ილორი

სოფელი
ილორი Елыр
ილორის წმინდა გიორგის ეკლესია
ქვეყანა	საქართველო
ავტონომიური რესპუბლიკა	აფხაზეთის ავტონომიური რესპუბლიკააფხაზეთის ავტონომიური რესპუბლიკა
მუნიციპალიტეტი	ოჩამჩირის მუნიციპალიტეტი
კოორდინატები	42°41′44″ ჩ. გ. 41°29′58″ ა. გ.
სასაათო სარტყელი	UTC+4
სატელეფონო კოდი	+995
ილორი ვიკისაწყობში

ილორის მდებარეობა ოჩამჩირის რაიონში

ილორი (აფხ. Елыр) — სოფელი საქართველოში, აფხაზეთის ავტონომიური რესპუბლიკის ოჩამჩირის მუნიციპალიტეტში. მდებარეობს შავი ზღვის პირას, ოჩამჩირესთან სიახლოვეს.

ეს მიდამო პირველად ისტორიული წყაროებში ნახსენებია XI საუკუნეში. შუა საუკუნეებში ილორი სამეგრელოს სამთავროს ნაწილი იყო. ამ სოფელში მდებარეობს დასავლეთ საქართველოს შუა საუკუნეების ერთ-ერთი უმნიშვნელოვანესი არქიტექტურული ძეგლი - ილორის წმინდა გიორგის ეკლესია, რომელიც XI საუკუნის პირველ მეოთხედშია აგებული.

დემოგრაფია

1886 წელს ილორში ცხოვრობდა 1120 მართლმადიდებელი ქრისტიანი და 6 სუნიტი მაჰმადიანი. ილორში ორი თავადი, 136 აზნაური, 6 სასულიერო პირი და 982 გლეხი სახლობდა.

სოფლის მოსახლეობა 1989 წელს ძირითადად ქართველებით იყო დასახლებული. 1926 წლის აღწერით მოსახლეობის ნახევარი აფხაზად ჩაეწერა, დანარჩენი ქართველად. ამავე დროს მცხოვრებთა მხოლოდ 5,6 %-მა დაასახელა მშობლიურ ენად აფხაზური, 91,1 %-მა მთავარ ენად მეგრული აღნიშნა. შემდგომში ილორის თითქმის მთელი მოსახლეობა ქართველად მოიხსენებს თავს. 1992-93 წლების კონფლიქტის შედეგად სოფელი ილორი თითქმის მთლიანად განადგურდა (განადგურებულია 350 საცხოვრებელი სახლი) და გაუკაცრიელდა.

აღწერის წელი	მოსახლეობა	კაცი	ქალი
1876	1091
1886	1126
1989	2099
2011	134

იხილეთ აგრეთვე

• ილორის ეკლესია

ლიტერატურა

• ენციკლოპედია „საქართველო“, ტ. 4, თბ., 2018. — გვ. 234.