უმა თურმანი

უმა თურმანი
უმა თურმანი 2011 წელს
დაბადების სახელი	უმა კარუნა თურმანი
დაბადების თარიღი	29 აპრილი, 1970 (1970-04-29) ბოსტონი
საქმიანობა	მსახიობი, მოდელი
აქტიური	1987-დღემდე
მეუღლე(ები)	გერი ოლდმენი (1990-1992) ითან ჰოუკი (1998-2005)

უმა კარუნა თურმანი (Uma Karuna Thurman; დ. 29 აპრილი, 1970) — ამერიკელი კინომსახიობი და ფოტომოდელი. დღემდე შესრულებული აქვს როლები სხვადასხვა ჟანრის ფილმებში, როგორც რომანტიკული კომედიებში, ასევე დრამატულ და სამეცნიერო-ფანტასტიკურ ფილმებსა და მძაფრსიუჟეტიან თრილერებში დამთავრებული. მის საუკეთესო ფილმებად ითვლება „სახიფათო კავშირები“ (1988), „მაკულატურა“ (1994), „გატაკა“ (1997) და ორი ფილმი სერიიდან „მოკალი ბილი“ (2003–04).

ბიოგრაფია

1980-იან წლებში პროფესიონალი მოდელის კარიერის შემდეგ 1988 წელს მსახიობობა დაიწყო. მის კარიერაში მნიშვნელოვანი იყო ბეატრიქს კიდოს როლი კვენტინ ტარანტინოს ფილმებში „მოკალი ბილი“. თურმანმა ამ ფილმში შეასრულა პატარძლის როლი, რომელიც შურს იძიებს მის ყოფილ შეყვარებულზე. ტარანტინომ ეს პერსონაჟი სპეციალურად თურმანისთვის შექმნა. ამ პერსონაჟის შექმნის იდეა ორთავეს ერთად მოუვიდათ „მაკულატურის“ გადაღების დროს. ფილმის გადაღება თურმანის ფეხმძიმობამ გაახანგრძლივა.გადაღება 9 თვეს გაგრძელდა და 5 ქვეყანაში მიმდინარეობდა. თურმანმა ამ როლისთვის შეისწავლა საბრძოლო ხელოვნება და იაპონური ენა. „მოკალი ბილი“ საკულტო კლასიკად იქცა, კრიტიკოსებმა ის დადებითად შეაფასეს, თურმანმა კი პატარძლის როლისთვის მიიღო ოქროს გლობუსისა და BAFTA-ს ნომინაციები.

ფილმოგრაფია

წელი		ქართულად	მშობლიური სახელწოდება	როლი
1988	ფ	ბარონ მიუნჰაუზენის თავგადასავალი	The Adventures of Baron Munchausen	ქალღმერთი ვენერა
1988	ფ	სახიფათო კავშირები	Dangerous Liaisons	სესილ დე ვოლანჟი
1994	ფ	მაკულატურა	Pulp Fiction	მია უოლასი
1997	ფ	გატაკა	Gattaca	ირენ კასინი
1999	ფ	ტკბილი და საძაგელი	Sweet and Lowdown	ბლანში
2003	ფ	მოკალი ბილი, ტომი 1	Kill Bill Volume 1	პატარძალი
2004	ფ	მოკალი ბილი, ტომი 2	Kill Bill Volume 2	ბეატრიქს კიდო
2013	ფ	ნიმფომანი	Nymphomaniac	მისის ჰ.

რესურსები ინტერნეტში

ვიკისაწყობში არის გვერდი თემაზე:

უმა თურმანი

• უმა თურმანი კინოფილმების ინტერნეტ-მონაცემთა ბაზაში