თურქმენეთის საბჭოთა სოციალისტური რესპუბლიკა

თურქმენეთის სსრ თურქმ. Түркменистан ССР
←   ←   ← 27 ოქტომბერი 1924 — 25 დეკემბერი 1991 →
დროშა გერბი
ჰიმნი თურქმენეთის სსრ ჰიმნი
თურქმენეთის სსრ (წითლად) საბჭოთა კავშირის შემადგენლობაში
დედაქალაქი	აშხაბადი
ენა	თურქმენული, რუსული
რელიგია	ათეიზმი
ფართობი	488 100 კმ²
მოსახლეობა	3 522 700 (1989 წლისთვის)
მმართველობის ფორმა	სოციალისტური რესპუბლიკა

თურქმენეთის საბჭოთა სოციალისტური რესპუბლიკა, თურქმენეთის სსრ (თურქმ. Түркменистан Совет Социалистик Республикасы, Түркменистан ССР) — საბჭოთა კავშირის შემადგენლობაში შემავალი ერთ-ერთი სოციალისტური რესპუბლიკა. არსებობდა 1924-1991 წლებში. დედაქალაქი — აშხაბადი. მოსახლეობა 3, 522 მლნ ადამიანი (1989).

ისტორია

1921 წლის 7 აგვისტოს თურქესტანის ისტორიული რეგიონის ტერიტორიაზე რსფსრ-ის შემადგენლობაში შეიქმნა თურქესტანის ასსრ, რომლის შემადგენლობაში შეიქმნა თურქმენეთის ოლქი. 1924 წლის 27 ოქტომბერს ჩამოყალიბდა თურქმენეთის საბჭოთა სოციალისტური რესპუბლიკა, რომელიც პირდაპირ გახდა სსრკ-ის მოკავშირე რესპუბლიკა.

გეოგრაფია

მდებარეობდა შუა აზიის სამხრეთ-დასავლეთ ნაწილში. ესაზღვრებოდა ყაზახეთის სსრ, უზბეკეთის სსრ, ირანი და ავღანეთი. დასავლეთიდან ესაზღვრებოდა კასპიის ზღვა. ფართობი 488,1 ათ. კმ².

მმართველობა

თურქმენეთის სსრ-ს უმაღლეს ხელმძრვანელობას მისი არსებობის მანძილზე ახორციელებდა კომუნისტური პარტია სკკპ შემადგენლობაში. კომპარტიის უმაღლეს ორგანოს წარმოადგენდა ცენტრალური კომიტეტი, თურქმენეთის კომუნისტური პარტიის ცენტრალური კომიტეტის პირველი მდივანი იყო რესპუბლიკის ფაქტობრივი ხელმძღვანელი.

ადმინისტრაციული დაყოფა

1924 წლის 4 დეკემბერს თურქმენეთი დაიყო 5 ოკრუგად:

• კერკინის ოკრუგი;
• ლენინის ოკრუგი;
• მერვის ოკრუგი;
• პოლტორის ოკრუგი;
• თაშაუზის ოკრუგი.

1939 წლის 21 ნოემბერს თურქმენეთის სსრ დაიყო 5 ოლქად და 40 რაიონად, რომელშიც იყო 15 ქალაქი და 73 დაბა.

• აშხაბადის ოლქი;
• კრასნოვოდსკის ოლქი;
• მარის ოლქი;
• თაშაუზის ოლქი;
• ჩარჯოუს ოლქი.

რესურსები ინტერნეტში

• თურქმენეთის საბჭოთა სოციალისტური რესპუბლიკა – დიდი საბჭოთა ენციკლოპედია