იდრის დები

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
იდრის დები
იდრის დები
ჩადის პრეზიდენტი
თანამდებობაზე ყოფნის დრო
2 დეკემბერი, 1990 – 20 აპრილი, 2021
წინამორბედიჰისენ ჰაბრე
მემკვიდრემაჰამატ დები იტნო (გარდამავალი სამხედრო საბჭოს თავმჯდომარე)

დაბადებული26 იანვარი, 1952
ფადა, ჩადი
გარდაცვლილი20 აპრილი, 2021

იდრის დები იტნო (ფრანგ. Idriss Déby Itno; დ. 26 იანვარი, 1952, ფადა, ჩადი — გ. 20 აპრილი, 2021) — ჩადის სახელმწიფო, სამხედრო და პოლიტიკური მოღვაწე. ქვეყნის პრეზიდენტი 1990-2021 წლებში.

ბიოგრაფია[რედაქტირება | წყაროს რედაქტირება]

იდრის დები დაიბადა 1952 წელს, მიეკუთვნება ზაგავის ეთნიკურ ჯგუფს.

სამხედრო გადატრიალება[რედაქტირება | წყაროს რედაქტირება]

1989 წელს ქვეყანაში სამხედრო გადატრიალების მცდელობა იყო, რომელსაც მეთაურობდა შინაგან საქმეთა მინისტრი ბრაჰიმ იტნო და მისი სამხედრო მრჩევლები: ჰასან ჯამუსი და იდრის დები. იტნო დააპატიმრეს, ჯამუსი მოკლეს, ხოლო იდრის დები ქვეყნიდან გაიქცა და მომდევნო წელს იერიში წამოიწყო ჰაბრეს ხელისუფლების წინააღმდეგ.

1990 წლის ბოლოს, იდრის დების ხელმძღვანელობით მოქმედმა ჩადის ეროვნული ხსნის მოძრაობის შეიარაღებულმა ძალებმა აღმოსავლეთ ჩადში მდებარე ქალაქი აბეშე დაიკავეს. 1 დეკემბერს ჰისენ ჰაბრე ჯერ კამერუნში გაიქცა, შემდეგ კი სენეგალში გადავიდა. ქვეყნის პრეზიდენტი გახდა იდრის დები, რომელიც მომდევნო წლებში 4-ჯერ იქნა არჩეული აღნიშნულ თანამდებობაზე.

გარდაიცვალა 2021 წლის 20 აპრილს ქვეყნის ჩრდილოეთში, აჯანყებულების წინააღმდეგ გამართული საბრძოლო მოქმედებების დროს.[1][2]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]