იმ ნაიონი

იმ ნაიონი (კორ. 임나연; დაბ. 22 სექტემბერი 1995) — სამხრეთ კორეელი მომღერალი, ცნობილი როგორც ნაიონი (Nayeon). პოპულარობა მოიპოვა, როგორც სამხრეთ კორეის გოგონების ჯგუფის Twice წევრმა, რომელიც შეიქმნა JYP Entertainment-ის რეალითი სატელევიზიო შოუს Sixteen (2015) მიერ.

ნაიონმა გამოუშვა თავისი სახელის სადებიუტო EP, "Im Nayeon", 2022 წლის ივნისში. მან პირველ ადგილს მიაღწია სამხრეთ კორეის Circle Album Chart-ში და მეშვიდე ადგილს აშშ-ს Billboard 200-ში, რომლითაც იგი გახდა პირველი სამხრეთ კორეელი სოლისტი ისტორიაში, რომელიც შევიდა ამ ჩარტების ტოპ 10-ში. წამყვანმა სინგლმა, "Pop!", მეორე ადგილს მიაღწია Circle Digital Chart-ში, სამხრეთ კორეაში. 2024 წელს ნაიონმა მოიპოვა თავისი მეორე „ნომერ პირველი ჩანაწერი“ Circle Album Chart-ში და ტოპ ათეულში აშშ-ს Billboard 200-ში მისი მეორე EP-ით "Na".

ადრეული ცხოვრება

იმ ნაიონი დაიბადა 1995 წლის 22 სექტემბერს, განგდონგის რაიონში, სეულში, სამხრეთ კორეა. ბავშვობაში ნაიონი მონაწილეობდა სამოდელო კონკურსში და მიღებულ იქნა JYP Entertainment-ში. მიუხედავად იმისა, რომ ნაიონს დედამ თავიდან შეუშალა ხელი შოუბიზნესში შესვლისთვის, მისი მცირე ასაკის გათვალისწინებით, იგი ფარულად დაესწრო სააგენტოს ღია აუდიციას 2010 წლის 15 სექტემბერს, რის შემდეგაც გახდა სტაჟიორი. 2013 წელს იგი დაემატა 6mix-ის შემადგენლობას, JYPE-ის მიერ დაგეგმილ გოგონების ჯგუფს, რომლის დებიუტი არასოდეს შემდგარა. ნაიონი ასევე გამოჩნდა 2012 წლის სატელევიზიო სერიალის Dream High 2-ის მეორე ეპიზოდში.

განათლება

ნაიონმა დაამთავრა სეულის მიეონგვონის დაწყებითი სკოლა, სეონგდეოკის გოგონების საშუალო სკოლა და აპგუჯეონგის საშუალო სკოლა. Twice-ის დებიუტამდე იყო კონკუკის უნივერსიტეტის სტუდენტი, თეატრისა და კინოს ხელოვნების ფაკულტეტზე. 2018 წელს, "What Is Love?" ჩვენებაზე მან გამოავლინა, რომ დატვირთული გრაფიკის გამო „აკადემიური წელი“ აიღო.

კარიერა

2015–დან დღემდე: Sixteen, Twice და სოლო კარიერა

2015 წელს ნაიონმა მონაწილეობა მიიღო სატელევიზიო რეალით შოუში Sixteen, კონკურსში JYP Entertainment-ის ახალი გოგონათა ჯგუფის წევრების დასადგენად, სახელწოდებით Twice. როგორც ცხრა წარმატებული მონაწილედან ერთ-ერთი, მან საბოლოო შემადგენლობამდე მიაღწია. ოქტომბერში ნაიონმა ოფიციალურად შეასრულა დებიუტი, როგორც Twice-ის წევრმა, მათი პირველი EP-ის გამოშვებით, "The Story Begins".

2022 წლის 19 მაისს გამოცხადდა, რომ ნაიონის დებიუტი, როგორც სოლო არტისტი, 24 ივნისს მისი სადებიუტო EP "Im Nayeon"-ით შედგებოდა. 2022 წლის 10 ივლისს ნაიონმა მოიპოვა პირველი გამარჯვება მუსიკალურ შოუში SBS Inkigayo-ზე. მან მიიღო საუკეთესო ქალი შემსრულებლის ტიტული, 2022 წლის MAMA Awards-ზე.

2024 წლის 13 მაისში, JYP Entertainment-მა გამოაცხადა, რომ ნაიონი 14 ივნისს უშვებდა მეორე EP-ს, სახელად "Na"-ს.

იხილეთ აგრეთვე

რესურსები ინტერნეტში