იუნიუს ბასუსის ბაზილიკა

იუნიუს ბასუსის ბაზილიკა (იტალ. basilica Iunii Bassi) — სამოქალაქო ბაზილიკა ესკვილინის ბორცვზე რომში, ადგილზე, რომელსაც ამჟამად იკავებს სემინარიო პონტიფიჩიო დი სტუდი ორიენტალი, ვია ნაპოლეონე III-ზე. ის ყველაზე მეტად ცნობილია თავისი მოზაიკური ტექნიკის ნიმუშებით.

ისტორია

ბაზილიკა ააშენა იუნიუს ბასუსმა 331 წელს მისი კონსულობის დროს. V საუკუნის მეორე ნახევარში. პაპ სიმპლიციუსის დროს, ის გადაკეთდა წმინდა ანდრიას სახელობის ეკლესიად.

ახლიდან აღმოჩენა

მისი ბოლო ნაშთები ხელახლა აღმოაჩინეს და დაანგრიეს 1930 წელს. ამ გათხრების შედეგად ასევე აღმოაჩინეს ავგუსტუსის დროინდელი სახლი (შემდგომი რეკონსტრუქციით), რომელიც შეიცავდა III საუკუნის მოზაიკებს, ერთი დიონისური სიუჟეტით და მეორე სახლის მფლობელების სახელებით (არიპიუსები და ულპიუს ვიბიუსები). ეს მოზაიკები ამჟამად გამოფენილია სემინარიაში.

რესურსები ინტერნეტში

• Architecture and élite identity in late antique Rome: appropriating the past at Sant'Andrea Catabarbara
• Ranuccio Bianchi Bandinelli
• Filippo Coarelli
• The Rome Guide: Step by Step through History's Greatest City