კადმუსის ბრძოლა

მასალა ვიკიპედიიდან — თავისუფალი ენციკლოპედია
Jump to navigation Jump to search
კადმუსის ბრძოლა
მეორე ჯვაროსნული ლაშქრობის ნაწილი
თარიღი 6 იანვარი, 1148
მდებარეობა პისიდია, თურქეთი
შედეგი სელჩუკების გამარჯვება
მხარეები
Arms of the Kings of France (France Ancien).svg საფრანგეთი რუმის სასულთნო
მეთაურები
Arms of the Kings of France (France Ancien).svg ლუი VII მასუდ I
ძალები
უცნობია უცნობია
დანაკარგები
უცნობია უცნობია

კადმუსის ბრძოლა — ბრძოლა ჯვაროსნებსა და თურქ-სელჩუკებს შორის. გაიმართა 1148 წელს. ჯვაროსნებს მეთაურობდა მეფე ლუი VII, ხოლო თურქ-სელჩუკებს რუმის სულთანი მასუდ I. გაიმართა ანტიკურ ქალაქ ლაოდიკეასთან ახლოს. დასრულდა ჯვაროსნების დამარცხებით[1].

მეფე ლუდოვიკ VII სათავეში ჩაუდგა ფრანგების ჯვაროსნულ არმიას, რომლებიც ევროპიდან მცირე აზიის გავლით იერუსალიმში ჩავიდნენ. 1147 წლის დეკემბრის დასაწყისში ფრანგული ჯარი გაჩერდა დასასვენებლად ძველ ქალაქ ეფესოს მახლობლად, სანამ გააგრძელებდნენ გზას მდინარე მენდერესის ხეობით ადალიის პორტამდე.

თურქ-სელჩუკების თავდასხმა მდინარე მენდერესთან დამთავრდა წარუმატებლად. ფრანგებმა გააგრძელეს მოძრაობა ლაოდიკეისკენ, რომელსაც მიუახლოვდნენ 6 იანვარს ნათლისღების დღესასწაულზე. შემდეგ ისინი დაიძრნენ მთებისაკენ, რომელიც ფრიგიას ჰყოფს პისიდიისაგან.

ავანგარდი ჟოფრუა დე რანკონის ხელმძღვანელობით საკმაოდ წინ წავიდა ძირითადი ძალისაგან. ლუი VII-მ, რომელიც ხელმძღვანელობდა ძირითად ძალებს, გააგრძელა მოძრაობა. ფრანგი ჯარისკაცები დარწმუნებულები იყვნენ, რომ მათი წინამავალი რაზმი დაიპყრობდა სიმაღლეებს და დაიმედებულნი მიდიოდნენ წინ. სელჩუკები მოულოდნელად დაესხნენ თავს ჯვაროსნების ძირითად რაზმს და მათ რიგებში არეულობა გამოიწვიეს. ფრანგებმა უკან დაიხიეს და შევიდნენ ვიწრო და ღრმა ხეობაში. ჯვაროსნებმა დიდი დანაკლისი განიცადეს. დაღამებისას მეფის არმიას შეუერთდა ავანგარდი. 20 იანვარს დამარცხებულმა ჯვაროსნებმა მიაღწიეს ადალიას.

ლიტერატურა[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Nicolle, David and Christa Hook, The Second Crusade 1148: Disaster Outside Damascus, (Osprey Publishing, 2009), 62.