებს, რომ იგი ლეპრეკონია და სურვილების ასრულება შეუძლია. მას ბრიტანისთან სექსი უნდოდა, თუმცა სანტანამ მანამ დაარწმუნა ბრიტანი რორის ტყუილებში ვიდრე იგი ამას მოახერხებდა.

ქუინი ახალ მიმართულებაში დაბრუნდა, რამაც მოსწავლეებში სიხარული გამოიწვია.

The Troubletones

პარალერულად სკოლაში კიდევ ერთი კლუბი იქმნება რომლის ხელმძღვანელიც შელბი ქორკორანი ხდება. მეორე კლუბში უმალ გაწევრიანდება მერსედესი, მას სანტანა და ბრიტანიც მიბაძავენ. ახალ კლუბს — „The Troubletones“ უწოდეს.

უილიამ მაკ-კინლის სკოლის საფეხბურთო კლუბს პროფესიონალური გუნდის წარმომადგენელი, კუტერ მენკინსი ეწვია. მას ფეხბურთელი უნდა შეერჩია. ფინს იმედი ჰქონდა, რომ საფეხბურთო კარიერას მოიწყობდა, თუმცა მის მაგივრად შეინი აიყვანეს.

მწვრთნელ შენონს კუტერ მენკინსის მიმართ გრძნობა გააჩნდა, თუმცა როდესაც იგი ვახშამზე ეპატიჟებოდა ძალაუნებურად უარს ეუბნებოდა.

ახალი მიმართულების რიგებს რორი ფლენეგენი შეუერთდება, რომელსაც მუსიკალური მონაცემები გააჩნია. იგი კლუბში ფინის თხოვნით გაწევრიანდა.

მიუზიკლის პრემიერამ წარმატებით ჩაიარა, თუმცა მაიკის მამა, მიუხედავად მიპატიჟებისა პრემიერას არ დაესწრო.

სიუ სილვესტერი კონგრესმენობას გადაწყვეტს და ამისათვის არჩევნებში იღებს მონაწილეობას. უილმა იცის, რომ თუკი სიუ კონგრესმენი გახდება უპირველეს ყოვლისა კლუბს დახურავს ამიტომაც კერტის მამას, ბარტს, არჩევნებში მონაწილეობას შესთავაზებს. ბარტი დათანხმდება მას და საარჩევნოს პროგრამას გააკეთებს. ერთ-ერთი კანდიდატი, სიუს წინააღმდეგ სარეკლამო რგოლს გააკეთებს სადაც სანტანსას ლესობსელობაზეა ყურადრება გამახვილებული. იმის გამო, რომ სანტანა ამას ოჯახის წევრებს უმალავდა, იგი ძალიან განიცდის და გადაწყვეტს ბებიას მანამ უთხრას ეს სანამ რეკლამას ნახავს. სანტანას იმედი ჰქონდა, რომ იგი გაუგებდა. თუმცა ასე არ მოხდა და ბებიამ მას უთხრა, რომ თვალით აღარ დანახვოდა. სანტანამ ეს ძალიან განიცადა.

სკოლის საპრეზიდენტო არჩევნებში ყველაზე მეტი ხმა კურტმა მიიღო, თუმცა გაირკა, რომ ბიულეტენი მეტი იყო ვიდრე მაკ-კინლის მოსწავლეთა რაოდენობა. აღმოჩნდა, რომ არჩევნების გაყალბება რეიჩელმა სცადა, რის გამოც იგი დაისაჯა და რეგიონალურის შესარჩევ კონკურსში მონაწილეობა აეკრძალა. სკოლის პრეზიდენტი ბრიტანი სუზან პირსი გახდა.

მარცხნიდან: მერსედესი, სანტანა და ბრიტანი. ეპიზოდიდან Hold On To Sixteen

რეგიონალურის შესარჩევზე აგრეთვე მონაწილეობდა The Troubletones, თუმცა ახალმა მიმართულებამ მათ აჯობათ და რეგიონალურზე მონაწილეობის საგზური მოიპოვა. კონკურსს მაიკ ჩენგის მამაც ესწრებოდა რომელიც იქ თინას თხოვნით მივიდა. ჩენგის მამამ დაინახა შვილის ტალანტი და ბოდიში მოუხადა იმაზე, რომ არ აფასებდა მას.

ქუინს სურდა შელბისათვის მისი ბავშვი წაერთმია, თუმცა პაკმა დახმარებაზე უარი განუცხადა და შელბის ამის შესახებ უამბო. შემდგომში პაკს შელბი შეუყვარდა, თუმცა მისგან უარი მიიღო მათ შორის ასაკში სხვაობის გამო.

კონგრესმენის არჩევნებში ბარტ ჰამელმა გაიმარჯვა. ამან ძალიან განარისხა მისი კონკურენტი სიუ სილვესტერი.

ეპიზოდში Hold On To Sixteen ფინი გაიგებს, რომ სემის ოჯახი ქალაქში დაბრუნდა და სემმა ერთ-ერთ კლუბში სტრიპტიზიორად დაიწყო მუშაობა. ამის შემდეგ ის და რეიჩელი კლუბში გაემგზავრნენ რათა სემი ეხილათ. მათ დაარწმუნეს იგი უილიამ მაკ-კინლის სკოლაში დაბრუნებულიყო და კვლავ შეერთებოდა ახალ მიმართულებას.

სერია Extraordinary Merry Christmas საახალწლო თემაზეა. უილი გადაწყვეტს, რომ საახალწლო შოუ გააკეთოს, მის რეჟისორად კვლავ არტის დანიშნავს. არტი გადაწყვიტავს, რომ მისი შოუ, კლასიკურ სტილში უნდა იყოს, როგორც ვარსკვლაური ომების საახალწლო გამოშვება. რეჟისორის გადაწყვეტილებით შოუ შავ-თეთრ ფერებში გადაიღეს. მთავარი გმირები კურტი და ბლეინი იყვნენ, რომლებიც, სიუჟეტის თანახმად, ახალ წელს მეგობრებთან ერთად აღნიშნავდნენ. შოუში ასევე მონაწილეობდნენ: რეიჩელ ბერი, მერსედეს ჯონსი, ფინ ჰადსონი, ნოა პაკერმანი და ახალი მიმართულების კიდევ რამდენიმე წევრი.

შოუს შემდეგ ისინი გაჭირვებულ ბავშვებთან შესახვედრად გაემგზავრნენ და მათ ლამაზი საღამო აჩუქეს.

ეპიზოდის ბოლოს, სემი და რორი ქუჩაში ფულს აგროვებენ. მათ რეიჩელი და ფინი შეუერთდებიან.

ტელესერიალის 54-ე ეპიზოდში — „Yes/No“ სემი სკოლის სინქრონულ მოცეკვავეთა გუნდში გაწევრიანდა, სწორედ სინქრონული ცეკვის მეშვეობით სთხოვა უილ შუსტერმა ემას, რომ მისი ცოლი გამხდარიყო რაზეც თანხმობა მიიღო.

ეპიზოდის დასაწყისში აღმოჩნდა, რომ მწვრთნელი შენონი გათხოვდა. მისი მეუღლე კი კუტერ მენკინსია, რომელიც, შენონს დიდი ხნის განმავლობაში მოსწონდა.

ფინმა უილს უთხრა, რომ არმიაში წასვლა სურდა მამამისის მსგავსად, რომელიც გმირულად დაიღუპა ჯარში მსახურობისას. თუმცა გაირკვა, რომ მამამისი გმირულად არ დაღუპულა, თურმე სიცოცხლის ბოლო თვეებში ის ნარკომანი გახდა და ოჯახი მიატოვა. როდესაც ეს შეიტყო, ფინი ძალიან გაბრაზდა დედამისზე, რომელიც ამდენი ხნის განმავლობაში სიმართლეს უმალავდა.

ეპიზოდის დასასრულს ფინმა ხელი სთხოვა რეიჩელს, თუმცა რეიჩელის პასუხი 55-ე ეპიზოდამდე უცნობი იყო.

55-ე ეპიზოდში რეიჩელი ფინს დათანხმდა, მისი ცოლი გამხდარიყო.

კადრი ეპიზოდიდან "On My Way". რეიჩელისა და ფინის ჯვრისწერაზე მიმავალი ქუინი

ამავე სერიაში მან და კურტმა წერილები მიიღეს, საიდანაც გაირკვა, რომ ისინი სწავლას „NYADA“-ში გააგრძელებენ.

ქუინ ფაბრეი კი სწავლას იელში განაგრძობს, ამის შესახებ მან რეიჩელს, მოგვიანებით კი მთელ კლუბს განუცხადა.

55-ე ეპიზოდის სახელწოდება იყო „Michael“, მთელი სერიის განმავლობაში კლუბის წევრები მაიკლ ჯექსონის რეპერტუარს ასრულებდნენ.

ეპიზოდს 9.07[5] მილიონმა ადამიანმა მიადევნა თვალი, რაც ტელესერიალის მესამე სეზონში ერთ-ერთი საუკეთესო მაჩვენებელია. მას მხოლოდ სეზონის პირველი ეპიზოდი „The Purple Piano Project“ უსწრებს, რომელსაც 9.21[6] მილიონი ადამიანმა უყურა.

57 ეოიზოდში „Heart“ — სიუჟეტი წმინდა ვალენტინის დღეს ვითარდება.

მერსედესმა შეინს უამბო, რომ მას კვლავ სემი უყვარს.

რეიჩელის გეი მამებმა, ვახშმად ფინის ოჯახი დაპატიჟეს, რათა მათი ქორწინების ამბები გაერკვიათ.

58-ე ეპიზოდში „On My Way“ უილიამ მაკ-კინლის სახეობის სკოლის კლუბი — „ახალი მიმართულება“ რეგიონალურ კონკურსზე გავიდა და პირველი ადგილი დაიკავა სიმღერებით: „Fly/I Believe I Can Fly“, „What Doesn't Kill You (Stronger)“ და „Here's To Us“. ამით კლუბმა ნაცინალურის საგზური მოიპოვა.

აღსანიშნავია ისიც, რომ რეგიონალური კონკურსის ჟიურის წევრს იენ ბრენანი თამაშობდა.

ეპიზოდის ბოლოს რეიჩელის და ფინის ჯვრისწერა იყო, იქ მიმავალი ქუინი ავარიაში მოყვა. ამის გამო ჯვრისწერაც ჩაიშალა.

ავარიის შედეგად ქუინმა ხერხელმალი დაიზიანა და არტის მსგავსად, მასაც ინვალიდის ეტლში ჩაჯდომა მოუწია რათა გადაადგილება შესძლებოდა. ქუინის თქმით იგი ნაციონალურ კოკურსამდე შეძლებდა ფეხზე ადგომას, რასაც ექიმებიც უდასტურებდნენ.

ეპიზოდში ბლეინის უფროსი ძმა, კუპერი გამოჩნდა. ვინაიდან იგი მსახიობია, მან კლუბის წევრებს სამსახიობო მასტერკლასები ჩაუტარა.

ფინმა რეიჩელს უთხრა, რომ არ სურს ნიუ-იორკში წასვლა და პაკთან ერთად ლოს-ანჯელესში ბიზნესის წამოწყებას გეგმავს.

ვუპი გოლდბერგი

ეპიზოდში „Choke“, რეიჩელი და კურტი „NYADA-ს“ უნივერსიტეტში ჩასაბარებლად, სპეციალურ მოსმენაზე გადვიდნენ. უნივერსიტეტის წარმომადგენელის, მსახიობმა, ვუპი გოლდბერგმა განასახიერა. ჯურტმა მოსმენაზე სიმღერა „Not the Boy Next Door“ შესარულა, მან ეს ბოლო წუთს, სცენაზე გასვლისას გადაწყვიტა. რეიჩელ ბერიმ კი „Don't Rain on My Parade“ იმღერა, თუმცა დაწყებიდან რამდენიმე წამში ტექსტი დაავიწყდა, ამის შემდეგ მან მეორე შანსი მოითხოვა, მაგრამ იგი ვერ გამოიყენა. ამან გული ძალიან დასწყვიტა, ვინაიდან NYADA-ში ვერ ჩაირიცხა. კურტმა უნივერსიტეტის წარმომადგენლის მოხიბლვა მოახერხა და ნიუ-იორკში გაემგზავრა.

ამავე ეპიზოდში აღმოჩნდა, რომ მწვრთნელ შენონს, მეუღლე, კუტერმა სცემა. თავდაპირველად შენონი ამას მალავდა, თუმცა საბოლოოოდ აღიარა. სიუმ შესთავაზა, მასთან დარჩენილიყო ღამით, თუმცა შენონმა გადაწყვიტა კუტერისთვის მეორე შანსი მიეცა, რადგან ჩათვალა, რომ მას აღარავინ შეიყვარებდა.

რეიტინგი[რედაქტირება | წყაროს რედაქტირება]

სეზონი ეპიზოდები დროის მონაკვეთი (ET/PT) სეზონის პრემიერა სეზონის ფინალი სატელევიზიო სეზონი პოზიცია მაყურებელი
(მილიონებში)
თარიღი მაყურებელი
(მილიონებში)
თარიღი მაყურებელი
(მილიონებში)
1 22
ოთხშაბათი 21:00 (2009)
სამშაბათი 21:00 (2010)
19 მაისი, 2009
9.62[7]
8 ივნისი, 2010
10.92[8] 2009–10 #33[9] 9.77[9]
2 22
სამშაბათი 20:00 (2010–11)[10]
კვირა 22:38 (6 თებერვალი, 2011)
სამშაბათი 21:00 (24 მაისი, 2011)[11]
21 სექტემბერი, 2010
12.45[12]
24 მაისი, 2011
11.80[13] 2010–11 #43 10.11[14]
3 22
სამშაბათი 20:00 (2011–12)[15]
სამშაბათი 21:00 (22 მაისი, 2012)[16]
20 სექტემბერი, 2011
9.21[6]
22 მაისი, 2012
7.46[17] 2011–12 #56[18] 8.71[18]
4 22
სამშაბათი 21:00 (2012–13)[19]
13 სექტემბერი, 2012[20]
7.41[21]
უცნობია
უცნობია 2012–13 უცნობია უცნობია

პერსონაჟები[რედაქტირება | წყაროს რედაქტირება]

რეიჩელ ბერი

რეიჩელ ბერი
რეიჩელი ერთ-ერთი პირველთაგანი იყო მათ შორის, ვინც კლუბში გაწევრიანდა. რეიჩელი ამბიციური პიროვნებაა, მას სურს კარიერა ბროდვეიზე განაგრძოს, ამიტომაც ძალებს არ იშურებს წარმატების მისაღწევად. იგი ახალი მიმართულების ლიდერად მიიჩნევს თავს, ამიტომაც სერიალის ერთ-ერთი მთავარი პრესონაჟია. როდესახ ჯესი, ვოკლაური ადრენალინიდან, ახალ მიმართულებაში გადმოვიდა, რეიჩელი ერთადერთი იყო ვინც ვერ გააცნობიერა, რომ ჯესი მათ კლუბში მხოლოდ იმისათვის გადმოვიდა, ახალი მიმართულების სუსტი წერტილები რომ ეპოვა. ჯესიმდე რეიჩელი ჯერ ნოა პაკერმანს ხოლო შემდეგ ფინ ჰადსონს ხვდებოდა. როდესაც რეიჩელმა სიმღერაზე - Run Joey Run, კლიპი გადაიღო და მასში ფინი, პაკი და ჯესი ისე ამონაწილევა, რომ მათ ერთმანეთის შესახებ არ იცოდნენთ ამან სამივე გაანაწყენა. ჯესის თქმით მისთვის უსიამოვნო იყო იმის გაგება, რომ რეიჩელმა კლიპში თავის ორ ძველ შეყვარებულთან ერთად ამონაწილევა. ამის შემდეგ, იგი კვლავ ვოკალურ ადრენალინს დაუბრუნდა.
ვინაიდან რეიჩელს ორი გეი მამა ჰყავს, მან არ იცოდა ქალის ვინაობა რომელიც მისმა მამებმა სუროგატ დედად გამოიყენეს. რეიჩელი შეიტყობს დედის ვინაობას, იგი ვოკალური ადრენალინის ხელმძღვანელი შელბი ქორკორანია.
ჯესის შემდეგ რეიჩელმა კვლავ ფინთან დაიწყო შეხვედრა, რომელთან რომანს იგი მომდევნო ორი სეზონის განმავლობაშიც განაგრძობს.
ტელესერიალის 54-ე ეპიზოდში რეიჩელს ფინმა ხელი სთხოვა, ის დათანხმდა.
ეპიზოდში „Michael“ რეიჩელმა მიიღო წერილი, ის და კურტი „NYADA“-ში ჩასარიცხ მოსმენას გაივლიდნენ.
ეპიზოდში „Choke“ რეიჩლმა მოსმენა გაიარა, მას სიმღერა „Don't Rain On My Parade“ შეასრულა, თუმცა ტექსტი ორჯერ დაავიწყდა და საოცნებო უნივერსიტეტში ვერ მოხვდა.

ფინ ჰადსონი

ფინი მაკ-კინლის სკოლის საფეხბურთო გუნდის კაპიტანი და სკოლის ყველაზე პოპულარული ბიჭი იყო. იგი სკოლის მხარდამჭერთა გუნდის კაპიტანს, სკოლის ყველაზე პოპულარულ გოგოს - ქუინ ფაბრეის ხვდებოდა. ფინი კლუბში უილმა იძულებით გააწევრიანა ვინაიდან თავად, რეპუტაციის დაკარგვის ეშინოდა. კლუბში მან რეიჩელ ბერი გაიცნო, რომელთანაც შემდეგ რომანი გააბა.
ფინ ჰადსონი
როდესაც ქუინმა მას, ორსულობის შესახებ აცნობა, ფინმა ეს ტრაგედიად მიიღო, თუმცა შემდეგ გადაწყვიტა ბავშვისათვის ღირსეული მამობა ხოლო ქუინისათვის ქმრობა გაეწია. როდესაც შეიტყო, რომ ქუინი არა მისგან არამედ პაკერმანისაგან იყო ორსულად, ფინი გამწარდა და პაკს ფიზიკურად გაუსწირდა. ამის შემდეგ მან ქუინს, რომელიც მასთან ცხოვრობდა, სახლი დაატოვებინა.
ფინი სერიალში ერთ-ერთი მთავარი პერსონაჟია. მას მამა ჯარში მსახურისას დაეღუპა ამიტომაც, მეორე სეზონში დედამისი კერტის მამაზე, ბარტ ჰამელზე გათხოვდება. ამის შემდეგ კურტი და ფინი ძმები გახდებიან.
მესამე სეზონში ფინს იმედი გაუჩნდა, რომ კუტერ მენკინსი, რომელიც პროფესიონალური ფეხბურთის გუნდისათვის, ფეხბურთელს ეძებდა, სწორედ მას შეარჩევდა, თუმცა ეს ასე არ აღმოჩნდა. მის ნაცვლად გუნდში შეინი აიყვანეს. ეს ფინმა განიცადა ვინაიდან მას კარიერის გაკეთება სწორედ ფეხბურთის განხრით სურდა.
ფინმა რეიჩელს ხელი სთხოვა, პასუხად კი ის მიიღო, რომ მის შეყვარებულს დრო სჭირდებოდა, გადაწყვეტილების მისაღებად. საბოლოოდ მან მაინც თანხმობა მიიღო.

უილ შუსტერი

უილი ახალი მიმართულების ხელცმძღვანელია. სწორედ მან აღადგინა კლუბი რომელშიც, თავის დროზე თავად ირიცხებოდა. პირველ სეზონში უილის ცოლი, ტერი ორსულადაა რაც უილს ძალიან უხარია, ვინაიდან მას და ტერის, რამდენიმეწლიანი თანაცხოვრების შემდეგ შვილი არ უჩნდებოდათ. აღმოჩნდება, რომ ტერი მას ატყუებს და ორსულობა ეჭვიანობის ნიადაგზე მოიგონა, ვინაიდან ამჩნევდა, რომ უილი სკოლის ფსიქოლოგ ემასთან დიდი დროს ატარებდა. როდესაც უილმა სიმართლე გაიგო იგი ცოლს გაშორდა.
უილს ცუდი ურთიერთობა აქვს სიუ სილვესტერთან რომელიც ყოველ ნაბიჯზე ცდილობს ხელი შეუშალოს კლუბს წარმატების მიღწევაში.
უილის აუხდენელი ოცნება ბროდვეია. მეორე სეზონის ბოლო ეპიზოდში - New York, იგი ბროდვეის ეწვევა თუმცა, უარით გამოისტუმრებენ.
ტერისთან განშორების შემდეგ უილი ემასთან გააბამს რომანს. მესამე სეზონში კი ისინი ქორწინდებიან.

სიუ სილვესტერი

სიუ უილიამ მაკ-კინლის სახელობის სკოლის, მხარდამჭერთა მწვრთნელია. ის სერიალის უარყოფითი პერსონაჟია, გამოირჩევა სისატიკით და ბოროტი ხუმრობებით. სიუ ახალი მიმართულების შექმნის დღიდან ცდილობდა მის დაშლას, თუმცა ვერ ახერხებს.
მწვრთნელ სილვესტერს ჰყავს დედა, რომელთანაც ცუდი ურთიერთობა აქვს და ამიტომაც ძალიან იშვიათად ნახულობს. ასევე ჰყავდა და სახელად, ჯეინი რომელიც დაუნიზმით იყო დაავადებული და გარდაიცვალა. სიუს თქმით ის 31 წლისაა, თუმცა გარეგნობით დაახლოებით 40 წელს გადაცილებულივით გამოიყურება. მისი ერთგული მეგობარია ბეკი ჯექსონი, დაუნის სინდრომის მატარებელი გოგონა, რომელმაც სურვილი გამოთქვა მხარდამჭერთა გუნდში გაწევრიანებაზე. ბეკი სიუს დამხმარეა.
ახალი მიმართულების დაშლის წყურვილით, სიუმ მრავალი ბოროტი ქმედება ჩაიდინა. მათ შორის ის, რომ იმ სიმღერების სია, რომელსაც სკოლის მომღერალთა კლუბი რეგიონალური კონკურსის შესარჩევ ტურნეზე იმღერებდა, მოწინააღმდეგე გუნდის ხელმძღვანელს გადასცა. კიდევ ერთი ქმედება, რომელიც სიუმ ჩაიდინა იყო ის, რომ ახალი წლის დღესასწაულზე მწვრთნელმა სილვესტერმა სახე მწვანეთ შეიღება და გრინჩის ფორმაში გამოწყობილმა, ახალი მიმართულების სამეცადინო ოთახში, საახალწლო დეკორაციები გაანადგურა.
: 58-ე ეპიზოდში „On my way“ სიუმ უილ შუსტერი უთხრა, რომ ფეხმძიმედაა.
კურტ ჰამელი

კურტ ჰამელი

კურტი იმ ხუთ მოსწავლეთაგანია, რომლებიც კლუბში პირველები გაწევრიანდნენ. ჰამელი გეია და ამას არც მალავს. ჰყავს მეგობარი ბიჭი — ბლეინ ანდერსონი. კერტის დედა გარდაცვლილია, ჰყავს მამა და დედინაცვალი. მისი ძმა ასევე ახალი მიმართულების წევრი, ფინ ჰადსონია რომელიც დედინაცვლის კეროლ ჰადსონის ერთადერთი შვილია.
რეიჩელის მსგავსად, კურტსაც აქვს ოცნება ბროდვეიზე სიმღერის. ის ცდილობს ყველაფერი გააკეთოს, ოცნების ასახდენად.
როდესაც სკოლის ერთ-ერთი მოსწავლის, ფეხბურთის გუნდის წევრ, დევიდ კაროფსკის მისდამი მოპყრობა კერტისათვის აუტანელი გახდა, გადაწყვიტა დალტონის აკადემიაში გადასულიყო. იქ მისი მეგობარი ბლეინი სწავლობდა. აკადემიაში ის მომღერალთა კლუბში გაწევრიანდა, სადაც როგორც ახალ წევრს კლუბის თილისმა — ბულბული, სახელად პავაროტი ჩააბარეს. თუმცა კურტს ბულბული მოუკვდა და ამან ძალიან დაამწუხრა.
მოგვიანებით კურტი კვლავ უილიამ მაკ-კინლის სახელობის სკოლაში დაბრუნდა და ახალ მიმართულებას შეუერთდა.
ეპიზოდში „Michael“ კურტმა მიიღო წერილი, ის და რეიჩელი „NYADA“-ში ჩასარიცხ მოსმენას გაივლიდნენ.
ეპიზოდში „Choke“ რეიჩლმა და კუტმა მოსმენა გაიარეს, მისი მეგობრისგან განსხვავებით კურტი უნივერსიტეტში ჩაირიცხა და სკოლის დამთავრების შემდეგ ნიუ იორკში გაემგზავრება.
ქუინ ფაბრეი

ქუინ ფაბრეი

ქუინ ფაბრეი მაკ-კინლის სკოლის, მხარდაჭერთა გუნდის კაპიტანი იყო. იგი ფინ ჰადსონს ხვდებოდა. როდესაც ფინი კლუბში გაწევრიანდა, ქუინმა რეიჩელზე ეჭვიანობა დაიწყო ამიტომაც, გადაწყვიტა ახალ მიმართულებაში თავადაც გაწევრიანებულიყო. ქუინი სკოლის უბიწოთა კლუბის პრეზიდენტი იყო ამიტომაც, ყველასათვის შოკისმომგვრელი გახდა ის, როდესაც ქუინმა თავისი ორსულობის შესახებ განაცხადა. იგი ამბობდა, რომ ფინისაგან იყო ფეხმძიმედ თუმცა, შემდეგ აღიარა, რომ ბავშვის მამა პაკი იყო. ორსულობის გამო მამამისმა იგი სახლიდან გამოაგდო და მერსედესთან მოუწია ცხოვრება. ქუინს აგრეთვე მხარდაჭერთა კლუბიდან წამოსვლაც მოუხდა, ვინაიდან მისი ორსულობის გაგების შემდეგ სიუმ უმალ დაატოვებინა მას მხარდაჭერთა რიგები. ბავშვის გაჩენის შემდეგ მან იგი გააშვილა. მისი შვილი რეიჩელის დედამ, ვოკალური ადრენალინის ხელმძღვანელმა, შელბიმ იშვილა.
მეორე სეზონში ქუინმა სემ ევანზთან გააბა ურთიერთობა. სწორედ მასთან ერთად შეასრულა სიმღერა - I've Had The Time Of My Life რეგიონალურის შესარჩევ კონკურსზე.
მესამე სეზონში ქუინმა კლუბი დატოვა, თმები წითლად შეიღება და სიგარეტის მოწევა დაიწყო. იგი მალე მიხვდა თავის შეცდომას და კვლავ ახალ მიმართულებას შეუერთდა. როდესაც შელბი ქალაქში დაბრუნდა, მან გადაწყვიტა მისთვის ბავშვი წაერთმია თუმცა პაკმა დახმარებაზე უარი განუცხადა, და მისი ჩანაფიქრი შელბის შეატყობინა. ამის შემდეგ ქუინს მოუნდა თავიდან დაორსულებულიყო თუმცა პაკმა, ამაზეც უარი განიცხადა.
ქუინი სკოლის დამთავრების შემდეგ სწავლას იელის უნივერსიტეტში განაგრძობს, ამის შესახებ მან სერიალის 55-ე ეპიზოდში განაცხადა.
58-ე ეპიზოდის „On my way“-ს ბოლოს ქუინი ავტოავარიაში მოხვდა. ამის შემდეგ მას ინვალიდის ეტლში ჩაჯდომა მოუწია რათა გადაადგილება შესძლებოდა.

ართურ „არტი“ აბრამსი

როდესაც არტი 8 წლის იყო, დედასთან ერთად ავტომობილით მგზავრობდა, ამ დროს ის ავარიაში მოხვდა. ავარიის გამო მისი ფეხები პარალიზებური იქნა, რის გამოც არტი ინვალიდის სავარძლით დადის.
ის ერთ-ერთი პირველთაგანი გაწევრიანდა უილ შუსტერის მიერ შექმნილ კლუბში — ახალი მიმართულება.
არტი ერთი პერიოდი კლუბის წევრს, თინა კოენ-ჩენგს ხვდებოდა. თუმცა თინამ, საზაფხულო არდადეგებზე, ის მაიკში გაცვალა. მოგვიანებით არტი ბრიტანისაც ხვდებოდა თუმცა მათმა რომანმა დიდხანს ვერ გასტანა.
როდესაც უილ შუსტერმა უილიამ მაკ-კინლის სახელობის სკოლაში მიუზიკლის, „ვესტსაიდური ამბის“ დადგმა გადაწყვიტა, ახალი მიმართულების წევრების მონაწილეობით, მის რეჟისორად სრორედ არტი აბრამსი დანიშნა. არტიმ ძალიან კარგად გაართვა თავის რეჟისორობას, მიუზიკლმა ანშლაგით ჩაიარა.
მოგვიანებით მას კვლავ მოუწია რეჟისორის ამპული მორგება, როდესაც ეპიზოდში „Extraordinary Merry Christmas“ — მას საახალწლო შოუს დადგმა დაევალა. არტიმ ამ დავალებასაც ბრწყინვალედ გაართვა თავი.

მერსედეს ჯონსი

კლუბის ერთადერთი შავკანიანი წევრია, ის ახალ მიმართულებაში ერთ-ერთი პირველი გაწევრიანდა. კლუბში სიმღერასთან ერთად დროებით ის უილიამ მაკ-კინლის სახელობის სკოლის, მხარდამჭერთა გუნდის წევრიც იყო.
მერსედესის კუმირია ამერიკელი მომღერალი ბიონსე ნოულსი, ამიტომ ხშირად ცდილობს მას მიბაძოს.
რეიჩელის ფონზე მერსედესი მუდამ იჩრდილება, ერთ-დღესაც ეს ყელში ამოუვიდა და კლუბი დატოვა. ეს მაშინ მოხდა, როდესაც მიუზიკლში — „ვესტსაიდური ამბავი“ მას და რეიჩელ ბერის ერთი როლი მისცეს. ამის შემდეგ, მერსედესი შელბის კლუბში გადავიდა.
სერიალის განმავლობაში, მერსედეს ჯონსი რამდენიმე ბიჭს იცვლის. პირველი, ვინც მისი სიმპატია გამოიწვია იყო კურტ ჰამელი. თუმცა კურტმა უთხრა, რომ ისინი ერთად ვერ იქნებოდნენ, რადგან გეი იყო. ამის შემდეგ ის ნოა პაკერმანმა მოხიბლა, თუმცა მათმა რომანმა სულ რამდენიმე დღეს გასტანა. II სეზონის ბოლოს გაირკვა, რომ სემი და მერსედესი ერთად იყვნენ. როდესაც სემის ოჯახი ქალაქიდან გაემგზავრა, მათ განშორება მოუხდათ. ამის შემდეგ მერსედესმა შეინთან დაიწყო შეხვედრა, თუმცა სემი კვლავ ქალაქში დაბრუნდა. ამიტომაც მათ შორის კვლავ აეწყო ურთიერთობა.

სანტანა ლოპეზი

სანტანა სერიალის კიდევ ერთი პერსონაჟია. ის უილიამ მაკ-კინლის სახელობის სკოლის, მხარდამჭერთა გუნდის და ახალი მიმართულების წევრია. როდესაც ქუინი დაფეხმძიმდა და სიუმ მხარდაჭერთა რიგები დაატოვებინა, სწორედ სანტანამ დაიკავა კაპიტნის ადგილი.
სერიალის განმავლობაში სანტანა ბევრ ბიჭს იცვლის, თუმცა მეორე სეზონში იგი ბრიტანის გაუმხელს, რომ ლესბოსელია და ბრიტანის, მისი საუკეთესო მეგობრის მიმართ, სასიყვარულო გრძნობა გააჩნია.
სანტანა „ვესტსაიდურ ამბაში“ ანიტას როლს ასრულებს. მიუზიკლში მან სიმღერები — „I Have a Love“, „America“ და „A Boy Like That“ შეასრულა.
მესამე სეზონში სანტანამ ახალი მიმართულება დატოვა და The Troubletones შეუერთდა.
ბრიტანი და სანტანა
კონგრესმენობის ერთ-ერთი კანდიდატი, სარეკლამო რგოლი სანტანას ლესბოსელობაზეა. სანტანას მშობლებმა მისი ორიენტაციის შესახებ, არაფერი იცოდნენ. სანტანამ გადაწყვიტა ბებიისათვის, თავად გაემხილა ეს, სანამ სარეკლამო რგოლიდან შეიტყობდა. მას ეგონა, რომ ბებია მას გაუგებდა, თუმცა ასე არ აღმოჩნდა. სანტანას ეს ძალიან ეწყინდა, ვინაიდან ბებიამისთან მჭიდრო მეგობრობა ჰქონდა.

ბრიტანი სუზან პირსი

ბრიტანი, კლუბში სანტანა და ქუინთან ერთად გაწევრიანდა. სერიალის განმავლობაში იგი მხოლოდ ორ სოლო სიმღერას ასრულებს. ეპიზოდში „Britney/Brittany“ იგი ამბობს, რომ არ უყვარს ბრიტნი სპირსი, ვინაიდან არ სიამოვნებს ის, რომ მისი საახელი მომღერლის სახელს ჰგავს, თვითონ კი არ არის პოპულარული. ამავა ეპიზოდში, როდესაც ბრიტანი კბილის ექიმთან, ნარკოზის ქვეშ იმყოფებოდა, ესიზმრა თუ როგორ მღეროდა, ბრიტნი სპირსის — „I'm a Slave 4 U“.
მეორე სეზონში იგი არტის ხვდებოდა. ეპიზოდში — „A Very Glee Christmas“ ბრიტანი ამბობს, რომ კვლავ სჯერა სანტა კლაუსის, ამიტომაც მას სთხოვს, რომ არტიმ კვლავ შეძლოს სიარული. კლუბის წევრები რთულ ვითარებაში აღმოჩნდებიან, ვინაიდან არ სურთ ბრიტანისათვის სიმართლის გამხელა.
მიუხედავად იმისა, რომ ბრიტანი გაუნათლებელია, აღმოჩნდება, რომ ყველაფერი იცის კატების შესახებ. ამიტომაც მას არტი ინტელექტუალურ შოუში წაიყვანს სადაც გაიმარჯვებენ.
მესამე სეზონში ბრიტანი, უილიამ მაკ-კინლის სახელობის სკოლის, პრეზიდენტი გახდება. თავიდან მან კურტს შესთავაზა არჩევნებში მონაწილეობის მიღება, თუმცა შემდგომ სანტანას თხოვნით, თავადაც იყარა კენჭი პრეზიდენტობაზე.
ბრიტანი სანტანას თხოვნით კლუბს დატოვებს და The Troubletones შეუერთდება.

თინა კოენ-ჩენგი

თინა მათ შორის იყო, ვინც პირველები გაწევრიანდნენ უილ შუსტერუის მიერ შექმნილ კლუბში — ახალი მიმართულება. მისი პერსონაჟი მეორე სეზონიდან უფრო აქტიური გახდა. თინა ასაკით ერთ-ერთი ყველაზე პატარაა კლუბში, ის 16 წლისაა. ამიტომ მაშინ, როდესაც ახალი მიმართულების წევრთა უმეტესობა უილიამ მაკ-კინლის სახელობის სკოლას თაამთავრებს, თინა კვლავ კლუბის წევრად დარჩება.
მაიკი და თინა
ის ურთიერთობაშია ახალი მიმართულების კიდევ ერთ აზიურ წარმოშობის წევრთან, მაიკ ჩენგთან. პირველ სეზონში თითქოს თინასა და არტის შორის იყო კავშირი, თუმცა საზაფხულო ბანაკში, სადაც ის და მაიკი ბავშვებს სიმღერას ასწავლიდნენ მათ შორის გრძნობა გაჩნდა.
თინა გოთია, ამის გამო მას სკოლის დირექციასთან პრობლემები შეექმნა, თუმცა როდესაც გაიგო, რომ სკოლის დირექტოს ვამპირების სჯეროდა, ეს სათავისოდ გამოიყენა და ამის შემდეგ მას გარეგნობასთან დაკავშირებული პრობლემები აღარ ჰქონია.

მაიკ ჩენგი

მიაკი ფინისა და პაკის მსგავსად ფეხბურთის გუნდში თამაშობს. იგი კლუბში თავისი ქორეოგრაფიით გამოირჩევა. მიაკი მეორე აზიური წარმოშობის წევრია კლუბში. სწორედ ეს გახდა მისი კლუბში გაწევრიანების მიზეზი. სერიალის პირველ სეზონში, მაიკი შედარებიდ უკანა ფლანგზეა გადაწეული, თუმცა მეორე სეზონიდან, როდესაც მან თინასთან დაიწყო შეხვედრა, შედარებით წინა ფლანგზე ამოიწია.
მიუხედავად იმისა, რომ მაიკს არ აქვს კარგი მუსიკალური მონაცემები, მან მაინც შეძლო და როლი მიიღო მიუზიკლში - ვესტსაიდურ ამბავი. იგი რიფის როლზე დაამტკიცეს.
ეპიზოდში „Asian F“ მაიკის მამა, წინააღმდეგია იმის, რომ მისი შვილი მეტ დროს უთმობს კლუბსა და ცეკვას ვიდრე სწავლას. ამიტომაც სურს, რომ მაიკმა ახალი მიმართულება დატოვოს. მაიკმა, რა თქმა უნდა ამაზე კატეგორიული უარი განაცხადა, რის გამოც, მამამ განუცხადა, რომ მისი შვილი აღარ იყო. ამის გამო იგი არ დაესწრო მიუზიკლის პრემიერას რომელში მისი შვილი მონაწილეობდა.
თინას თხოვნით მაიკის მამა, რეგიონალურის შესარჩევ კონკურსს დაესწრო. მან დაინახა, რომ მისი შვილი კლუბში ტყუილად არ კარგავდა დროს. ამის შემდეგ მან ბოდიში მოუხადა მას და უთხრა, რომ მისი ნება იყო თუ რა გზას აირჩევდა.

ნოა „პაკი“ პაკერმანი

პაკი, ფინისა და მაიკის მსგავსად მაკ-კინლის სკოლის, საფეხბურთო გუნდის წევრი იყო. თავდაპირველად ის წინააღმდეგი იყო იმისა, რომ მისი საუკეთესო მეგობარი — ფინი, ახალი მიმართულების წევრი იყო, თუმცა შემდგომში ისიც გაწევრიანდა კლუბში.
მოგვიანებით მას ფინთან ურთიერთობა გაუფუჭდა, როდესაც გაირკვა, რომ ქუინ ფაბრეი არა ფინისგან, არამედ მისგან იყო ფეხმძიმედ. თუმცა როდესაც ქუინმა იმშობიარა ბავშვი რეიჩელის დედაზე, შელბი ქორკორანზე გააშვილეს. პაკი თანახმა იყო შვილი შელბისათვის არ გაეტნებინათ და მისთვის მამობა გაეწია, თუმცა ქუინს ეს არ სურდა.
სერიალის მეორე სეზონში პაკერმანი, ლაურენ ზაისესს ხვდებოდა, თუმცა მათი ურთიერთობა მალევე დასრულდა.
კლუბის მესამე სეზონში, როდესაც, შელბი, ბეტთან ერთად, ქალაქში დაბრუნდა, ქუინმა ბავშვის დაბრუნება გადაწყვიტა. ამიტომ მის სახლში პაკთან ერთად შევიდა და ბინაში ისეთი ნივთები დაალაგა, რომელიც ბავშვის ყოლის შემთხვევაში მშობელს სახლში არ უნდა ჰქონოდა. ქუინს სურდა პოლიცია გამოეძახებინა და შელბისთვის შანტაჟი მოეწყო, თუმცა, პაკმა მანამდე, სახლიდან ყველა ნივთი გაიტანა. როდესაც შელბიმ პაკერმანისაგან შემდეგ გაიგო ამის შესახებ, ქუინზე ძალიან განაწყენდა.
ნოას შელბი შეუყვარდა, თუმცა ასაკის გამო, შელბიმ იგივე გრძნობით ვერ უპასუხა, ამან პაკი გააბრაზა.

ბლეინ ანდერსონი

ახალი მიმართულების კიდევ ერთი გეი წევრი, ის უილიამ მაკ-კინლის სახელობის სკოლაში დალტონის აკადემიიდან გადავიდა, რადგან კლუბში მისი შეყვარებული, კურტ ჰამელი მღეროდა.
ბლეინი პირველად მეორე სეზონის ეპიზოდში — „Never Been Kissed“ გამოჩნდა.
ბლეინ ანდერსონი
მიუზიკლში, „ვესტსაიდური ამბავი“ ბლეინმა ტონის როლი შეასრულა, კურტს ამაზე გული დასწყდა, რადგან თავად სურდა ტონის განსახიერება, თუმცა ამას მათ ურთიერთობაზე გავლენა არ ჰქონია.
მესამე სეზონში ბლეინი, დალტონის აკადემიის მოსწავლესთან, სებასტიანთან დამეგობრდა რომელიც აგრეთვე გეი იყო. თავიდან კურტი ეჭვიანობდა, თუმცა შემდეგ ბლეინმა აუხსნა მას, რომ სებასტიანი მისთვის არაფერს წარმოადგენდა.
ეპიზოდში „Extraordinary Merry Christmas“ ბლეინმა და კურტმა მთავარი როლი შეასრულეს საახალწლო შოუში, რომლის რეჟისორიც არტი იყო.

სემ ევანზი

სემი სერიალში მეორე სეზონიდან გამოჩნდა. მაკ-კინლის სკოლაში გადმოსვლამდე მისი ოჯახი სხვა ქალაქში ცხოვრობდა. სკოლაში იგი საფეხბურთო გუნდში აიყვანეს. მისი მუსიკალური მონაცემები ფინმა შეამჩნია, როდესაც სემი გასახდელში შხაპის მიღებისას მღეროდა. თავიდან იგი წინააღმდეგი იყო კლუბში გაწევრიანებაზე, ვინაიდან არ სურდა ზეწოლა ფეხბურთის გუნდელების მხრიდან, თუმცა საბოლოვოდ იგი მიანც დათანხმდა ფინის წინადადებას.
ახალ მიმართულებაში სემმა ქუინი გაიცნო, რომელიც შემდგეომ მეწყვილე გახდა რეგიონალურის შესარჩევ კონკურსში.
მეორე სეზონის ბოლოს, სემი მერსედესს ხვდებოდა. ამის შემდეგ მისმა ოჯახმა ქალაქი დატოვა, რის გამოც მასთან განშორება მოუხდა.
სემი სერიალში, მესამე სეზონის ეპიზოდში — „Hold on to Sixteen“ დაბრუნდა. იგი სტრიპტიზ კლუბში მუშაობდა. რეიჩელისა და ფინის თხოვნით იგი დაბრუბდა სკოლაში და ახალ მიმართულებას შეუერთდა.
სემს სურდა, რომ სკოლის რომელიმე სპორტულ გუნდში გაწევრიანებულიყო, ამიტომ თხოვნით მწვრთნელ შენონს მიმართა. რადგან სეზონი დიდი ხნის დაწყებული იყო, სემი სკოლის სინქრონულ მოცეკვავეთა გუნდში გაწევრიანდა.

ემა ფილსბარი

ემა უილიამ მაკ-კინლის სახელობის სკოლაში, ფსიქოლოგად მუშაობს. მას ახალი მიმართულების ხელმძღვანელი, უილ შუსტერი უყვარს, უილსაც უყვარს ემა, თუმცა პირველ სეზონში, როდესაც ის ტერი შუსტერთან იყო ქორწინებაში ემას უილისადმი ცალმხრივი სიყვარული ტანჯავდა.
პირველ სეზონში, ემა სკოლის ფეხბურთის მწვრთნელზე, კენ ტანაკაზე თხოვდებოდა, თუმცა საქმრომ უილ შუსტერზე ეჭვიანობის გამო მიატოვა და ქორწილი ჩაშალა.
როდესაც სკოლის ადმინისტრაციამ, უილ შუსტერი დასაჯა და ახალი მიმართულებისათვის,რეგიონალურის შესარჩევ კონკლურსზე გაყოლა აუკრძალა, სწორედ ემამ იკისრა თავზე მათი ხელმძღვანელობა. მაშინ უილიამ მაკ-კინლის სკოლის კლუბმა პირველი ადგილი დაიკავა.
მეორე სეზონში ის სტომატოლოგ, კარლ ჰოველს ხვდებოდა, თუმცა საბოლოვოდ ისინი დაშორდნენ.
მესამე სეზონში უილმა ემას ხელი სთხოვა, რაზეც ემა დათანხმდა.

შელბი ქორკორანი

შელბი რეიჩელ ბერის ბიოლოგიური დედაა, როდესაც მისმა გეი მამებმა შვილის ყოლა გადაწყვიტეს, სწორედ შელბი აირჩიეს მათ სუროგატ დედად. რეიჩელმა მის შესახებ მხოლოდ 17 წლის ასაკში შეიტყო, ამიტომ მათ შორის ისეთი დედა-შვილური კავშირი არ დამყარდა როგორსაც თავად მოელოდნენ.
შელბი პირველ სეზონში ახალი მიმართულების კონკურენტი კლუბის — „ვოკალური ადრენალინის“ ხელმძღვანელია. სწორედ მან გაამარჯვებინათ, რეგიონალურ კონკურსზე.
შელბის ძალიან უნდოდა შვილის ყოლა, ამიტომ მან ქუინ ფაბრეისა და ნოა პაკერმანის გოგონა, ბეტი იშვილა. ამის შემდეგ შელბი და ბეტი სხვა ქალაქში გადავიდნენ საცხოვრებლად.
მესამე სეზონში, ის კვლავ დაბრუნდა სერიალში. მას უილიამ მაკ-კინლის სკოლაში ახალ შექმნილი კლუბისათვის — „The Trubletone“ უნდა ეხელმძღვანელა.
პაკს შელბი შეუყვარდა, თუმცა შელბი ასაკით მასზე ბევრად დიდი იყო, ამიტომ იგივე გრძნობით ვერ უპასუხა.

შენონ ბეისტი

მწვრთნელი შენონი, სერიალს მეორე სეზონიდან შეუერთდა. მან ფეხბურთის მწვრთნელი, კენ ტანაკი ჩაანაცვლა.
როდესაც შენონმა სკოლაში მუშაობა დაიწყო, სიუმ გადაწყვიტა მისთვის სკოლიდან წასვლისაკენ ებიძგებინა და ამაში უილიც ეხმარებოდა, თუმცა როდესაც უილმა ახლოს გაიცნო შენონი მიხვდა, რომ იგი მიუხედავად მისი კაცური ქცევებისა, ჩვეულებრივი მანდილოსანი იყო.
შენონი, სიუ და უილი
მეორე სეზონის ეპიზოდში „A Very Glee Christmas“ შენონმა, არტის თხოვნით სანტა კლაუსის ფორმა ჩაიცვა, ვინაიდან ბრიტანისათვის აეხსნა, რომ მის სურვილს ვერ აასრულებდა. ამის შემდეგ კი მან თავად შეიძინა მოწყობილობა, რომლის მეშვეობითაც, არტი სიარულს შეძლებდა და ბრიტანის ნაძვისხესთან დატოვა.
მესამე სეზონში, სკოლის საფეხბურთო გუნდს პროფესიონალური კლუბის წარმომადგენელი, კუტერ მენკინსი ეწვია. შენონს მის მიმართ გრძნობები გაუჩნდა, თუმცა როდესაც კუტერი სავახშმოდ ეპატიჟებოდა რატომღაც უარს ეუბნევოდა. უილი დაეხმარა მას კუტერთან ურთიერთობის აწყობაში, თუმცა ამის შემდეგ მან სიუსთან დაიწყო შეხვედრა. მისი თქმით იგი მეტს ითხოვდა შენონისაგან ვიდრე მას მიცემა შეეძლო, რადგანაც იგი არ იყო ქალური.
თუმცა მას შემდეგ რაც, მენკინსი სიუს დაშორდა, შენონმა მასზე ჯვარი დაიწერა. ამის შესახებ ის სერიალის 54-ე ეპიზოდში ამბობს.

ბეკი ჯექსონი

ბეკი ჯექსონი უილიამ მაკ-კინლის სახელობის სკოლის მოსწავლეა, მას დაუნიზმი სჭირს. ბეკი სკოლის მხარდამჭერთა გუნდის წევრი და მწვრთნელი სილვესტერის მარჯვენა ხელია.
როდესაც სიუმ, ბეკი მხარდამჭერთა კლუბში აიყვანა, უილს ეგონა, რომ იგი დასცინოდა მას. აღმოჩნდა, რომ სიუმ ბეკი იმიტომ აიყვანა, რომ მას თავის დას ამგვანებდა, რომელიც აგრეთვე დაუნის სინმდრომით იყო დაავადებული.
დაუნის სინდრომის მქონე გოგონას ძალიან ცოტა მეგობარი ჰყავდა, მათ შორის ახალი მიმართულების წვერი, ბრიტანი სუზან პირსი.
როდესაც სიუს და, ჯეინი, გარდაეცვალა მან ბეკის მხარდაჭერთა რიგების დატოვება მოსთხოვა, მისი თქმით იგი მას თავის დას აგონებდა, რაც არ სიამოვნებდა. სიუ მალე მიხვდა თავის დანაშაულს და ბეკი კვლავ აღადგინა მხარდამჭერთა გუნდში.

ტერი შუსტერი

უილის ყოფილი მეუღლე, პირველ სეზონში ის ფეხმძიმე ქალს განასახიერებდა, რათა ქმარი შეენარჩუნებინა, თუმცა როდესც ტყუილი გამჟღავნდა ისინი დაშორდნენ.
შემდგომში ტერი სხვადასხვანაირად ეცადა ყოფილ მეუღლესთან ურთიერთობა აღედგინა, თუმცა ყველა მცდელობა წარუმატებლად დასრულდა.

რორი ფლენაგანი

რორი ამერიკაში გაცვლითი პროგრამის ფარგლებში მოხვდა, ის ახალი მიმართულების წევრის, ბრიტანი ს. პირსის ოჯახში ცხოვრობს. თავდაპირველად რორი ბოროტად სარგებლობდა თავისი ირლანდიური წარმოშობით და ბრიტანის ატყუებდა, ვითომ ის ლეპრეკონი იყო და მისი სურვილების ასრულება შეეძლო. ამით მას სურდა ბრიტანისთან დაახლოვება, რათა შემდგომ მასთან სექსი ჰქონოდა. რორის იდეის განხორციელებაში ხელი, სანტანა ლოპეზმა შეუშალა.
რორი ფინ ჰადსონის რჩევით, ახალ მიმართულებას შეუერთდა, მესამე სეზონის დასაწყისში. იგი ვესტსაიდურ ამბავშიც მონაწილეობდა.

დირექტორი ფიგინსი

ფიგინსი უილიამ მაკ-კინლის სახელობის სკოლის დირქტორია, რომელიც სკოლის ფინანსების დახარჯვას უფრთხილდება. ამის გამო, იგი ხშირად ხდებოდა სიუს შანტაჟის მსხვერპლი.

ბარტ ჰამელი

ბარტი კერტის მამა და ფინის მამინაცვალია. პირველ სეზონში, როდესაც კურტი გამოუტყდა მას, რომ იგი გეი იყო, მან უთხრა, რომ მან ეს ყოველთვის იცოდა, ვინაიდან როდესაც კურტი პატარა იყო, სანტას ქუსლიან ფეხსაცმელებს სთხოვდა, ნაცვლად სათამაშოებისა რომლებითაც ჩვეულებრივ, ბიჭები თამაშობენ.
როდესაც ბარტმა და ფინის დედამ, კეროლმა, შეხვედრა დაიწყეს, ფინი ამის წინააღმდეგი იყო, თუმცა შემდგომ ბარტს დაუახლოვდა და მიხვდა, რომ იგი შეძლებდა ფინისათვის მამობის გაწევას.
მესამე სეზონში ბარტმა, კონგრესის არჩევნებში მიიღო მონაწილეობა სადაც სიუ სილვესტერს აჯობა და კონგრესმენი გახდა.

ჯეინ სილვესტერი

ჯეინი სიუს და იყო. იგი დაუნის სინდრომით დაიბადა. ვინაიდან ჯეინი და სიუ ერთად გაიზარდნენ, სიუს ძალიან უყვარდა თავისი და. ამიტომაც მეორე სეზონში, როდესაც ჯეინი გარდაიცვალა, მან ეს ძალიან განიცადა.

ლაურენ ზაისესი

ლაურენი ახალი მიმართულების წევრი, არც თუ ისე დიდხანს იყო. იგი კლუბში კერტის წასვლის შემდეგ გაწევრიანდა, ვინაიდან კლუბს საკმარისი რაოდენობის წევრები არ ჰყავდა, რათა რეგიონალურ კონკურსზე ემონაწილევა. კერტის დაბრუნების მიუხედავად, ზაისესი ახალ მიმართულებასთან ერთად ნიუ იორკში გაემგზავრა, რათა ნაციონალურ კონკურსში მიეღო მონაწილეობა.
მესამე სეზონის პირველ ეპიზოდში, ზაისესმა კლუბი დატოვა.

ჯესი სენტ-ჯეიმსი

ჯესი ვოკალური ადრენალნის წევრი იყო. პირველს სეზონში, როდესაც იგი ახალ მიმართულებაში გადმოვიდა ამან ყველა დააეჭვა, გარდა რეიჩელისა. რეიჩელს სიმპატიები გაუჩნდა ჯესის მიმართ, ამიტომაც ჯესიმ და მან შეხვედრა დაიწყეს.
როდესაც რეიჩელმა კლიპი გადაიღო სიმღერაზე „Run Joey Run“ და მასში ჯესი, ფინთან და პაკთან ერთად ამონაწილევა, ამის გამო ჯესიმ კლუბი დატოვა და კვლავ ვოკალურ ადრენალინში დაბრუნდა.
მეორე სეზონში ჯესი კვლავ შეუერთდა ახალ მიმართულებას, თუმცა არა როგორც კლუბის წევრი, არამედ უილის დამხმარე. მან მალევე დატოვა ახალი მიმართულება და სერიალში აღარ გამოჩენილა.

ჯუდი და რასელ ფაბრეები

რეიჩელ ბერის გეი მამები. მათ სუროგატ დედათ, შელბი ქორკორანი გამოიყენეს და არ იციან რომლის შვილია რეიჩელი, თუმცა ამის გარკვევის სურვილი არ აქვთ.
როდესაც მათ რეიჩელის შესაძლო გათხოვრების შესახებ შეიტყვეს, გადაწყვიტეს ჯვრისწერა ჩაეშალათ.

როლებში[რედაქტირება | წყაროს რედაქტირება]

მარცხნიდან მარჯვნივ: მარკ სელინგი, კევინ მაკჰეილი, ლია მიშელი, დიანა ეგრონი, კორი მონტითი, კრის კოლფერი, ჯენა ესკოვიჩი, ემბერ რაილი
ჯეინ ლინჩი (სიუ) და მეთიუ მორისონი (უილი)

სეზონების სია[რედაქტირება | წყაროს რედაქტირება]

სეზონი ეპიზოდი გამოსვლის თარიღი (აშშ)
სეზონის პრემიერა სეზონის ფინალი
1 22 19 მაისი 2009 9 ივნისი 2010
2 22 21 სექტემბერი 2010 24 მაისი 2011
3 22[22] 20 სექტემბერი 2011 მიმდინარეობს

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. "Fox Holds "Glee" Tryouts After "American Idol" Tuesday, May 19 - New One-Hour Musical Comedy Series to Preview Post-American Idol" დაარქივებული 2013-10-22 საიტზე Wayback Machine. . FOX 19 მაისი, 2009
  2. (2 ივნისი, 2009) სამშაბათის TV რეიტინგები დაარქივებული 2010-06-13 საიტზე Wayback Machine.
  3. (25 მაისი, 2010) სამშაბათის ფინალური რეიტინგები დაარქივებული 2013-12-25 საიტზე Wayback Machine.
  4. (21 სექტემბერი, 2011) Tuesday Final 'Glee' DWTS Results Adjusted Up; დაარქივებული 2012-06-21 საიტზე Wayback Machine.
  5. Gorman, Bill. (February 1, 2012) Tuesday Final Ratings: 'Glee' Adjusted Up; 'Raising Hope' Adjusted Down. TV by the Numbers. დაარქივებულია ორიგინალიდან — თებერვალი 3, 2012. ციტირების თარიღი: February 2, 2012.
  6. 6.0 6.1 Seidman, Robert. (September 21, 2011) Tuesday Finals: 'New Girl,' 'Glee,' 'NCIS,' DWTS Results Adjusted Up; 'Body of Proof' Adjusted Down. TV by the Numbers. დაარქივებულია ორიგინალიდან — ივნისი 21, 2012. ციტირების თარიღი: September 21, 2011.
  7. Seidman, Robert. (May 20, 2009) Top Fox Primetime Shows, May 18–24, 2009. TV by the Numbers. დაარქივებულია ორიგინალიდან — აპრილი 26, 2010. ციტირების თარიღი: September 2, 2009.
  8. Porter, Rick. (June 9, 2010) TV ratings: 'Glee' finale solid, but NBA Finals win Tuesday. Zap2it. Tribune Media Services. ციტირების თარიღი: June 9, 2010.
  9. 9.0 9.1 Deadline Hollywood. ZDeadline Hollywood (May 28, 2010). ციტირების თარიღი: May 28, 2010.
  10. Rice, Lynette. (November 19, 2010) Fox moves 'American Idol' to Wednesdays and Thursdays. Entertainment Weekly. Time Inc. დაარქივებულია ორიგინალიდან — თებერვალი 7, 2012. ციტირების თარიღი: November 20, 2010.
  11. Showatch. The Futon Critic. ციტირების თარიღი: August 14, 2011.
  12. Porter, Rick. (September 22, 2010) Tuesday ratings breakdown: Returning shows rule. Zap2it. Tribune Media Services. ციტირების თარიღი: September 23, 2010.
  13. Gorman, Bill. (May 25, 2011) Tuesday Final Ratings: 'American Idol,' 'Dancing With The Stars' Adjusted Up. TV by the Numbers. დაარქივებულია ორიგინალიდან — დეკემბერი 25, 2013. ციტირების თარიღი: May 25, 2011.
  14. Gorman, Bill. (June 1, 2011) 2010–11 Season Broadcast Primetime Show Viewership Averages. TV by the Numbers. დაარქივებულია ორიგინალიდან — ივნისი 20, 2011. ციტირების თარიღი: August 14, 2011.
  15. Fox Announces Primetime Slate for 2011-2012 Season - ComingSoon.net. ComingSoon.net (May 16, 2010). დაარქივებულია ორიგინალიდან — იანვარი 20, 2012. ციტირების თარიღი: July 7, 2011.
  16. School's Out on an All-New Season Finale of "Glee". The Futon Critic. ციტირების თარიღი: May 18, 2012.
  17. Kondolojy, Amanda. (May 23, 2012) Tuesday Final Ratings: 'American Idol', 'DWTS', 'AGT' Adjusted Up, 'Glee' Adjusted Down. TV by the Numbers. დაარქივებულია ორიგინალიდან — ოქტომბერი 14, 2013. ციტირების თარიღი: May 23, 2012.
  18. 18.0 18.1 Gorman, Bill. (May 24, 2012) Complete List Of 2011–12 Season TV Show Viewership: 'Sunday Night Football' Tops, Followed By 'American Idol,' 'NCIS' & 'Dancing With The Stars'. Tvbythenumbers.zap2it.com. დაარქივებულია ორიგინალიდან — მაისი 25, 2012. ციტირების თარიღი: May 25, 2012.
  19. Gorman, Bill. (May 14, 2012) Fox 2012–13 Primetime Schedule Announced: 'Touch' & 'Fringe' Friday, 'Bones' & 'Mob Doctor' Monday, 'Glee' To Thursday, 4 Comedy Tuesday. TV by the Numbers. დაარქივებულია ორიგინალიდან — ივნისი 2, 2012. ციტირების თარიღი: May 19, 2012.
  20. FOX ANNOUNCES FALL PREMIERE DATES FOR THE 2012–2013 SEASON. Fox Flash (June 18, 2012). დაარქივებულია ორიგინალიდან — ივნისი 21, 2012. ციტირების თარიღი: June 18, 2012.
  21. Kondolojy, Amanda. Thursday Final Ratings: 'Glee' Adjusted Down, No 18-49 Adjustment for 'The X-Factor'. Tv by the Numbers. დაარქივებულია ორიგინალიდან — ოქტომბერი 22, 2013. ციტირების თარიღი: September 14, 2012.
  22. "Shows A-Z - glee on fox". The Futon Critic. 21 ნოემბერი, 2011