თედო ისაკაძე

მასალა ვიკიპედიიდან — თავისუფალი ენციკლოპედია
Jump to navigation Jump to search
თედო ისაკაძე
Tedo Isakadze.jpg
დაბ. თარიღი 27 ივნისი, 1966 (1966-06-27) (53 წლის)
დაბ. ადგილი თბილისი, საქართველოს სსრ
მოქალაქეობა საბჭოთა კავშირის დროშა სსრკ
საქართველოს დროშა საქართველო
განათლება ფილოლოგი
ეროვნება ქართველი
საქმიანობა
  • ფილოლოგი
  • პოლიტიკოსი
  • ბიზნესმენი
შვილები 2

თედო ისაკაძე (დ. 27 ივნისი, 1966, თბილისი, საქართველოს სსრ) — ქართველი ფილოლოგი, საზოგადო და პოლიტიკური მოღვაწე, ბიზნესმენი, საქართველოს სახელმწიფო მინისტრის მოადგილე 1999—2002 წლებში.

ბიოგრაფია[რედაქტირება | წყაროს რედაქტირება]

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1989 წელს. 1986 წლიდან, სტუდენტობის პერიოდში ეწეოდა ანტისაბჭოთა პროპაგანდას და საქმიანობას. 1987 წელს ანტისაბჭოთა სტუდენტური მოძრაობის და პირველი სტუდენტური დისიდენტური არაფორმალური ორგანიზაციის „თსუ სტუდენტური პრეს-კლუბის“ დამფუძნებელი და აქტივისტი. 1988 წლიდან თანამოაზრეებთან ერთად თბილისის სახელმწიფო უნივერსიტეტის გაზეთის ბაზაზე იწყებს „სტუდენტური ფურცლის“ გამოცემას, რომელიც „პერესტროიკის„ შემდგომ პოსტსაბჭოთა სივრცეში ნახევრადლეგალური ფორმით ბეჭდავს ანტიკომუნისტურ და ანტისაბჭოთა შინაარსის სტატიებს[საჭიროებს წყაროს მითითებას]. 1989 წლიდან თბილისის სახელმწიფო უნივერსიტეტის „ქართული ქრისტიანული კულტურის სამეცნიერო ლაბორატორიის“ თანამშრომელი აქვეყნებს სტატიებს ლიტერატურათმცოდნეობის, პოლიტოლოგიის, ხელოვნებათმცოდნეობის დარგებში. 1990 წლიდან პარალელურად ეწევა ბიზნეს საქმიანობას. 1993 წლიდან გამოსცემს საქართველოს პირველ დამოუკიდებელ ყოველდღიურ გაზეთს „ივერია ექსპრესს“. იმავე წელს თანამოაზრეებთან ერთად აფუძნებს მოძრაობას „პოლიტიკური კლუბი“.

1992—1995 წლებში საქართველოს ახალგაზრდობის საქმეთა სახელმწიფო დეპარტამენტის თავმჯდომარე. 1995—1999 წლებში საქართველოს პრეზიდენტის სახელმწიფო რწმუნებული რაჭა-ლეჩხუმისა და ქვემო სვანეთის მხარეში (გუბერნატორი). 1999—2002 წლებში საქართველოს სახელმწიფო მინისტრის მოადგილე (ვიცე-პრემიერ მინისტრი). 2003 წლიდან აგრძელებს ბიზნეს საქმიანობას, არის დამფუძნებელი და სამეთვალყურეო საბჭოს თავმჯდომარე კომპანიების, „მისტერ გრინი“ (HoReCa, კეტერინგა), „ინტერკატალოგი“ (გამომცემლობა). 2011 წლიდან კომპანიების „ისტერნ ენტერფრაიზ გრუპი“-სა და „კინგ ენტერფრაისის ჯის“ პრეზიდენტი.

ჰყავს მეუღლე და ორი შვილი.

ლიტერატურა[რედაქტირება | წყაროს რედაქტირება]

  • ვინ ვინაა საქართველოში: ქართული ბიოგრაფიული ცნობარითბ., —1996-97. — გვ. 98

რესურსები ინტერნეტში[რედაქტირება | წყაროს რედაქტირება]