კიოტირო მაცურა

კიოტირო მაცურა
იუნესკოს გენერალური დირექტორი
თანამდებობაზე ყოფნის დრო
1999 – 2009
წინამორბედი	ფედერიკო მაიორ სარაგოსა
მემკვიდრე	ირინა ბოკოვა
დაბადებული	29 სექტემბერი, 1937 ტოკიო, იაპონია
მოქალაქეობა	იაპონია
განათლება	ტოკიოს უნივერსიტეტი
პროფესია	დიპლომატი
ხელმოწერა

კიოტირო მაცურა (იაპონ. 松浦 晃一郎; დ. 29 სექტემბერი, 1937, ტოკიო, იაპონია) — იაპონელი პოლიტიკოსი და დიპლომატი. იუნესკოს გენერალური დირექტორი 1999-2009 წლებში.

ბიოგრაფია

დაიბადა 1937 წელს. 1959 წელს დაამთავრა ტოკიოს უნივერსიტეტის იურიდიული ფაკულტეტი, ხოლო 1961 წელს აშშ-ის ჰეივერფორდის ეკონომიკური კოლეჯი. 1992-1994 წლებში იაპონიის საგარეო საქმეთა მინისტრის მოადგილე. მუშაობდა დიპლომატად. 1994-1999 წლებში იყო იაპონიის ელჩი საფრანგეთში, ანდორასა და ჯიბუტში.

1999 წლის 20 ოქტომბერს აირჩიეს იუნესკოს გენერალურ დირექტორად. 15 ნოემბერს გახდა იუნესკოს მე-9 გენერალური დირექტორი და აზიის პირველი წარმომადგენელი ამ თანამდებობაზე. 2005 წლის 12 ოქტომბერს მეორე ვადით აირჩიეს გენერალურ დირექტორად. 2008 წლიდან არის რუსეთის ხალხთა მეგობრობის უნივერსიტეტის საპატიო დოქტორი.

რესურსები ინტერნეტში

• კიოტირო მაცურას ბიოგრაფია იუნესკოს საიტზე