ისრაელ კამაკავივო'ოლე

მასალა ვიკიპედიიდან — თავისუფალი ენციკლოპედია
Jump to navigation Jump to search
ისრაელ კამაკავივო'ოლე
Israel Kamakawiwo'ole.jpg
ბიოგრაფია
დაიბადა 20 მაისი, 1959
ჰონოლულუ, ჰავაი, ჰავაის ტერიტორია
გარდაიცვალა 26 ივნისი, 1997 (38 წლის)
ჰონოლულუ, ჰავაი, აშშ
ჟანრ(ებ)ი
საქმიანობა
  • მომღერალი
  • სიმღერების ავტორი
აქტიური 1976–1997
ლეიბლ(ებ)ი Mountain Apple Company
ასოციაციები Mākaha Sons
ხელმოწერა Israel Kamakawiwoʻole Signature.png

ისრაელ კამაკავივო'ოლე (ჰავ. Israel Kamakawiwoʻole; დ. 20 მაისი, 1959 — გ. 26 ივნისი, 1997) — ჰავაელი მუსიკოსი, მომღერალი და სიმღერების ავტორი, რომელიც სიმღერებს ასრულებდა უკულელეს თანმხლებით.

იგი ცნობილი გახდა 1993 წელს გამოშვებული ალბომით Facing Future. მისი ყველაზე ცნობილი სიმღერაა „Somewhere Over the Rainbow/What a Wonderful World“, რომელიც შედის ალბომებში Ka ʻAnoʻi და Facing Future — ეს უკანასკნელი იქცა ყველა დროის ყველაზე გაყიდვად ჰავაურ ალბომად.[1]

მისი მუსიკა აგრეთვე მოიცავდა სხვადასხვა ჟანრებს, მათ შორის ჯაზსა და რეგის. კამაკავივო'ოლე ჰავაური მუსიკის ერთ-ერთი გავლენიანი წარმომადგენელია.[2]

ბიოგრაფია[რედაქტირება | წყაროს რედაქტირება]

დაიბადა 1959 წელს, ჰავაის დედაქალაქ ჰონოლულუში. მუსიკით 11 წლის ასაკში დაინტერესდა. 1988 წელს მან გამოსცა თავისი ყველაზე ცნობილი კომპოზიცია „Somewhere Over the Rainbow/What a Wonderful World“ — კლასიკური სიმღერების „What a Wonderful World“-ისა და „Somewhere over the Rainbow“-ის პოპური, რომელიც ბევრ ცნობილ ფილმში გაჟღერდა.

პირველი ალბომი სახელწოდებით Ka ʻAnoʻi გამოსცა 1990 წელს. ალბომს წილად ჰხვდა „წლის ალბომის“ ტიტული ადგილობრივი ხმისჩამწერი აკადემიისგან, ხოლო თავად მუსიკოსი დასახელდა „წლის ვოკალისტად“.

მსოფლიო აღიარება მოიპოვა ალბომ Facing Future-ის გამოსვლის შემდეგ, რომელიც პირველ პლატინის ალბომად იქცა ჰავაიზე.[3] აშშ-ში რამდენიმე მილიონი ეგზემპლარი გაიყიდა.

მისი ალბომები დღითიდღე სულ უფრო მეტ პოპულარობას იხვეჭდნენ და წამყვან პოზიციებს იკავებდნენ აშშ-ის ჩარტებში. მთლიანი კარიერის განმავლობაში გამუდმებით იცავდა თანამემამულეების უფლებებს და მოითხოვდა ჰავაის დამოუკიდებლობას, რასაც გადმოსცემდა თავის სიმღერებში.

1997 წელს, მუსიკოსს მეორედ გადასცეს ადგილობრივი ხმისჩამწერი აკადემიის ჯილდო — მან გაიმარჯვა თითქმის ყველა არსებულ ნომინაციაში, თუმცა ჯანმრთელობის გაუარესების გამო ცერემონიაზე დასწრება ვერ შესძლო.

გარდაცვალება[რედაქტირება | წყაროს რედაქტირება]

ისრაელ კამაკავივო'ოლე 1997 წლის 26 ივნისს,[4] 38 წლის ასაკში სასუნთქი გზების დაავადებით გარდაიცვალა. მუსიკოსის სიკვდილი ჭარბმა წონამ გამოიწვია. იგი 343 კილოს იწონიდა და სიმაღლეში 188 სმ აღწევდა.[4] 12 ივლისს, დაკრძალვის დღეს, ჰავაის მთელ ტერიტორიაზე დაშვებული იქნა ყველა დროშა — ის იყო მესამე ადამიანი, რომელსაც ასეთი პატივი ხვდა წილად. მის დაკრძალვაზე 10,000 კაცამდე მოვიდა, რათა შეესრულებინათ მუსიკოსის უკანასკნელი სურვილი — მიმოეფანტათ მისი ფერფლი წყნარ ოკეანეში.[5]

დისკოგრაფია[რედაქტირება | წყაროს რედაქტირება]

სტუდიური ალბომები[რედაქტირება | წყაროს რედაქტირება]

კომპილაციური ალბომები[რედაქტირება | წყაროს რედაქტირება]

ლიტერატურა[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. Montagne, Renee. “Israel Kamakawiwo'ole: The Voice of Hawaii“, 6 დეკემბერი, 2010. წაკითხვის თარიღი: 10 ოქტომბერი, 2012. 
  2. The Legacy: A Voice Of Hawai'i and Hawaiians“, The Honolulu Advertiser. წაკითხვის თარიღი: 19 აგვისტო, 2008. დაარქივებულია ორიგინალიდან - 22 მაისი, 2008. 
  3. Brudda Iz's Facing Future goes platinum, a first for Hawaii“, Honolulu Star-Bulletin, 6 ოქტომბერი, 2005. 
  4. 4.0 4.1 Kekoa Enomoto, Catherine. “'IZ' Will Always Be“, Honolulu Star-Bulletin, June 26, 1997. 
  5. Adamski, Mary. “Isles Bid Aloha, not Goodbye, to 'Brudda Iz'“, Honolulu Star-Bulletin, 10 ივლისი, 1997.