იორდანი

მასალა ვიკიპედიიდან — თავისუფალი ენციკლოპედია
Jump to navigation Jump to search
უბანი
იორდანი
Jordaan
Eerste Leliedwarsstraat.jpg
Eerste Leliedwarsstraat
ქვეყანა ნიდერლანდების დროშა ნიდერლანდები
დაქვემდებარება უბანი
რეგიონი ამსტერდამ-სენტრუმი
კოორდინატები 52°22′35″ ჩ. გ. 4°52′54″ ა. გ. / 52.37639° ჩ. გ. 4.88167° ა. გ. / 52.37639; 4.88167
სასაათო სარტყელი UTC+1
იორდანი — ნიდერლანდები
იორდანი

იორდანი (ნიდერლანდურად: Jordaan) — უბანი ნიდერლანდების დედაქალაქ ამსტერდამში, რომელიც მდებარეობს რაიონ ამსტერდამ-სენტრუმში. უბანს დასავლეთით ესაზღვრება არხი Lijnbaansgracht, აღმოსავლეთით - მეოთხე, ყველაზე გრძელი და მთავარი არხი Prinsengracht, ჩრდილოეთით - არხი Brouwersgracht და სამხრეთით პატარა არხი Leidsegracht. თავდაპირველად მუშათა კლასის უბანი, იორდანი, გახდა ერთ-ერთი ყველაზე ძვირადღირებული, მაღალი კლასის ადგილი ნიდერლანდებში. აქ მდებარეობს ძალიან ბევრი სამხატვრო გალერეა, განსაკუთრებით ბევრია თანამედროვე ხელოვნების გალერეები. რეგულარულად იმართება გარე ვაჭრობები უბნის ცენტრალურ მოედანზე Noordermarkt-ზე, Westerstraat-ზე და Lindengracht-ზე. რემბრანდტმა მისი ცხოვრების ბოლო წლები იორდანში, Rozengracht არხთან გაატარა. ანა ფრანკის სახლი, სადაც ანა ფრანკი თავს აფარებდა მეორე მსოფლიო ომის დროს, მდებარეობს იორდანის და Prinsengracht არხის საზღვარზე.

სახელის წარმომავლობა[რედაქტირება | წყაროს რედაქტირება]

მრავალი თეორიის მიხედვით უბნის სახელი იორდანი მოდის ფრანგული სიტყვისგან jardin, რაც ნიშნავს ბაღს. იორდანში ბევრ ქუჩას და არხს სახელად აქვს ყვავილების და ხეების სახელები. სხვა თეორიის მიხედვით Prinsengracht არხის ზედმეტსახელი იყო იორდანი (Jordaan - ნიდერლანდურად ასე ჰქვია მდინარე იორდანეს).

შენობები[რედაქტირება | წყაროს რედაქტირება]

იორდანში გვხვდება ძალიან ბევრი საცხოვრებელი სახლი (hofjes) შიდა ეზოთი, რომელთა უმეტესობას აქვს წყნარი, მშვიდი ბაღები.

ისტორია[რედაქტირება | წყაროს რედაქტირება]

იორდანის მშენებლობა დაიწყო 1621 წელს. ამ დროს ამ ადგილს ახალი სამუშაო (Het Nieuwe Werck) ერქვა. ქუჩები და არხები აიგო ძველი ბილიკების და თხრილების მიხედვით. IX საუკუნეში იორდანის ექვსი არხი ამოავსეს, მათ შორის Rozengracht-ის არხი. იორდანი ტრადიციულად იყო მემარცხენეთა საყრდენი უბანი, რასაც თან ახლდა მძიმე, მასობრივი აჯანყებები: 1835, 1886, 1917 და 1934 წლებში. 1941 წელს მომხდარი ,,თებერვლის ბუნტი" (Februaristaking) დაიწყო Noordermarkt-ის მოედანზე შეკრებით, სადაც ნიდერლანდელი ებრაელები გამოდიოდნენ ანტი-ებრაელების და ნაცისტების წინააღმდეგ. XX საუკუნეში აქ არსებობდა ცოცხალი მუსიკის სცენა.[1]

სქოლიო[რედაქტირება | წყაროს რედაქტირება]

  1. http://www.jordaaninfo.nl/ იორდანი - ინფორმაცია