კარნეთის ეკლესია
| კარნეთი | |
ძირითადი ინფორმაცია
| |
|---|---|
| რელიგიური კუთვნილება |  საქართველოს მართლმადიდებელი ეკლესია
|
| პროვინცია | სამცხე-ჯავახეთის მხარე |
| მუნიციპალიტეტი | ახალქალაქის მუნიციპალიტეტი |
| მემკვიდრეობითი ადგილმდებარეობა | ახალქალაქისა და კუმურდოს ეპარქია |
ხუროთმოძღვრების აღწერა
| |
| ხუროთმოძღვრული სტილი | ბაზილიკური ეკლესია |
| თარიღდება | XI საუკუნე |
დეტალები
| |
კარნეთის ეკლესია — ქართული ხუროთმოძღვრების ძეგლი სამცხე-ჯავახეთის მხარეში ახალქალაქის მუნიციპალიტეტის ხოსპიოს თემის სოფელ ხორენიაში. ტაძარის კედელზე შემორჩენილია წარწერები.
ტაძარი დარბაზული ტიპის ყოფილა, რომელსაც აქვს სამხრეთის მინაშენი. ეკლესია აგებულია XI საუკუნეში, რასაც ადასტურებს შესასვლელის თავზე წარწერიანი ქვა:
|
„ქრისტე ადიდე ჲოანე ოქროპირი ქართლისა კათალიკოზი ორთავე შინა ცხორებათა. იყავნ, ამენ.“
|
ეს წარწერა 1033-1048 წლებით თარიღდება, ხოლო მინაშენი XIV საუკუნეს მიეკუთვნება. წარწერაში მოხსენიებულია ცნობილი მოღვაწე ქართლის კათალიკოსი იოანე ოქროპირი. იგი იხსენიება აგრეთვე ჯავახეთის სხვა ეკლესიების (ყაურმის, ფოკას) წარწერებშიც. მეცნიერთა ვარაუდით ეს წარწერა მიგვანიშნებს, რომ აქ ყოფილა საკათალიკოსო სოფელი — კათალიკოსის საგამგებლო.[1]
ეკლესიას 2006 წლის, საქართველოს პრეზიდენტის ბრძანებულების თანახმად, მიენიჭა ეროვნული მნიშვნელობის კულტურის უძრავი ძეგლის კატეგორია[2].
იხილეთ აგრეთვე[რედაქტირება | წყაროს რედაქტირება]
ლიტერატურა[რედაქტირება | წყაროს რედაქტირება]
- ბერძენიშვილი ნ., ჯავახეთის 1933 წლის ექსპედიციის დღიური, საქართველოს ისტორიის საკითხები, I, გვ. 109-111, თბ., 1964;
- ცისკარიშვილი ვ., კარნეთის წარწერა, ჯავახეთის ეპიგრაფიკა, როგორც საისტორიო წყარო, გვ. 60-65, თბ., 1939.
სქოლიო[რედაქტირება | წყაროს რედაქტირება]
- ↑ ხარაძე კ., სოფელი კარნეთი, ჯავახეთის ხუროთმოძღვრული და ბუნების ძეგლები, გვ. 51, თბ., 2003.
- ↑ საქართველოს პრეზიდენტის ბრძანებულება № 665, 2006 წლის 7 ნოემბერი, ქ. თბილისი, კულტურის ზოგიერთი უძრავი ძეგლისათვის ეროვნული მნიშვნელობის კატეგორიის მინიჭების შესახებ