ივანე გეორგი

ივანე გეორგი
დაბ. თარიღი	31 დეკემბერი 1729(1729-12-31)
დაბ. ადგილი	Landkreis Greifenberg i. Pom.
გარდ. თარიღი	27 ოქტომბერი (8 ნოემბერი) 1802 (72 წლის)
გარდ. ადგილი	სანქტ-პეტერბურგი
მოქალაქეობა	პრუსია რუსეთის იმპერია
სამეცნიერო სფერო	ბოტანიკა
მუშაობის ადგილი	პეტერბურგის მეცნიერებათა აკადემია
ალმა-მატერი	უფსალის უნივერსიტეტი
ივანე გეორგი ვიკისაწყობში

ივანე ივანეს ძე გეორგი (იოჰან გოტლიბ გეორგი; გერმ. Johann Gottlieb Georgi; დ. 31 დეკემბერი, 1729, პომერანია — გ. 8 ნოემბერი [ძვ. სტ. 27 ოქტომბერი], 1802, სანქტ-პეტერბურგი) — რუსი მოგზაური, ბოტანიკოსი, გეოგრაფი, ეთნოგრაფი, ნატურალისტი. ციმბირის მკვლევარი. დაიბადა მღვდლის ოჯახში. დაამთავრა უფსალის უნივერსიტეტი. მიღებული ჰქონდა მედიცინის მეცნიერებათა დოქტორის ხარისხი, მუშაობდა ფარმაცევტათ. პეტერბურგის მეცნიერებათა აკადემიის აკადემიკოსი (1783). წარმოშობით გერმანელი. 1768-1772 წლებში მოიარა სამხრეთ-აღმოსავლეთი რუსეთი, ალთაი, იმიერბაიკალეთი, ურალი, ვოლგისპირეთი და დაწერა პირველი განმაზოგადებელი ნაშრომი რუსეთის ხალხთა შესახებ — „რუსეთის სახელმწიფოში მოსახლე ყველა ხალხის, აგრეთვე მათი საყოფაცხოვრებო წესების, რწმენების, ჩვეულებების, ტანსაცმლის, საცხოვრებლისა და სხვა ღირსშესანიშნაობათა აღწერა“ (ნაწილი 1-3, 1776-1777). 1768 წელს რუსეთში მოგზაურობისას თან ახლდა პეტრე პალასს. 1770-1774 წლებში პეტერბურგის მეცნიერებათა აკადემიის დავალებით მოინახულა ასტრახანი, ტომსკი, ირკუტსკი, მდინარე ურალის სანაპირო, ბაიკალი და სხვ. განსაკუთრებით იკვლევდა ბაიკალის რეგიონს.

გეორგი აგრეთვე დაინტერესებული იყო ქიმიით, მედიცინით, მეცნიერული აღმოჩენების ისტორიით. გამოაქვეყნა რამდენიმე სტატია საბუნებისმეტყველო და სამთო საქმის შესახებ. მისი სახელობისაა რთულყვავილოვანთა ოჯახში შემავალი მცენარის სახეობა გეორგინა.

თხზულება

• Geographisch-physikalische und naturhistorische Beschreibung des Russischen Reichs, Tl. 1—4, Königsberg, 1797—1802.

რესურსები ინტერნეტში

• იოჰან გოტლიბ გეორგი — ბიოგრაფია (რუსული)
• იოჰან გოტლიბ გეორგი — დიდი საბჭოთა ენციკლოპედია (რუსული)
• იოჰან გოტლიბ გეორგი — დიდი ბიოგრაფიული ენციკლოპედია (რუსული)

ლიტერატურა

• Пыпин А. Н., История русской этнографии, т. 1—4, СПб, 1890—92;
• Тихомиров В. В., Софиано Т. А., Двести двадцать пять лет со дня рождения академика И. И. Георги, «Изв. АН СССР. Серия геологическая», 1954, № 5;
• Обручев В. А., История геологического исследования Сибири. Период 1, Л., 1931;
• Токарев С. А., История русской этнографии, М., 1966, с. 103≈10.