ირმინგერის ზღვა
| ირმინგერის ზღვა | |
|---|---|
| |
| ზოგადი ინფორმაცია | |
| ოკეანის აუზი | ატლანტის ოკეანე |
| ტიპი | ზღვა |
| ფართობი | 780 კმ² |
| სიგრძე | 480 კმ |
| სიგანე | 290 კმ |
ირმინგერის ზღვა — განაპირა ზღვა ატლანტის ოკეანის ჩრდილო-დასავლეთ ნაწილში. ფართობი 780 ათ. კმ². სიგრძე 480 კმ, სიგანე ყველაზე ვიწრო ადგილში 290 კმ. სიღრმე 2800 მ.[1] მდებარეობს კუნძულ გრენლანდიის სამხრეთ ნაწილსა და რეიკიანესის წყალქვეშა ქედს შორის. ჩრდილოეთით დანიის სრუტით უკავშირდება გრენლანდიის ზღვას. მის ფარგლებშია ირმინგერის დინება. ზღვის დასავლეთ ნაწილში გადის ძლიერი და ვიწრო აღმოსავლეთ გრენლანდიის დინება, რომელსაც გადააქვს ცივი, ნაკლებადმარილიანი წყლები ჩრდილოეთ ყინულოვანი ოკეანიდან ატლანტის ოკეანეში. სახელი ეწოდა დანიელი ვიცე-ადმირალის, ზღვაოსნისა და ჰიდროგრაფის კარლ ლუდვიგ ქრისტიან ირმინგერის პატივსაცემად.[2]
სქოლიო[რედაქტირება | წყაროს რედაქტირება]
- ↑ Irminger Sea: A Science Collaboratory
- ↑ Kommandør Axel Fiedler: „Om Irminger Havets og Irmingerstrømmens navn“. Søværnsorientering Nr. 1, March 2003