ირლანდიის გეოგრაფია

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება

კოორდინატები: 53°27′44″ ჩ. გ. 7°45′45″ დ. გ. / 53.46222° ჩ. გ. 7.76250° დ. გ. / 53.46222; -7.76250

ირლანდიის რუკა
თანამგზავრიდან გადაღებული ირლანდია, 2003 წლის 4 იანვარი, ნასა

ირლანდია (ირლ. Éire, ინგლ. Ireland, ლათ. Hibernia) — კუნძულოვანი სახელმწიფო ატლანტის ოკეანის ჩრდილოეთ ნაწილში, მდებარეობს ევროპაში სიდიდით მესამე კუნძულზე; ეს არის ორ დიდ ბრიტანეთის კუნძულს შორის დასავლეთით მდებარე. განლაგებულია 6° 20'—10° 20' დ. გრ.-სა და 51° 25'—55° 23' ჩ. გა.-ს შორის (უკიდურესი ჩრდილოეთი წერტილი — მალინ-ჰედის კონცხი). აღმოსავლეთით ესაზღვრება ირლანდიის ზღვა, აგრეთვე წმინდა გიორგის სრუტე და ჩრდილოეთის სრუტე; დასავლეთით, ჩრდილოეთითა და სამხრეთით — ატლანტის ოკეანე. მანძილი დასავლეთიდან აღმოსავლეთამდე — დაახლოებით 300 კმ, ჩრდილოეთიდან სამხრეთამდე — 450 კმ.

საერთო ფართობი — 70.280 კმ2.

დიდ ბრიტანეთთან საზღვრების საერთო სიგრძე — 360 კმ.

საზღვაო ხაზი: 1.488 კმ.

უმაღლესი წერტილი — მთა კარანტუილი (Carrauntoohil) 1.041 მ.

ირლანდიის სანაპიროები (განსაკუთრებით ჩრდილოეთით, სამხრეთითა და დასავლეთით) კლდიანია, ძლიერ გაკვეთილი ყურეებით, რომლებიდანაც უდიდესებია გოლუეის ყურე, შენონის ყურე, დინგლის ყურე და დონეგალის ყურე დასავლეთით, ლოხ-ფოილი — ჩრდილოეთით. ირლანდიის სანაპიროებთან ახლოსაა მრავალი კლდიანი კუნძული.

ზედაპირი ძირითადად ვაკეა, შიგა რაიონებს იკავებს ფართო ცენტრალური დაბლობები, რომლებიც დასავლეთითა და აღმოსავლეთით კუნძულის სანაპიროებამდე აღწევს. კუნძულის კიდეებზე მცირე სიმაღლის მთები (უმაღლესი წერტილი — მთა კარანტუილი, 1041 მ) და ზეგნებია (უდიდესი — ანტრიმი ჩრდილო-აღმოსავლეთით).

ქვეყანაში ბევრია მდინარე და ტბა. ირლანდიას დასავლეთიდან აღმოსავლეთით კვეთს არხების რიგი. კლიმატი არის ზომიერი ოკეანური, ნოტიო; ზამთარი რბილია, ზაფხული — გრილი. რბილი კლიმატის წყალობით ირლანდია მთელი წლის განმავლობაში დაფარულია სიმწვანით, რითიც გახდა ცნობილი, როგორც ზურმუხტის კუნძული. ქვეყნის ტერიტორიაზე გვხვდება, როგორც ჩრდილოური და ალპური მცენარეები, აგრეთვე სამხრეთ ევროპისთვის დამახასიათებელი სახეობებიც.

Commons-logo.svg
ვიკისაწყობში? არის გვერდი თემაზე:

რესურსები ინტერნეტში[რედაქტირება]