იაროსლავ ჰაშეკი

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
იაროსლავ ჰაშეკი
Jaroslav Hašek.gif
დაბ. თარიღი 30 აპრილი 1883(1883-04-30)[1]
დაბ. ადგილი პრაღა[2]
გარდ. თარიღი 3 იანვარი 1923(1923-01-03)[3][1] (39 წელი)
გარდ. ადგილი ლიპნიცე-ნად-საზავოუ
საქმიანობა მწერალი, კომიკოსი, სატირიკოსი, ანარქისტი, რომანისტი და ჟურნალისტი
მოქალაქეობა Flag of the Czech Republic.svg ჩეხეთი
Magnum opus კარგი ჯარისკაცი შვეიკი
მეუღლე იარმილა გაშეკოვა
ხელმოწერა Jaroslav Hašek - podpis.svg
Jaroslav Hašek ვიკისაწყობში

იაროსლავ ჰაშეკი (დ. 30 აპრილი, 1883, პრაღა — გ. 3 იანვარი, 1923, ლიპნიცე), ჩეხი მწერალი.

დაიბადა მასწავლებლის ოჯახში. დაამთავრა კომერციული სასწავლებელი. ბეჭდვა დაიწყო XX საუკუნის დასაწყისში. თავდაპირველად აქვეყნებდა მგზავრულ ნარკვევებსა და იუმორისტულ ჩანახატებს. ჰაშეკს ეკუთვნის ათასამდე ნარკვევი, მოთხრობა და ფელეტონი, რომლებშიც დასცინის ბიუროკრატიულ სახელმწიფოს აპარატს, ბურჟუაზიულ მორალსა და სამღვდელოებას.

1912 წელს გამოაქვეყნა მოთხრობათა კრებული "ყოჩაღი ჯარისკაცი და სხვა გასაოცარი ისტორიები". 1915 ავსტრია-უნგრეთის არმიაში გაიწვიეს. მალე რუსებს ჩაბარდა ტყვედ. 1916 შევიდა რუსეთში შექმნილ ჩეხ-სლოვაკთა სამხედრო ნაწილში. თანამრომლობდა გაზეთ "ჩეხოსლოვანში" (კიევი). ოქტომბრის რევოლუციის შემდეგ ჰაშეკი გადავიდა საბჭოთა ხელისუფლების მხარეზე, გახდა რკპ (ბ) წევრი და შევიდა წითელი არმიის რიგებში (1918). თანამშრომლობდა საფრონტო გაზეთებში.

რუსულად გამოაქვეყნა "ადმირალ კოლჩაკის არმია" და "ხუცეს მალიუტას დღიური" (ორივე 1919). 1920 წელს დაბრუნდა სამშობლოში. ჰაშეკის შემოქმედების მწვერვალია რომანი "ყოჩაღი ჯარის შვეიკი და მისი თავგადასავალი მსოფლიო ომის დროს" (1921-1923, დაუმთავრებელია). შვეიკი - "პატარა ადამიანი" გამოხატავს ხალხის პროტესტს ომის წინააღმდეგ.

ქ. ლიპნიცეში (ჩეხოსლოვაკია - ახლანდელი ჩეხეთი) 1959 გაიხსნა ჰაშეკის მუზეუმი.

ლიტერატურა[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. 1.0 1.1 data.bnf.fr შემოწმებული ოქტომბერი 10 2015:
  2. Гашек Ярослав // Гашек Ярослав // დიდი საბჭოთა ენციკლოპედია (1969–1978) — Т. 6 : Газлифт — Гоголево. შემოწმებული სექტემბერი 28 2015:
  3. Гашек Ярослав // დიდი საბჭოთა ენციკლოპედია (1969–1978) — Т. 6 : Газлифт — Гоголево. შემოწმებული სექტემბერი 27 2015: