თემურ ყაზარაშვილი

თემურ ყაზარაშვილი

პირადი ინფორმაცია
დაბ. თარიღი	26 მაისი, 1959(1959-05-26) (64 წლის) ან 7 დეკემბერი, 1959(1959-12-07) (64 წლის)
სიმაღლე	160
წონა	48
ქვეყანა	სსრკ
ჯილდოები	სსრკ სპორტის დამსახურებული ოსტატი

თემურ ყაზარაშვილი (დ. 7 დეკემბერი, 1959, ახმეტა) — ქართველი და საბჭოთა სპორტსმენი, ბერძნულ-რომაული სტილით მოჭიდავე. საბჭოთა კავშირის სპორტის დამსახურებული ოსტატი (1982).

ბიოგრაფია

დაიბადა სოფელ მატანში, ახმეტის რაიონში. 1981 წელს დაამთავრა საქართველოს ფიზკულტურის ინსტიტუტი და 1987 წელს თბილისის სახელმწიფო უნივერსიტეტის ეკონომიკის ფაკულტეტი. მსოფლიოს თასის მფლობელი (1980) და მსოფლიო უნივერსიადის ჩემპიონი (1981). საბჭოთა კავშირის ჩემპიონი (1982, 1984) და მესამე პრიზიორი (1981, 1983). საბჭოთა კავშირის თასის მფლობელი (1984) და საბჭოთა კავშირის ხალხთა VIII სპარტაკიადის მეორე პრიზიორი (1983). ბულგარეთის (1983, 1985) და ივან პოდდუბნის სახელობის საერთაშორისო ტურნირში (1980, 1982, 1985) გამარჯვებული. საქართველოს დამსახურებული მწვრთნელი. საერთაშორისო კატეგორიის ექსტრა კლასის არბიტრი, საქართველოს ჭიდაობის ეროვნული ფედერაციის ვიცე-პრეზიდენტი (1994-იდან) და ღირსების ორდენის კავალერი.

წელი	ტურნირი	მასპინძელი	წონითი კატეგორია	ადგილი
1982	მსოფლიო ჩემპიონატი	პოლონეთი, კატოვიცე	48 კგ	01 
1983	მსოფლიო ჩემპიონატი	სსრ კავშირი, კიევი	48 კგ	03 
1985	ევროპის ჩემპიონატი	გდრ, ლაიფციგი	48 კგ	03 

რესურსები ინტერნეტში

• თემურ ყაზარაშვილი — ქართული სპორტი
• თემურ ყაზარიშვილი — საქართველოს ბიოგრაფიული ლექსიკონი