თომას საულიუს კონდროტასი

თომას საულიუს კონდროტასი
დაბადების თარიღი	30 იანვარი, 1953(1953-01-30) (71 წლის)
დაბადების ადგილი	კაუნასი
საქმიანობა	მწერალი
მოქალაქეობა	ლიტვა

თომას საულიუს კონდროტასი (დ. 30 იანვარი, 1953, კაუნასი) – ლიეტუველი მწერალი.

დაამთავრა ვილნიუსის სახელმწიფო უნივერსიტეტის ფსიქოლოგია-ფილოსოფიის ფაკულტეტი (1976 წ.). მუშაობდა ლიტვური ენციკლოპედიის რედაქციაში, შემდეგ სამხატვრო ინსტიტუტის ფილოსოფიის კათედრაზე. 1986 წლიდან ემიგრაციაშია. 2001–2004 წლებში ხელმძღვანელობდა რადიო თავისუფლების ლიტვურ განყოფილებას.

კონდროტასის პირველი მოთხრობები ლიტვურ ლიტერატურულ პრესაში 1969 წლიდან გამოჩნდა. 1977 წელს გამოიცა მისი პირველი კრებული „უსაზღვრო სამყარო“, რასაც მოჰყვა სხვადასხვა კრებულებიც. განსაკუთრებული ყურადღება დაიმსახურა მისმა რომანმა „გველის მზერამ“, რომელიც სხვადასხვა ენებზეა თარგმნილი. 2004 წლიდან ცხოვრობს ამერიკაში და მუშაობს როგორც დამოუკიდებელი ფოტოგრაფი.

რესურსები ინტერნეტში

• ბიოგრაფია