კახეთის ქედი

მასალა ვიკიპედიიდან — თავისუფალი ენციკლოპედია
Jump to navigation Jump to search

კახეთის ქედიკავკასიონის მთავარი წყალგამყოფი ქედის სამხრეთი ტოტი, მდინარეების ალაზნისა და ივრის წყალგამყოფი. 40 კმ სიგრძის მერიდიანული ეროზიული ქედი. შახვეტილის მთამდე კახეთის ქედი აგებულია მეზოზოური ასაკის ტერიგენული წყებებით. ფართო გაგებით კახეთის ქედი მოიცავს გომბორის ქედსაც და მისი მთლიანი სიგრძე 145 კმ აღწევს. კახეთის ქედი გამოეყოფა ქართლის ქედს 3279 მ სიმაღლის უსახელო მწვერვალთან. მიემართება ზოგადად სამხრეთ-სამხრეთ-დასავლეთისკენ და წარმოადგენს მდინარეების ფშავის არაგვისა და ალაზნის, შემდეგ ივრისა და ალაზნის და ბოლოს ივრისა და ილტოს წყალგამყოფს. ქედის თხემზე აღმართულია მთები ლაგისმთა, მოკასტეხე, გარეჯა, მუხათი, დამასტი, დიდიველევი. კახეთის ქედის უღელტეხილზე გადადის თიანეთ-ახმეტის გზა. ჩრდილოეთი ქედის ნახევრის კალთების ქვემო ნაწილი შემოსილია ფართოფოთლოვანი ტყით, ზემო — სუბალპური და ალპური ბალახეულით, სამხრეთი ნახევარი ფართოდოთლოვანი ტყით. ქედი კალთების ქვედა ნაწილში ვენახებია გაშენებული.

ლიტერატურა[რედაქტირება | წყაროს რედაქტირება]