კამლა პანტი
| კამლა პანტი | |
|---|---|
 | |
| დაბადების თარიღი | 18 დეკემბერი, 1956 (69 წლის) |
| მოქალაქეობა |
 ინდოეთი |
| განათლება | Kumaun University |
კამლა პანტი (დ. 18 დეკემბერი, 1956) — ფემინისტი, პოლიტიკოსი და ქალთა უფლებების დამცველი.[1] იგი ასევე ცნობილია უტარაკჰანდის მოძრაობაში მოღვაწეობით, რომლის შედეგადაც 2000 წელს უტარაკჰანდი ინდოეთის ცალკე შტატად იქცა.
ადრეული ცხოვრება
[რედაქტირება | წყაროს რედაქტირება]უშათა კლასის ოჯახში დაბადებული პანტი სკოლის პერიოდშივე იღებდა მონაწილეობას სხვადასხვა სტუდენტურ მოძრაობაში. მისი სოციალური აქტივიზმი დაიწყო მას შემდეგ, რაც დაუკავშირდა აქტივისტებს, რომლებიც ჩიპკოს მოძრაობაში იყვნენ ჩართულნი.[2] მას აქვს მაგისტრის ხარისხი ხელოვნებაში, ასევე ფლობს იურიდიულ ხარისხს კუმაონის უნივერსიტეტიდან. ოთხმოციან წლებში ის კუმაონში ადვოკატად მუშაობდა, რა დროსაც რეგიონში ერთ-ერთი იმ მცირერიცხოვან ქალ იურისტთაგანი იყო.
შამშერ სინგჰ ბიშტი, უტარახანდის შანგარშ ვაჰინის სხვა ძირითად ლიდერებთან ერთად, ჩიპკოს მოძრაობაში იყო ჩართული.[3] პანტის სოციალურმა აქტივიზმმა და საპროტესტო პოლიტიკურმა საქმიანობამ ახალ სიმაღლეებს მიაღწია 1984 წელს, როდესაც ის, როგორც უტარახანდის შანგარშ ვაჰინის ლიდერი, ხელმძღვანელობდა ცნობილ „ნაშა ნაჰი როჯგარ დო“ მოძრაობას კუმაონში. ამ მოძრაობის დროს მან თერთმეტი დღის განმავლობაში შიმშილობდა და პროტესტს აწყობდა, რის შემდგომაც შეწყვიტა შიმშილობა მხოლოდ მაშინ, როდესაც მაშინდელმა უტარ-პრადეშის მთავრობამ კუმაონის სოფლად ალკოჰოლის სრულად აკრძალვის ბრძანება გასცა. იგი მუშაობდა ფერმერ-მოიჯარეების უფლებების დაცვისთვის კუმაონის ტარაის რეგიონში. ის ასევე აქტიურად მუშაობდა ქალთა უფლებებისთვის, მაგალითად, ყურადღებას ამახვილებდა ქალებით ვაჭრობის (ტრეფიკინგის) საკითხზე.
1990 წელს პანტმა, უმა ბჰატთან, შილა რაჯვართან და ბასანტი პათაკთან ერთად დააარსა რეგიონის პირველი ჟურნალი, რომელიც ქალთა და სოციალურ საკითხებზე იყო ორიენტირებული. ეს ჟურნალი იყო „უტარა“ (Uttara), რაც ნიშნავს „ჩრდილოეთისას“.[4] „უტარამ“, რომელმაც 2015 წელს გამოცემის 25 წელი იზეიმა, ხელი შეუწყო უტარახანდში მცხოვრები მრავალი ქალისთვის ხმის მიცემას, მათ წარმოაჩენდა, როგორც „თანასწორ გენდერს, რომელსაც მხარდაჭერაზე მეტად პატივისცემა სჭირდება“.[4] ამის შემდეგ, 1992 წელს, დეჰრადამის რეგიონში სხვა ქალებთან ერთად ჩამოყალიბდა „პრაგატიშილ მაჰილა მანჩი“ (Pragatisheel Mahila Manch). ეს ორგანიზაცია გადამწყვეტი იყო ანტი-რეზერვაციის მოძრაობის ცალკე შტატის შექმნის მოძრაობად გარდაქმნაში.
1994 წელს, სამარცხვინო მუზაფარნაგარ ქანდის (Muzzafarnagar Kand) შემდეგ, პანტი წინ გაუძღვა მოძრაობას და გააერთიანა რეგიონის ყველა კუთხის ქალები, რათა შეექმნათ კიდევ უფრო დიდი ორგანიზაცია, რომელიც ითხოვდა ცალკე შტატის სტატუსს. ამ ორგანიზაციას „უტარახანდ მაჰილა მანჩი“ (UMM) ეწოდა. ეს ორგანიზაცია იყო არა მხოლოდ წამყვანი ძალა და მესაფუძვლე ცალკე შტატისთვის მიმართულ საპროტესტო აქციებში, არამედ მსოფლიოში ერთ-ერთი იმ მცირერიცხოვან მხოლოდ ქალებისგან შემდგარ საპროტესტო ძალას წარმოადგენდა. „UMM“-ი, მისი ლიდერობით, მოითხოვდა, რომ გაირსაინი (პატარა მთიანი ქალაქი, რომელიც შტატის ორ მთავარ რეგიონს, კუმაონსა და გარჰვალს, შუაში მდებარეობს) გამოცხადებულიყო შტატის დედაქალაქად. ეს იყო შტატის მოქალაქეების დიდი ხნის განმავლობაში შეჩერებული მოთხოვნა.[5][6]
დღესაც, სრული შტატის სტატუსის მოპოვების შემდეგ, „უტარახანდ მაჰილა მანჩი“ (UMM) აგრძელებს ბრძოლას ქალთა და ღარიბი მოსახლეობის ძირითადი უფლებების, ალკოჰოლის აკრძალვის, ქალებით ტრეფიკინგის, სამთავრობო სკოლების საგანმანათლებლო რეფორმების, გრამ საბჰების გაძლიერებისა და ჯალ, ჯუნგლ და ჯამინის (წყალი, ტყე და მიწა) საკითხებისთვის. ამჟამად, „UMM“-ის ხელმძღვანელობასთან ერთად, ის აქტიურად ლიდერობს სვარაჯ აბჰიანის მოძრაობას უტარახანდში, მრავალ ქალ და კაც თანამებრძოლთან ერთად. პანტმა გააკრიტიკა წინა მთავრობები შტატში ხანდაზმული ქალების მიმართ უყურადღებობის გამო და აღნიშნა, რომ 2014 წელს მთავარმა მინისტრმა, ჰარიშ რავატმა, საბოლოოდ გადაწყვიტა, ხანდაზმულების დასახმარებლად სასურსათო უსაფრთხოების პროგრამა დაეწყო.[1] მისი თქმით, „60 წელზე უფროსი ასაკის ქალების მნიშვნელოვანი ნაწილი წინა მთავრობებმა კეთილდღეობის კუთხით სრულიად უგულებელყვეს“.[1]
პანტი, სხვა აქტივისტებთან ერთად, აპროტესტებდა 2012 წელს ახალგაზრდა ნიუ-დელის ქალის ჯგუფურ გაუპატიურებას.[7]
2015 წელს ის წინააღმდეგი იყო ტრანსგენდერი პირის დანიშვნისა უტარახანდის შტატის ქალთა კომისიის თავმჯდომარის მოადგილედ, რადგან არ სჯეროდა, რომ ტრანსგენდერ ქალს შეეძლო „გაეგო და შეთანაგრძნო ქალების პრობლემები“.[8]
ის ასევე ბოლო დროს ითხოვდა სამართლიან საგანმანათლებლო გადასახადებს სკოლებში, განსაკუთრებით კი კერძო სკოლებში, რომლებიც ზრდიდნენ სწავლის საფასურს.[9] პანტი ეხმარებოდა საპროტესტო აქციების ორგანიზებაში და „წამოიწყო მოძრაობა“, რათა ამაღლებულიყო ცნობიერება უტარახანდში კერძო სკოლების ირგვლივ არსებულ პრობლემებთან დაკავშირებით.[10]
რესურსები ინტერნეტში
[რედაქტირება | წყაროს რედაქტირება]სქოლიო
[რედაქტირება | წყაროს რედაქტირება]- 1 2 3 Rawat, Harish (11 September 2014). „U'khand to Launch Food Security Scheme for Elderly Women“. The Times of India. ციტირების თარიღი: 20 August 2015.
- ↑ Agrawal, Rakesh (August 2015). „Hill State's Dam Dilemma“. Civil Society Online. დაარქივებულია ორიგინალიდან — 22 November 2015. ციტირების თარიღი: 20 August 2015.
- ↑ Guha, Ramachandra. (30 April 1993) Personality Clashes Lead to Internal Schisms. ციტირების თარიღი: 20 August 2015
- 1 2 Tripathi, Shikha (13 March 2014). „An Equal Gender“. The Hindu. ციტირების თარიღი: 20 August 2015.
- ↑ „Mahila Manch Blames Government for Poor Condition of Schools“. The Tribune. 3 March 2015. დაარქივებულია ორიგინალიდან — 4 March 2016. ციტირების თარიღი: 20 August 2015.
- ↑ Saxena, Shivani (8 April 2015). „Protesters Unite Against Pvt School 'Loot'“. The Times of India. ციტირების თარიღი: 20 August 2015.
- ↑ „Doonites Want Death for Rape Accused“. The Tribune. 30 December 2012. ციტირების თარიღი: 20 August 2015.
- ↑ Azad, Shivani (29 April 2015). „Appointment of Transgender to U'khand Women's Commission Kicks Up a Storm“. The Times of India. ციტირების თარიღი: 20 August 2015.
- ↑ Saxena, Shivani (10 April 2015). „Complaint Cell Against School Fee Hike Opens“. The Times of India. ციტირების თარიღი: 20 August 2015.
- ↑ Saxena, Shivani (19 April 2015). „Now, 10 More Citizen Groups Join Campaign Against Pvt Schools“. The Times of India. ციტირების თარიღი: 20 August 2015.