კაპუციხის ქედი
კაპუციხის ქედი | |
---|---|
კოორდინატები: 41°53′26″ ჩ. გ. 46°17′38″ ა. გ. / 41.89056° ჩ. გ. 46.29389° ა. გ. | |
ქვეყანა | საქართველო |
ტერიტორიული ერთეული | ლაგოდეხის მუნიციპალიტეტი |
უმაღლესი წერტილი | კაპუციხი |
სიმაღლე | 2176 მ |
ამგებელი ქანები | თიხაფიქალი და ქვიშაქვა |
კაპუციხის ქედი — ქედი საქართველოში, ლაგოდეხის მუნიციპალიტეტში. წარმოადგენს კახეთის კავკასიონის მთავარი ქედის სამხრეთ შტოქედს, მდინარეების — შრომისხევისა და ნინოსხევის წყალგამყოფს. აგებულია იურული თიხაფიქლებითა და ქვიშაქვებით. იწყება ზღვის დონიდან 2720 მ სიმაღლეზე და სამხრეთით ეშვება ალაზნის ვაკეზე. ქედზე აღმართულია მთა კაპუციხი (2176 მ) და 2262 მ სიმაღლის უსახელო მთა. ქედის კალთები ციცაბოა, სუსტად დანაწევრებული. ქედის თხემი სუბალპური და ალპური ბალახეულითაა შემოსილი, კალთები — ფართოფოთლოვანი (უმთავრესად წიფლის) ტყით.
ლიტერატურა[რედაქტირება | წყაროს რედაქტირება]
- დავით უკლება, ენციკლოპედია „საქართველო“, ტ. 4, თბ., 2018. — გვ. 534.