კერი ერინი

კერი ერინი
დაბადების სახელი	კერი ენ ერინი
დაბადების თარიღი	8 ოქტომბერი, 1960 (1960-10-08) ლოს-ანჯელესი, კალიფორნია, აშშ
ალმა-მატერი	კალიფორნიის უნივერსიტეტი, ლოს-ანჯელესი
აქტიური	1984–დღემდე
შვილ(ებ)ი	3

კერი ენ ერინი (ინგლ. Kerry Anne Ehrin; დ. 8 ოქტომბერი, 1960) — ამერიკელი სცენარისტი, შოურანერი და პროდიუსერი. 1990 წელს წარდგა პრაიმტაიმის ემის ჯილდოს ნომინაციაზე საუკეთესო კომედიური სერიალის კატეგორიაში ABC-ის კომედიური დრამისთვის „The Wonder Years“. 2011 წელს წარდგა ნომინაციაზე — პრაიმტაიმის ემის ჯილდო საუკეთესო დრამატული სერიალისთვის NBC-ის დრამატული სერიალისთვის „პარასკევი ღამის შუქები“ (ინგლ. Friday Night Lights). ერინმა კარლტონ კუზთან და ენტონი ციპრიანოსთან ერთად შექმნა კრიტიკოსების მიერ აღიარებული ტელესერიალი „ბეიტსის მოტელი“ (2013-2017). მან შეიმუშავა Apple TV+-ის სერიალი „დილის შოუ“ (ინგლ. The Morning Show) და პირველი ორი სეზონის განმავლობაში მისი შოურანერი იყო.

პირადი ცხოვრება

ერინი დაიბადა ლოს-ანჯელესში, კალიფორნიაში და გაიზარდა ვუდლენდ-ჰილსში თავის დასთან, მარისთან ერთად. განათლება აგურას საშუალო სკოლაში მიიღო, რომელიც 1978 წელს დაამთავრა. ერინმა ლიტერატურა კალიფორნიის უნივერსიტეტში ისწავლა და დაწერა დისერტაცია ლუის კეროლის ნაშრომზე.

ერინი ცხოვრობს ჰიდენ-ჰილსში, კალიფორნიაში თავის ქალიშვილთან, შეინთან და ორ ვაჟთან, ალექსთან და ნიკთან ერთად. ბავშვების მამა 1996 წლის ფილმ Mr. Wrong-ის ერთ-ერთი სცენარის ავტორი, კრეგ მანსონია.

კარიერა

დასაწყისი (1989–2005)

1989 წელს კერინმა სცენარის ავტორისა და პროდიუსერის კარიერა დაიწყო ABC-ის ტელესერიალებით: „მთვარის ნათება“ (ინგლ. Moonlighting) და The Wonder Years. ამ უკანასკნელისთვის ის წარდგა 1990 წლის პრაიმტაიმის ემის ჯილდოს ნომინაციაზე საუკეთესო კომედიური სერიალისთვის. ამის შემდეგ იგი იყო Fox-ის დრამატული სერიალის Boston Public (2003-2004) და ABC-ის Boston Legal-ის სცენარის ავტორი და პროდიუსერი (2004-2005).

ერინმა მონაწილეობა მიიღო 1996 წლის კომედიური ფილმის Mr. Wrong და 1999 წლის მოქმედებითი სათავგადასავლო ფილმის „ინსპექტორი გაჯეტი“ (ინგლ. Inspector Gadget) სცენარის წერაში.

პარასკევი ღამის შუქები (2006–2011)

ერინი 2007 წელს წარდგა ამერიკის მწერალთა გილდიის ტელედაჯილდოების ნომინაციაზე საუკეთესო ახალი სერიალის კატეგორიაში ტელესერიალ „პარასკევი ღამის შუქების“ (ინგლ. Friday Night Lights) პირველი სეზონისთვის. ამის შემდეგ სამ მომდევნო წელს (2008; 2009; 2010) მიიღო ამერიკის მწერალთა გილდიის ტელედაჯილდოების ნომინაცია საუკეთესო დრამატული სერიალის კატეგორიაში. იგი ასევე წარდგა პრაიმტაიმის ემის ჯილდოს ნომინაციაზე საუკეთესო დრამატული სერიალისთვის 2011 წელს.

მშობლები (2011–2012)

2011-2012 წლებში ერინი NBC-ს დრამატული სერიალის „მშობლები“ (ინგლ. Parenthood) სცენარის ავტორი და აღმასრულებელი პროდიუსერი იყო.

ბეიტსის მოტელი (2013–2017)

ერინმა კარლტონ კუზთან და ენტონი ციპრიოანოსთან ერთად შეიმუშავა 1960 წლის „ფსიქოს“ თანამედროვე პრიკველი, ბეიტსის მოტელი“, ტელეკომპანია A&E-სთვის. სერიალი 2013 წლის მარტში დაიწყო და დასრულდა 2017 წლის აპრილში. ერინი „ბეიტსის მოტელის“ შოურანერი, მთავარი სცენარისტი და აღმასრულებელი პროდიუსერი იყო. 2014 წელს იგი წარდგა ქალთა იმიჯის ჯილდოს ნომინაციაზე ქალის მიერ წარმოებული საუკეთესო დრამატული სერიალის კატეგორიაში.

დილის შოუ (2019)

2017 წლის ნოემბერში Apple-მა შეუკვეთა კომედიურ-დრამატული სერიალის „დილის შოუ“ (ინგლ. The Morning Show) ორი სეზონი. ერინმა Apple-თან ასევე დადო მრავალწლიანი ხელშეკრულება საკუთარი სერიალის წარმოებისთვის.

ფილმოგრაფია

წელი	ქართული სახელწოდება	მშობლიური სახელწოდება	როლი			შენიშვნა
			სცენარის ავტორი	პროდიუსერი	შოურანერი
1984	„დიდება“	Fame	დიახ			ეპიზოდი: „Appearances“
1985	„ჯეტსონები“	The Jetsons	დიახ			ეპიზოდი: „Little Bundle of Trouble“
1985	—	Growing Pains	დიახ			ეპიზოდი: „Dirt Bike“
1987	—	„Newhart“	დიახ			ეპიზოდი: „It's My Party and I'll Die If I Want To“
1985–1989	„მთვარის ნათება“	Moonlighting	დიახ			13 ეპიზოდი
1989–1990	—	The Wonder Years	დიახ	დიახ		ეპიზოდი: „She, My Friend and I“
1996	—	Mr. Wrong	დიახ
1999	„ინსპექტორი გაჯეტი“	Inspector Gadget	დიახ
1999	„ცივი ფეხები“	Cold Feet	დიახ	დიახ	დიახ	4 ეპიზოდი
2000	„ახალგაზრდა ამერიკელები“	Young Americans	დიახ			ეპიზოდი: „Kiss and Tell“
2003–2004	—	Boston Public	დიახ	დიახ		6 ეპიზოდი
2004–2005	—	Boston Legal	დიახ	დიახ		ეპიზოდი: „Still Crazy After All These Years“
2006–2011	„პარასკევი ღამის შუქები“	Friday Night Lights	დიახ	დიახ		12 ეპიზოდი
2007	—	Bionic Woman	დიახ			ეპიზოდი: "Trust Issues"
2010–2012	„მშობლები“	Parenthood	დიახ	დიახ		7 ეპიზოდი
2013–2017	„ბეიტსის მოტელი“	Bates Motel	დიახ	დიახ	დიახ	23 ეპიზოდი
2018	—	Rise'	დიახ	დიახ		ეპიზოდი: „What Flowers May Bloom“
2019	„დილის შოუ“	The Morning Show	დიახ	დიახ	დიახ

ჯილდოები და ნომინაციები

წელი	ჯილდო	ნამუშევარი	შედეგი	სქოლიო
1990	პრაიმტაიმის ემის პრემია საუკეთესო კომედიური სერიალისთვის	The Wonder Years	ნომინირებული
2007	ამერიკის მწერალთა გილდიის ტელედაჯილდოება საუკეთესო ახალი სერიალისთვის	„პარასკევი ღამის შუქები“	ნომინირებული
2008	ამერიკის მწერალთა გილდიის ტელედაჯილდოება საუკეთესო დრამატული სერიალისთვის		ნომინირებული
2009			ნომინირებული
2010			ნომინირებული
2011			ნომინირებული
	პრაიმტაიმის ემის ჯილდო საუკეთესო დრამატული სერიალისთვის		ნომინირებული
	ფილმებისა და სატელევიზიო გადაცემების ონლაინ ასოციაციის ჯილდო დრამატული სერიალის საუკეთესო სცენარისთვის		ნომინირებული
2012	Humanita-ს ჯილდო	„მშობლები“	ნომინირებული
2014	ქალთა იმიჯის ჯილდო ქალის მიერ წარმოებული საუკეთესო დრამატული სერიალისთვის	„ბეიტსის მოტელი“	ნომინირებული

რესურსები ინტერნეტში

• კერი ერინი კინოფილმების ინტერნეტ-მონაცემთა ბაზაში