კერნ-ტერიერი

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
კერნ-ტერიერი
წარმოშობის ქვეყანა დიდი ბრიტანეთი
თვისებები
წონა 6-7 კგ.
სიმაღლე 25-30 სმ.
სიცოცხლის
ხანგრძლივობა
14 წელი
ძაღლი (Canis lupus familiaris)

კერნ-ტერიერი (ინგლ. Cairn Terrier) — ძაღლის ჯიში, რომელიც გამოყვანილია დიდ ბრიტანეთში შუა საუკუნეებში.

კერნის სამშობლოდ, როგორც ჩანს, შოტლანდიის სანაპიროებთან კუნძული სქაი უნდა ჩავთვალოთ, სადაც, ჯერ კიდევ შოტლანდიელი დედოფლის მარია სტიუარტის მეფობის დროს, ამ ძაღლებს კლდეებში დამალული მელიების მოსაძებნად იყენებდნენ. ცოტა ხნის წინ, სანამ იორკშირული ტერიერის და ვესტ-ჰაილენდ-ტერიერის პოპულარობა გაიზრდებოდა, კერნი ყველაზე პოპულარული ბრიტანული ტერიერი იყო.

XX საუკუნის მანძილზე ცდილობდნენ შეენარჩუნებინათ კერნის შესანიშნავი მუშა თვისებები და "ბუნებრივი" გარეგნული სახე: გაბურძგნული ბალანი და ძლიერი, მოუხეშავი აღნაგობა. კერნი თავს კარგად გრძნობს ქალაქშიც და სოფელშიც. ადვილად იტანს სიცხეს და სიცივეს. არც ისე ცუდი მოდარაჯეა და, სხვა ტერიერებთან შედარებით, ადვილად იწვრთნება, თუმცა ტერიერის ხასიათს ვერსად გაექცევი: ის ცდილობს თავის ნებას დაუმორჩილოს ოჯახის წევრები და ბავშვებთან ურთიერთობისას თვალყურისდევნა სჭირდება (თუნდაც დასაწყისში). და მაინც, მცირე ზომის, კარგი ჯანმრთელობის გამო, კერნი კარგ კომპანიონად ითვლება.

რესურსები ინტერნეტში[რედაქტირება | წყაროს რედაქტირება]

Commons-logo.svg
ვიკისაწყობში? არის გვერდი თემაზე: