კაბანატუანი

მასალა ვიკიპედიიდან — თავისუფალი ენციკლოპედია
Jump to navigation Jump to search
ქალაქი
კაბანატუანი
ტაგალ. Lungsod ng Cabanatuan
Cabanatuanhalljf.JPG
ქვეყანა ფილიპინების დროშა ფილიპინები
კოორდინატები 15°29′00″ ჩ. გ. 120°58′00″ ა. გ. / 15.48333° ჩ. გ. 120.96667° ა. გ. / 15.48333; 120.96667
დაარსდა 1750
ფართობი 192,29 კმ²
ცენტრის სიმაღლე 31
მოსახლეობა 302 231 კაცი (2015)
სატელეფონო კოდი +63 44
საფოსტო ინდექსი 3100
ოფიციალური საიტი http://www.cabanatuancity.gov.ph/
კაბანატუანი — ფილიპინები
კაბანატუანი

კაბანატუანი (ტაგალ. Lungsod ng Cabanatuan) — ქალაქი და მუნიციპალიტეტი ფილიპინების კუნძულ ლუსონზე, ცენტრალური ლუსონის რეგიონში. აღნიშნული პროვინცია შედის ნუევა-ესიხის შემადგენლობაში. 2015 წლის მონაცემებით ქალაქში ცხოვრობს 302 231 ადამიანი.

1965 წლამდე ეს პროვინცია იყო ნუევა-ესიხას დედაქალქი, მანამ სანამ მთავრობამ მის ახლოს არ გააშენა ახალი ქალაქი პალაიანი, რომელიც გახდა პროვინციის ახალი დედაქალაქი.

ისტორია[რედაქტირება | წყაროს რედაქტირება]

მოსახლეობა, რომლის ხარჯზეც მოგვიანებით გაიზარდა ქალაქის მოსახლეობა, შედიოდა გაპანის მუნიციპალიტეტის შემადგენლობაში. 1777 წლის 14 ივლისს კაბანატუანმა ესპანელი კოლონისტების ხელისუფლებისაგან მიიღო დასახლების სტატუსი. შემდეგ, გარკვეული პერიოდის შემდეგ, კაბანატუანი ასრულებდა ნუევა-ესიხის პროვინციის ადმინისტრაციული ცენტრის ფუქნციას. 1816 წელს ძლიერი ხანძრის შემდეგ დასახლებული პუქნტი მთლიანად დაიწვა, ხოლო 1880 წელს ნაწილობრივ განადგურდა მიწისძვრისაგან.

1904 წელს. ამერიკელების ფილიპინებზე ბატონობის პერიოდში, კაბანატუანამდე გაიყვანეს რკინიგზის ხაზი. ამან გამოიწვია ვაჭრობის და სამრეწველო წარმოების განვიტარება. 1941 წლის 29 დეკემბერს, მეორე მსოფლიო ომშიამერიკის შეერთებული შტატების ჩართვის შემედეგ და იაპონიის ფილიპინებში შეჭრის შემდეგ კაბანატუანის ოკუპაცია მოახდინა იაპონიის საიმპერატორო ჯარებმა. 1942 წელს იაპონელებმა შექმნეს ბანაკი სამხედრო ტყვეებისათვის, სადაც მოათავსეს ბატაანის სიკვდილის მარშის მონაწილეები. 1945 წლის 30 იანვარსაშშ-ის არმიის რეინჯერებმა და ფილიპინელმა პარტიზანებმა იერიში მიიტანეს ბანაკზე. ეს ამბავი ისტორიაში შევიდა როგორც კაბანატუანის რეიდი. არნიშნული თავდასხმის შედეგად გაატავისუფლეს 513 სამხედრო ტყვე. ქალაქის მოსახლეობა კი გაათავისუფლეს 1945 წლის 1 თებერვალს.

1950 წლის 16 ივლისს, რესპუბლიკის № 526 კანონის თანახმად, კაბანატუანმა მიიღო ქალაქის სტატუსი.

გეოგრაფია[რედაქტირება | წყაროს რედაქტირება]

ქალაქი მდებარეობს კუნძულ ლუსონის ცენტრალურ ნაწილში, მდინარე პამპანჰის მარცხენა ნაპირზე, დედაქალაქ მანილიდან ჩრდილოეთით 90 კილომეტრის დაშორებით. და უჭირავს 192,29 კმ² ფართობი. ზღვის დონიდან მდებარეობს 31 მეტრის სიმაღლეზე[1].

მოსახლეობა და რელიგია[რედაქტირება | წყაროს რედაქტირება]

2015 წლის მონაცემებით ქალაქში ცხოვრობს 302 231 ადამიანი. მოსახლეობსი მატების დინამიკა კი ასეთია.

2000 2007 2013 2015
171 188 199 708 223 689 302 231

ქალაქში წამყვანი რელიგიაა რომაული კათოლიციზმი, რომლის მთავარი საკათედრო ტაძარია წმინდა ნიკოლოზის საკათედრო ტაძარი. ასევე მცირედ გავრცელებულია ისლამიც, რომელიც დამახასიატებელია ორი რაიონისთვის (იმელდა და ისლა). ქალაქში ორი დიდი მეჩეთია, რომელთაგან ყველაზე დიდი მდებარეობს იმელდის რაიონში.

ეკონომიკა[რედაქტირება | წყაროს რედაქტირება]

ქალაქი წარმოადგენს მნიშვნელოვან კომერციულ და სოფლის მეურნეობის ცენტრს. იგი არის პროვინცია ნუევა-ესიხას ეკონომიკური ცენტრი. ძირითადი კულტურაა ბრინჯი[2]. კაბანატუანი სხვა ქალაქებს უკავშირდება სარკინიგზო და საავტომობილო გზით. უახლოესი აეროპორტი - კლარკის საერთაშორისო აეროპორტი[1].

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. 1.0 1.1 Cabanatuan, Philippines Page. Fallingrain Global Gazetteer. დაარქივებულია ორიგინალიდან - 2013-03-23. ციტირების თარიღი: 2013-03-01.
  2. Cabanatuan. Britannica Online Encyclopedia. დაარქივებულია ორიგინალიდან - 2013-03-23. ციტირების თარიღი: 2013-03-01.