შინაარსზე გადასვლა

ირფაან ალი

მასალა ვიკიპედიიდან — თავისუფალი ენციკლოპედია
მუჰამედ ირფაან ალი
მუჰამედ ირფაან ალი
ალი 2025 წელს
გაიანის დროშა გაიანის მე-10 პრეზიდენტი
ამჟამინდელი თანამდებობა
დაიკავა2 აგვისტო, 2020
ვიცე-პრეზიდენტი  მარკ ფილიპსი
პრემიერ-მინისტრი  მარკ ფილიპსი
წინამორბედიდევიდ გრეინჯერი
გაიანის დროშა გაიანის საბინაო და წლის რესურსების მინისტრი
თანამდებობაზე ყოფნის დრო
7 იანვარი, 2009 – 20 მაისი, 2015
პრეზიდენტიბჰარატ ჯაგდეო
დონალდ რამოტარი
წინამორბედიჰარინარინ ნიუბატი
მემკვიდრენორან ბულკაანი
(როგორც საზოგადოებების მინისტრი)[1]
თანამდებობაზე ყოფნის დრო
1 იანვარი, 2024 – 30 ივნისი, 2024[2]
წინამორბედიდიკონ მიჩელი
მემკვიდრერუზველტ სკელიტი
დაბადებული25 აპრილი, 1980 (1980-04-25) (45 წლის)
ლეონორა, ესეკიბოს კუნძულები-დასავლეთ დემერარა, ბრიტანეთის გვინეა
მოქალაქეობაგაიანის დროშა გაიანა
ეროვნებაინდო-გაიანელი
პოლიტიკური პარტიაგაიანის სახალხო პროგრესული პარტია
მეუღლეარია ალი (იქ. 2017)
შვილები3
განათლება[3]
რელიგიაისლამი

მოჰამედ ირფაან ალი (ინგლ. Mohamed Irfaan Ali; დ. 1980 წლის 25 აპრილი) — გაიანელი პოლიტიკოსი, რომელიც 2020 წლიდან იკავებს გაიანის პრეზიდენტის პოსტს და არის ქვეყნის მეათე პრეზიდენტი. სახალხო პროგრესული პარტიის (PPP/C) წევრი. 2009 წლიდან 2015 წლამდე მსახურობდა საბინაო და წყლის რესურსების მინისტრად. ის არის პირველი მუსლიმი, რომელმაც ეს თანამდებობა დაიკავა და მეორე მუსლიმი სახელმწიფოს მეთაური ამერიკის კონტინენტზე ნურ ჰასანალის (ტრინიდადი და ტობაგო) შემდეგ.[4][5] 

ალი იყო გაიანის ეროვნული ასამბლეის წევრი[6] და მსახურობდა კაბინეტის მინისტრად დონალდ რამოტარის პრეზიდენტობისას, 2015 წლამდე. 2020 წელს ის გახდა სახალხო პროგრესული პარტიის საპრეზიდენტო კანდიდატი. მან გაიმარჯვა 2020 წლის მარტის საყოველთაო არჩევნებში. ის გაიანის მეათე პრეზიდენტი გახდა 2020 წლის 2 აგვისტოს დასახელდა, გამარჯვებიდან რამდენიმე თვის შემდეგ, რაც გამოწვეული იყო არჩევნების კეთილსინდისიერებასთან დაკავშირებული ხანგრძლივი სამართლებრივი დავებითა და ყველა საარჩევნო ბიულეტენის ხელახალი დათვლით.[7] მან პრეზიდენტის პოსტი მეორე ვადით 2025 წლის 1 სექტემბერს გამართულ საყოველთაო არჩევნებში.[8]

ადრეული ცხოვრება და განათლება

[რედაქტირება | წყაროს რედაქტირება]

მოჰამედ ირფაან ალი დაიბადა 1980 წლის 25 აპრილს[9] ინდო-გაიანურ მუსლიმურ ოჯახში; მისი მშობლები არიან ბიბი შარიმან ნეშავი და მოჰამედ ოსმან ალი. დაიბადა ლეონორაში, სოფელში, რომელიც მდებარეობს გაიანის ესეკიბოს კუნძულები-დასავლეთ დემერარას რეგიონში. ორი პედაგოგის შვილმა, ალიმ მოზარდობის წლების დიდი ნაწილი კუნძულ ლეგუანზე გაატარა.

დედის მხრიდან დიდი-დიდი-დიდი ბებია-ბაბუა იყვნენ დღევანდელი უტარ-პრადეშიდან, ინდოეთიდან. მისი წინაპრები მაშინდელ ბრიტანეთის გვინეაში 1894 წელს დაქირავებულ მუშებად ჩავიდნენ გემით რაინი. ისინი მუშაობდნენ ლეგუანში მდებარე პლანტაცია „საქსესში“.[10]

ის არის ლეონორას საბავშვო ბაღისა და დაწყებითი სკოლების, ასევე კორნელია იდას დაწყებითი სკოლის ყოფილი მოსწავლე. ალიმ საშუალო განათლება დაასრულა წმინდა სტანისლავის კოლეჯში ჯორჯტაუნში.[11][12]

ალი ფლობს დოქტორის ხარისხს ურბანულ და რეგიონულ დაგეგმარებაში ვესტ-ინდოეთის უნივერსიტეტიდან.[11] 2003 წელს მან დაასრულა მაგისტრატურა ადამიანური რესურსების დაგეგმვის განვითარებაში შრომის ეკონომიკის ეროვნულ ინსტიტუტში, რომელიც აფილირებულია გურუ გობინდ სინგჰ ინდრაპრასტჰას უნივერსიტეტთან, ნიუ-დელიში. 2023 წელს უნივერსიტეტმა მას საპატიო დოქტორის წოდება მიანიჭა.[13] ის ასევე ფლობს ჰუმანიტარულ მეცნიერებათა მაგისტრის ხარისხს კადრების დაგეგმარებაში, დიპლომს საერთაშორისო ბიზნესში და სერთიფიკატს ფინანსებში ანგლია რასკინის უნივერსიტეტიდან, სამართლის მაგისტრის ხარისხს საერთაშორისო კომერციულ სამართალში სალფორდის უნივერსიტეტიდან და ბაკალავრის ხარისხს ბიზნესის მენეჯმენტში სანდერლენდის უნივერსიტეტიდან.[3]

ადრეული კარიერა

[რედაქტირება | წყაროს რედაქტირება]

ალი მსახურობდა პროექტის მენეჯერად კარიბის განვითარების ბანკის პროექტების განხორციელების განყოფილებაში, ფინანსთა სამინისტროში და სახელმწიფო დაგეგმარების სამდივნოში.[14]

ადრეული პოლიტიკური კარიერა

[რედაქტირება | წყაროს რედაქტირება]

ალი გაიანის ეროვნული ასამბლეის წევრი 2006 წელს გახდა. იგი დაინიშნა საბინაო და წყლის რესურსების მინისტრად[15] და ტურიზმის ინდუსტრიისა და კომერციის მინისტრად.[16]

მინისტრობის პერიოდში ალი სხვადასხვა დროს ასრულებდა პრეზიდენტისა და პრემიერ-მინისტრის მოვალეობებს. 2015 წელს, როდესაც სახალხო პროგრესული პარტია (PPP/C) ოპოზიციაში გადავიდა, იგი მსახურობდა საჯარო ანგარიშების კომიტეტის თავმჯდომარედ და გაიანის ეროვნული ასამბლეის ეკონომიკური მომსახურების კომიტეტის თანათავმჯდომარედ.[17]

პრეზიდენტობა

[რედაქტირება | წყაროს რედაქტირება]

2020 წლის კამპანია

[რედაქტირება | წყაროს რედაქტირება]

ირფაან ალი იყო სახალხო პროგრესული პარტიის (PPP/C) საპრეზიდენტო კანდიდატი 2020 წლის 2 მარტის გაიანის საყოველთაო და რეგიონულ არჩევნებში.[18] იგი საპრეზიდენტო კანდიდატად 2019 წლის 19 იანვარს შეირჩა.[19] მისი შერჩევა დაემთხვა პერიოდს, როდესაც ალის ბრალი გაიანის სპეციალური ორგანიზებული დანაშაულის ქვედანაყოფმა (SOCU) წარუდგინა შეთქმულებისა და თაღლითობის 19 მუხლით.[20] ალის ადვოკატები ეჭვქვეშ აყენებდნენ ამ ბრალდებების კანონიერებას და აცხადებდნენ, რომ ისინი პოლიტიკური ხასიათის და „შეთითხნილი“ იყო.[20] იმ დროს, როდესაც ალი პრეზიდენტობისთვის იბრძოდა, ბრალდებები არასოდეს მისულა სრულ სასამართლო განხილვამდე.

მისი შერჩევისთანავე ალი დაადანაშაულეს აკადემიურ თაღლითობაში; ოპონენტები ამტკიცებდნენ, რომ დაახლოებით 20 წლის ასაკში მან ერთ-ერთი თავისი კვალიფიკაციის შესახებ არასწორი ინფორმაცია წარადგინა.[21] ალის ასევე წაუყენეს 19 სხვა ბრალდება თაღლითობისთვის, სახელმწიფოსთვის 174 მილიონ დოლარზე მეტი ზარალის მიყენების გამო 2011-2015 წლებში; სავარაუდოდ, ის შეუთანხმდა დაუდგენელ პირებს, რათა „მნიშვნელოვნად დაბალ ფასად მიეწყიდან“ სახელმწიფოს კუთვნილი 19 მიწის ნაკვეთი მოქმედი ან ყოფილი თანამდებობის პირებისთვის.[22]

სასამართლო პროცესი რამდენჯერმე გადაიდო. ამ ბრალდებებზე მას თავდებობა შეეფარდა. SOCU-ს მონაცემებით, მიწები, რომლებიც 39.8 მილიონ აშშ დოლარად გაიყიდა, 212.4 მილიონ დოლარად იყო შეფასებული.[22] 14 აგვისტოს ბრალდებები მოიხსნა.[23]

2020 წლის საპრეზიდენტო კამპანიისას ალი ძირითადად ეკონომიკურ პლატფორმას ეყრდნობოდა და დევიდ გრეინჯერის ადმინისტრაციის პირობებში ეკონომიკური ზრდის შენელებასა და უმუშევრობის ზრდაზე მიუთითებდა.[24] ალი პირობას დებდა, რომ ხუთი წლის განმავლობაში 50 000 ახალ სამუშაო ადგილს შექმნიდა.[25] მან ხაზი გაუსვა გამჭვირვალობისა და გლობალურად აღიარებული სტანდარტების დაცვის აუცილებლობას გაიანის ნავთობის განვითარებად სექტორში, რომელიც ქვეყნის განვითარების ტრანსფორმაციას ისახავს მიზნად. ალიმ აიღო ვალდებულება შეექმნა სუვერენული კეთილდღეობის ფონდი, რომელიც იქნებოდა „დაცული პოლიტიკური ჩარევისგან“, და გაეძლიერებინა გაიანის შესაძლებლობა, დაიცვას სანტიაგოს პრინციპები და მოპოვებითი დარგების გამჭვირვალობის ინიციატივის გლობალური მოთხოვნები.

საგარეო პოლიტიკა

[რედაქტირება | წყაროს რედაქტირება]

აშშ

[რედაქტირება | წყაროს რედაქტირება]
ალი აშშ-ის სახელმწიფო მდივან მაიკ პომპეოსთან ერთად, 2020 წლის სექტემბერი

2020 წლის სექტემბერში, ამერიკის შეერთებული შტატების სახელმწიფო მდივანთან, მაიკ პომპეოსთან ერთობლივ განცხადებაში ალიმ აღნიშნა, რომ ორი ქვეყანა დაიწყებდა ერთობლივ საზღვაო პატრულირებას ნარკოტრაფიკის აღსაკვეთად გაიანის სადავო საზღვართან, ვენესუელასთან.[26] შეთანხმება მას შემდეგ გაფორმდა, რაც ამერიკულმა ნავთობგიგანტმა Exxon Mobil Corp-მა, Hess Corporation-თან კონსორციუმის ფარგლებში, გაზარდა ნედლი ნავთობის მოპოვება გაიანის გიგანტური ოფშორული Stabroek-ის ბლოკიდან, რომლის დიდი ნაწილი ვენესუელასთან სადავო წყლებში მდებარეობს.[26] პომპეომ და ალიმ დასძინეს, რომ „სასაზღვრო სივრცის უშიშროება და თქვენს განსაკუთრებულ ეკონომიკურ ზონაში მიმდინარე პროცესების უკეთ გაგების შესაძლებლობა, ეს ყველაფერი გაიანის სუვერენიტეტს განამტკიცებს“.[27]

ისრაელი

[რედაქტირება | წყაროს რედაქტირება]

2024 წლის აპრილში ალიმ ისრაელის ქმედებებს ღაზის სექტორში უწოდა „არაფერი სხვა, თუ არა გენოციდი“.[28]

2025 წლის კამპანია

[რედაქტირება | წყაროს რედაქტირება]

ალიმ პრეზიდენტის პოსტი მეორე ვადით 2025 წლის 1 სექტემბერს გამართულ საყოველთაო არჩევნებში მოიპოვა.[8]

ჯილდოები

[რედაქტირება | წყაროს რედაქტირება]

ალი არის შემდეგი ჯილდოების მფლობელი:

2023 წელს ინდოეთის მთავრობამ ალის მიანიჭა ინდოეთის საზღვარგარეთის ჯილდო მისი წვლილისთვის „პოლიტიკასა და საზოგადოებრივ კეთილდღეობაში“ და „ინდოეთსა და საზღვარგარეთ მიღწეული თვალსაჩინო წარმატებებისთვის“.[29]

ბარბადოსის თავისუფლების ორდენი 2023 წელს ბარბადოსის მთავრობამ ალის მიანიჭა ბარბადოსის თავისუფლების ორდენი „მისი ერთგულების აღიარებისთვის რეგიონული ინტეგრაციის მისაღწევად თანამშრომლობის გაღრმავების საქმეში, განსაკუთრებით სურსათისა და საკვების უშიშროების სფეროში და ბარბადოსისა და რეგიონის ხალხის კეთილდღეობის ამაღლებისთვის“.[30]

რესურსები ინტერნეტში

[რედაქტირება | წყაროს რედაქტირება]

სქოლიო

[რედაქტირება | წყაროს რედაქტირება]
  1. ↑ „PM, several Cabinet members sworn in“. Guyana Chronicle. 21 May 2015. დაარქივებულია ორიგინალიდან — 10 May 2017. ციტირების თარიღი: 25 January 2022.
  2. ↑ ROTATION SCHEDULE FOR THE CHAIRMANSHIP OF THE CONFERENCE 1 JANUARY 2018 TO 30 JUNE 2025. ციტირების თარიღი: 8 January 2023
  3. 1 2 Biography of the President – Office of the President (31 August 2020). ციტირების თარიღი: 24 October 2020
  4. ↑ President Irfaan Ali Sworn in as Guyana's new leader en-US (3 August 2020). ციტირების თარიღი: 27 February 2021
  5. ↑ UWI honours former President Noor Hassanali en-US (4 August 2012). ციტირების თარიღი: 27 February 2021
  6. ↑ Hon. Mohamed I. Alli, MP დაარქივებული 15 July 2020 საიტზე Wayback Machine. Parliament of Guyana
  7. ↑ Irfaan Ali sworn in as President en-US (2 August 2020). ციტირების თარიღი: 4 August 2020
  8. 1 2 „Irfaan Ali re-elected as President“. Stabroek News. 3 September 2025.
  9. ↑ President's Biography (31 August 2020). ციტირების თარიღი: 24 October 2020
  10. ↑ Guyana's President Irfaan's Maternal Lineage Traced to UP, India - Caribbean Muslims (26 February 2023).
  11. 1 2 „Irfaan Ali awarded Doctorate of Philosophy in Urban and Regional Planning“. Stabroek News. 13 January 2023. დაარქივებულია ორიგინალიდან — 7 November 2020. ციტირების თარიღი: 24 February 2020.
  12. ↑ Biography of His Excellency Dr Mohamed Irfaan Ali – President of the Co-operative Republic of Guyana and Commander-in-Chief of the Armed Forces – Office of the President (31 August 2020). ციტირების თარიღი: 24 October 2020
  13. ↑ President accorded honorary doctorate from Indian university (13 January 2023).
  14. ↑ H.E. Dr. Mohamed Irfaan Ali en. ციტირების თარიღი: 27 November 2022
  15. ↑ "Irfaan Ali sworn in as new Minister of Housing and Water" დაარქივებული 27 April 2020 საიტზე Wayback Machine. , Guyana Chronicle, 8 January 2009.
  16. ↑ "Minister Ali markets Guyana's tourism in Spain" დაარქივებული 24 February 2020 საიტზე Wayback Machine. , iNews Guyana, 9 June 2014.
  17. ↑ Biography of His Excellency Dr Mohamed Irfaan Ali – President of the Co-operative Republic of Guyana and Commander-in-Chief of the Armed Forces – Office of the President en-US (31 August 2020). ციტირების თარიღი: 27 November 2022
  18. ↑ "Irfaan Ali is PPP/C presidential candidate", Stabroek News, 19 January 2019.
  19. ↑ „Irfaan Ali proposes plan to improve Guyanese lives“. iNews Guyana. 24 June 2019. დაარქივებულია ორიგინალიდან — 26 November 2020. ციტირების თარიღი: 26 June 2019.
  20. 1 2 Irfaan Ali on 19 fraud charges over Pradoville Two en-US (29 November 2018). ციტირების თარიღი: 15 June 2020
  21. ↑ Irfaan Ali accused of academic fraud en-US (13 January 2019). ციტირების თარიღი: 30 July 2019
  22. 1 2 Irfaan Ali 19 charges trial further postponed en-US (26 October 2019). ციტირების თარიღი: 7 August 2020
  23. ↑ „'Trumped up' charges dismissed against President Ali“. iNews Guyana. 14 August 2020. დაარქივებულია ორიგინალიდან — 16 April 2022. ციტირების თარიღი: 23 August 2020.
  24. ↑ PPPC Manifesto 2020 elections. ციტირების თარიღი: 15 June 2020
  25. ↑ PPPC Manifesto Elections 2020. ციტირების თარიღი: 15 June 2020
  26. 1 2 Joint Guyana-US maritime, air patrols could begin as early as Monday. 18 September 2020. Stabroek News. Retrieved 19 September 2020.
  27. ↑ Cohen, Luc (18 September 2020), US, Guyana to Launch Joint Maritime Patrols Near Venezuela დაარქივებული 20 June 2022 საიტზე Wayback Machine. . . MarineLink. Retrieved 19 September 2020.
  28. ↑ "Nothing Short of Genocide": Says Guyana's President Ali, As he Calls for Ceasefire in Gaza. (8 April 2024).
  29. ↑ Chabrol, Denis (2 January 2023). „India awards Guyana's President highest award to person of Indian origin“. Demerara Waves Media Inc. ციტირების თარიღი: 30 January 2023.
  30. ↑ De Shong, Dillon (30 November 2023). „Guyanese President to receive national award from Barbados“. Loop Caribbean News. ციტირების თარიღი: 12 December 2023.
მოძიებულია „https://ka.wikipedia.org/w/index.php?title=ირფაან_ალი&oldid=5246408“-დან