კათოდი

კათოდი (ძვ. ბერძნ. κάθοδος [kathodos] — „ქვემოთ სვლა“ < κατὰ [kata] — „ქვემოთ“ და ὁδός [hodos] — „გზა“, „მოძრაობა“; სახელწოდება შემოიღო ინგლისელმა ფიზიკოსმა მ. ფარადეიმ, 1834 წელს) — ელექტრონული ან ელექტრონული ხელსაწყოს დადებითი ელექტროდი, რომელიც ხასიათდება იმით, რომ ელექტრონების მოძრაობა გარე წრედში მისკენაა მიმართული.

კათოდი შეიძლება იყოს:

• ელექტროვაკუუმური ხელსაწყოს ან აირგანმუხტვის იონური ხელსაწყოს ელექტროდი რომელიც ელექტრონების წყაროა. განასხვავებენ თერმოელექტრონულ, ფოტოელექტრონულ, ცივ კათოდებს და სხვა.
• დენის წყაროს (გალვანური ელემენტის, აკუმულატორის და სხვა) უარყოფითად დამუხტული ელექტროდი (პოლუსი).
• ელექტროლიტური აბაზანის, ელექტრული რკალისა და სხვა მსგავსი მოწყობილობების ელექტროდი, რომელიც დენის წყაროს უარყოფით პოლუსს უერთდება.

იხილეთ აგრეთვე

• ანოდი

ლიტერატურა

• ქართული საბჭოთა ენციკლოპედია, ტ. 5, თბ., 1980. — გვ. 318.