იაკობ ბობოხიძე

იაკობ ბობოხიძე
დაბადების თარიღი	31 მაისი, 1931 ქუთაისი
გარდაცვალების თარიღი	17 ივლისი, 2007 (76 წლის)
მოქალაქეობა	სსრკ  საქართველო
საქმიანობა	კომპოზიტორი

იაკობ ბობოხიძე (დ. 31 მაისი, 1931, ქუთაისი — 17 ივლისი, 2007) — ქართველი კომპოზიტორი, საბჭოთა კავშირის კომპოზიტორთა კავშირის წევრი (1962). საქართველოს სსრ ხელოვნების დამსახურებული მოღვაწე (1967).

ბიოგრაფია

1957 წელს დაამთავრა ვანო სარაჯიშვილის სახელობის თბილისის სახელმწიფო კონსერვატორია (ალექსი მაჭავარიანის კლასი). 1956 წლიდან მუშაობდა საქართველოს ტელერადიო მაუწყებლობაში მთავარ ხმის რეჟისორად. 1972-1977 წლებში იყო სახელმწიფო ტელევიზიისა და რადიომაუწყებლობის ტელეფილმების სტუდიის მუსიკალური ხელმძღვანელი, 1977 წლიდან — კინოსტუდია „ქართული ფილმის“ მუსიკალური განყოფილების მთავარი რედაქტორი.

იაკობ ბობოხიძის შემოქმედების ძირითადი მიმართულებაა ვოკალურ–სიმფონიური და სასიმღერო ჟანრი. იგი ავტორია: კონცერტი საყვირისა და ორკესტრისათვის (1957), კონცერტინო ფლეიტა–პიკოლოსა და ორკესტრისათვის, საორკესტრო სიუიტა „ბურატინო"(ხუთ ნაწილად), „კანტატა თბილისზე“, კანტატა „დილა“ (საბავშვო გუნდისა და ორკესტრისათვის), ვოკალური ციკლი გუნდი-a cappella(1968, ა. კალანდაძის სიტყვებზე), კანტატა „მთაწმინდის მთვარე“ (1970, გ. ტაბიძის სიტყვებზე), მთელი რიგი საგუნდო და სოლო სიმღერები: „ფიფქები“, „სიმღერა საქართველოზე“, „ფშავური ბალადა“, ვოკალური ციკლი „შავლეგო“ (სამი ბალადა ბანისა და ორკესტრისათვის, მ. გელოვანის ტექსტზე), მუსიკა სპექტაკლებისა და ტელეფილმებისათვის, საბავშვო მუსიკა, საესტრადო სიმღერები; 1973 წელს მან დაასრულა საბავშვო ოპერა „ბურატინო“.

კომპოზიტორი აქტიურად მოღვაწეობდა თეატრსა და კინოში. მუსიკალურად აფორმებდა სპექტაკლებს და ქმნიდა მუსიკას კონოფილმებისათვის.

ჯილდოები და აღიარება

• 1967 — საქართველოს ხელოვნების დამსახურებული მოღვაწე
• 1982 — საქართველოს ლენინური კომკავშირის პრემია

ფილმოგრაფია

კომპოზიტორია ფილმების

1962 — ერთხელ 1967 — ვიღაცას ავტობუსზე აგვიანდება 1972 — გაზაფხულის საღამო 1973 — თუშეთის ფერები 1973 — ლია, პაპა და პატარა მედოლე 1973 — ლახტი 1973 — მოვდივართ და მოვიმღერით 1973 — წკიპურტები 1974 — წყარო გზის პირას 1975 — უცხო ფრინველი 1975 — სოლო სალამურისათვის 1975 — ბორანი 1975 — ერთი ნახვით შეყვარება 1975 — კოლხური ბალადა 1976 — ნატვრის ხე 1976 — ქართველები ნიდერლანდებში 1976 — ბავშვები 1978 — იტალიამდე არც ისე შორსაა 1978 — კუჩხი ბედინერი 1978 — კვალი ნათელი 1979 — ალპური ვარსკვლავი 1979 — ძახილი 1979 — მიზანი 1980 — წერილები ბამიდან 1980 — როგორ ვიცხოვრო უშენოდ 1980 — გამარჯობა ყველას (ფიროსმანი) 1981 — ძმა 1981 — წისქვილი ქალაქის გარეუბანში 1981 — დები წყვდიადში 1981 — აია კოლხეთი 1982 — ლომა, დავიწყებული მეგობარი 1982 — გზის დასაწყისი 1982 — მჭედელი

1982 — არაჩვეულებრივი რეისი 1982 — ანდერძი 1983 — წითელი ხაზი 1984 — ქართველები ცაში 1984 — ზოგი ჭირი მარგებელია 1985 — ბატონი ავანტიურისტები 1985 — კეთილი კაცი — „ობოლა“ (ერთხელ შაქრიანში) 1985 — შუაკაცი 1985 — კეთილი კაცი – „პატარა დეტექტივი" 1985 — დედუნა 1985 — წყარო 1987 — ხარება და გოგია 1987 — ფანარი ქარში 1987 — ლომა 1988 — უცხო 1988 — აღდგომის ბატკანი 1988 — გამოცხადება 1988 — წინამორბედი 1988 — წყრომა 1989 — ცოდვის შვილები 1989 — თეთრი დროშა 1990 — იქ-ჩემთან 1991 — მერცხლები და ბეღურები 1992 — მოკვეთილი 1992 — გზა თავისუფლებისკენ?.. 1993 — ბრავო, ჯორდანო ბრუნო! 1997 — სამოთხის გვრიტები 1997 — რწმენის აღორძინება 1998 — ჩემი ძვირფასი, სანატრელი ბაბუ 1998 — ლუკას სახარება 2001 — ცარიელი სივრცე 2008 — მაცხოვრის საფლავზე ანთებული სანთელი 2009 — რაც ყველაზე ძალიან გიყვარს 2

რესურსები ინტერნეტში

• იაკობ ბობოხიძე — საქართველოს ბიოგრაფიული ლექსიკონი
• იაკობ ბობოხიძე — ეროვნული ფილმოგრაფია
• იაკობ ბობოხიძე — კინოფილმების ინტერნეტ მონაცემთა ბაზა (ინგლისური)