თეიმურაზ აბაშიძე

თეიმურაზ გიორგის ძე აბაშიძე (დ. 30 აგვისტო, 1937, თბილისი) — ქართველი რეჟისორი. აჭარის (1969), და საქართველოს (1982) ხელოვნების დამსახურებული მოღვაწე.

ბიოგრაფია

დაამთავრა თვილისის კონსერვატორია. 1961 წელს დაამთავრა საქართველოს შოთა რუსთაველის სახელობის თეატრალური ინსტიტუტის სარეჟისორო ფაკულტეტი. მთავარ რეჟისორად მუშაობდა ბათუმში (1965-1969), თბილისის მოზარდ-მაყურებელთა რუსული (1969-1971, 1979-1983) და თბილისის მუსკომედიის (1971-1975, 1983-1985) თეატრებში. რეჟისორად თბილისის ოპერისა და ბალეტის თეატრში (1967-1979). 1985 წლიდან მარჯანისვიულის სახელობის თეატრის რეჟისორია. 1970 წლიდან პედაგოგიურ მოღვაწეობას ეწეოდა საქართველოს რუსთაველის სახელობის თეატრისა და კინოხელოვნების ინსტიტუტში.

მისი დადგმებიდან აღსანიშნავია:

• გ. სუნდუკიანის — „პეპო“;
• დ. კლდიაშვილის — „ირინეს ბედნიერება“;
• ნ. დუმბაძის — „მე ვხედავ მზეს“;
• ს. მარშაკის — „კარუსელი“;
• ს. ცინცაძის — „სიმღერა ტყეში“;
• გ. მილიუტინის — „ჩანიტას კოცნა“;
• ნ. გაბუნიას — „ყვარყვარე თუთაბერი“;
• ჯ. ვერდის — „რიგოლეტო“;
• ს. როსინის — „სევილიელი დალაქი“.

ლიტერატურა

• შ. ცუცქირიძე, ენციკლოპედია „საქართველო“, ტ. 1, თბ., 1997. — გვ. 22.