კატარინა მასეტი

კატარინა მასეტი
დაბ. თარიღი	29 აპრილი 1944(1944-04-29) (73 წელი)
დაბ. ადგილი	სტოკჰოლმი
საქმიანობა	ჟურნალისტი, მწერალი და საბავშვო მწერალი
მოქალაქეობა	შვედეთი
საიტი	katarinamazetti.com/enfrancais001.html
კატარინა მასეტი ვიკისაწყობში

კატარინა მასეტი (შვედ. Katarina Mazetti) — შვედი ჟურნალისტი და მწერალი.

ბიოგრაფია

კატარინა მასეტი დაიბადა სტოკჰოლმში, მაგრამ შვედეთის სამხრეთში, საზღვაო პორტ კარლსკრუნაში გაიზარდა. ჟურნალისტიკაში ძალები ადგილობრივ გაზეთებში მოსინჯა. ლუნდის უნივერსიტეტში ლიტერატურასა და ინგლისურ ენაში მაგისტრის ხარისხი მიიღო. ამის შემდეგ ერთხანს მასწავლებლად, რადიოპროდიუსერად და რეპორტიორად მუშაობდა. ოცი წლის განმავლობაში მეუღლესა და ოთხ შვილთან ერთად ქვეყნის ჩრდილოეთში, პატარა ფერმაში ცხოვრობდა. ამჟამად ლუნდში ცხოვრობს. წლების მანძილზე კატარინა განუსაზღვრელი ასაკობრივი კატეგორიისთვის ქმნიდა წიგნებს, წერდა ლიტერატურულ მიმოხილვებს, ლექსებს, სკეტჩებს, უძღვებოდა გაზეთში საკუთარ სვეტსა და რადიოგადაცემას.

კატარინამ პირველი საბავშვო სურათებიანი წიგნი ჰეგზამეტრით დაწერა. პირველი რომანი კი, Grabben i Graven Bredvid („ტიპი მეზობელი საფლავიდან“), 1999 წელს გამოსცა, რომელიც სულ მალე 22 ენაზე ითარგმნა. ნაწარმოები მისსავე, როგორც ფერმერის ცოლის, გამოცდილებას ემყარება. რომანს დიდი წარმატება ხვდა წილად და მარტო შვედურად 450000 ეგზემპლარი გაიყიდა. 2002 წელს რომანის ეკრანიზაცია შედგა, რომელსაც მილიონზე მეტმა შვედმა უყურა.

ნაწარმოებები

• Grabben i Graven Bredvid — „ტიპი მეზობელი საფლავიდან“. ქართ. თარგმანი, 2013.
• Tarzans tårar — „ნუ ტირი, ტარზან!“
• Familjegraven — „ოჯახის საფლავი“.
• Det är slut mellan gud och mig — „უფალსა და ჩემ შორის ყველაფერი მორჩა“.

რესურსები ინტერნეტში

• Mazetti-Posten, katarinamazetti.com