კიტაი-გოროდი
კიტაი-გოროდი (რუს. Китай-город) — მოსკოვის ისტორიული რაიონი კიტაიგოროდსკაიას კედლის შიგნით. 1538 წელს მიშენებულია მოსკოვის კრემლის ბეკლემიშევისა და არსენალის კუთხურ კოშკებთან.
XIX–XX საუკუნეებში მომხდარი ნგრევის შედეგად შემორჩენილია კიტაი-გოროდის უძველესი კედლის მხოლოდ მცირე ნაწილები. კიტაი-გოროდი იწყება წითელი მოედნიდან, ჩრდილოეთით ესაზღვრება ოხოტნი-რიადი, თეატრალური მოედანი და თეატრალური გასასვლელი, აღმოსავლეთით ლუბიანსკისა და სტარაიას მოედნები, სამხრეთით მდინარე მოსკოვი.
კიტაი-გოროდის ტერიტორია შედის ტვერსკის რაიონის შემადგენლობაში. ამჟამად იგი მოსკოვის ადმინისტრაციული, კულტურული და ბიზნეს ცენტრია. მის შემადგენლობაშია: ნიკოლსკაიას ქუჩა, ილინკა, ვარვარკა, აგრეთვე ზარიადიეს რაიონი.
1991 წლამდე ტერიტორია შედიოდა ხამოვნიჩესკის, ტაგანსკისა და ბასმანის რაიონებში. 1990 წელს მეტროსადგურ „ნოგინის მოედნის“ კიტაი-გოროდად გადარქმევის შემდეგ ბელი-გოროდის მეზობელ კვარტალებს ზოგჯერ შეცდომით კიტაი-გოროდს უწოდებენ.[1]. მართლაც, ისტორიული კიტაი-გოროდის ფარგლებში არსებული ერთადერთი მეტროსადგურია რევოლუციის მოედანი.[2]
იხილეთ აგრეთვე
[რედაქტირება | წყაროს რედაქტირება]სქოლიო
[რედაქტირება | წყაროს რედაქტირება]- ↑ Пример безграмотного путеводителя
- ↑ 901 Издание Суворина v.1 1:21K План города Москвы - Вариант 1. 1:21000, 250 саж. в дюйме. - [СПб.: Суворин, [190.] (Типо-литогр. Т-ва Владимир Чичерин)].