ვიდეო თამაშების პროგრამისტი
| სერიიდან: |
| ვიდეო თამაშების ინდუსტრია |
|---|
 |
|
თემები
|
|
დაკავშირებული
|
ვიდეო თამაშების პროგრამისტი — პროგრამული უზრუნველყოფის ინჟინერი, პროგრამისტი ან კომპიუტერული მეცნიერების სპეციალისტი, რომელიც ძირითადად ვიდეო თამაშების კოდის ბაზებს ან მასთან დაკავშირებულ პროგრამულ უზრუნველყოფას, მაგალითად, თამაშების შემუშავების ხელსაწყოებს ქმნის. თამაშების პროგრამირება ბევრ სპეციალიზებულ დისციპლინას მოიცავს, რომლებიც გაერთიანებულია ზოგადი ტერმინის — „თამაშების პროგრამისტის“ ქვეშ.[1][2] თამაშების პროგრამისტი არ უნდა აგვერიოს ვიდეო თამაშების დიზაინერში, რომელიც უშუალოდ თამაშის დიზაინზე (წესებზე, კონცეფციასა და მექანიკაზე) მუშაობს.[3]
ვიდეო თამაშების განვითარების ადრეულ ეტაპზე, 1970-იანი წლებიდან 1980-იანი წლების შუა პერიოდამდე, ერთი პროგრამისტი ხშირად სამივე როლს ითავსებდა — ის თავად იყო პროგრამისტიც, დიზაინერიც და მხატვარიც. ეს იმიტომ ხდებოდა, რომ მაშინდელი კომპიუტერები არ იყო საკმარისად მძლავრი და თითოეული ფუნქციისთვის ცალკე სპეციალისტის ყოლას არ საჭიროებდა. თამაშის იდეებიც მარტივი იყო და მხოლოდ რამდენიმე წუთიანი გართობისთვის იქმნებოდა, რადგან გრაფიკულ შინაარსსა და გეიმპლეის მრავალფეროვნება ტექნიკურად შეზღუდული იყო.
მოგვიანებით, როდესაც სათამაშო ავტომატებისა და სახლის კონსოლების აპარატურა გაძლიერდა, დეველოპერებმა შეძლეს უფრო ღრმა სიუჟეტების, მაღალი რეზოლუციის ფერადი გრაფიკის, ფიზიკის, მოწინავე ხელოვნური ინტელექტისა და ციფრული ხმის დანერგვა. ტექნოლოგია იმდენად განვითარდა, რომ თანამედროვე თამაშები უკვე 3D გრაფიკითა და „full motion video“-ით გამოირჩევა, რომლებსაც პროფესიონალი მხატვრები ქმნიან.
თამაშების კომპლექსურობის ზრდამ ხელი შეუწყო შრომის დანაწილებას. თავდაპირველად მხატვრული მხარე გამოეყო ცალკე პროფესიად, შემდეგ კი პროგრამირება და გეიმდიზაინიც დამოუკიდებელ დისციპლინებად ჩამოყალიბდა. დღეს, „Bejeweled“-ის მსგავსი თავსატეხები იმ იშვიათ გამონაკლისებს შორისაა, რომელთა პროგრამული უზრუნველყოფის შექმნაც მხოლოდ ერთ ადამიანს შეუძლია.
რესურსები ინტერნეტში
[რედაქტირება | წყაროს რედაქტირება]- Game industry veteran Tom Sloper's advice on game programming — Sloperama
- პროგრამისტი — Eurocom (დაარქივებული)
სქოლიო
[რედაქტირება | წყაროს რედაქტირება]- ↑ Bates, Bob (2004). Game Design (2nd ed.). Thomson Course Technology. ISBN 1-59200-493-8.
- ↑ Moore, Michael E.; Novak, Jeannie (2010). Game Industry Career Guide. Delmar: Cengage Learning. ISBN 978-1-4283-7647-2.
- ↑ Evans, Richard (2002). Rabin, Steve (ed.). AI Game Programming Wisdom. Charles River Media. ISBN 1-58450-077-8.