სერაპიონ საბაშვილი

სერაპიონ საბაშვილი
საქმიანობა	პოეტი

სერაპიონ სოგრატის ძე საბაშვილი — XV-XVI საუკუნეებში მოღვაწე ქართველი პოეტი „შაჰნამეს“ ძირითადი ნაწილის „როსტომიანის“ გამლექსავი. მასზე ცნობები დაცულია როგორც თვით „შაჰნამეს“ ქართულ ვერსიებში, ისე ფეშანგის „შაჰნავაზიანსა“ და ქაიხოსრო ჩოლოყაშვილის „ომანიანში“. წარმოშობით გრემისხევის (მთიულეთი) ბერი ყოფილა, იხსენიება კედელაურადაც. ცხოვრობდა და მოღვაწეობდა მეფე კონსტანტინე II-ისა (1478—1505) და მისი ძის ბაგრატ მუხრანბატონის (1512—1539) კარზე. უკვე ხანშიშესულს დაუწყია „როსტომიანის“ ლექსად გაწყობა.

ლიტერატურა

• გვახარია ა., ქართული საბჭოთა ენციკლოპედია, ტ. 8, თბ., 1984. — გვ. 547.