თავის ტვინის აბსცესი
სტატიის შეუმოწმებელი ვერსია
თავის ტვინის აბსცესი — თავის ტვინის ინფექციის გართულების შედეგად წარმოქმნილი ანთებითი უჯრედების, მკვდარი უჯრედებისა და პათოგენური ორგანიზმების გროვა, გარშემორტყმული მემბრანით. კლინიკური გამოვლინებები მოიცავს მომატებული ქალასშიგა წნევის სიმპტომებსა (თავის ტკივილი, გულყრა, ღებინება, ცნობიერების დათრგუნვა) და ფოკალურ ნევროლოგიურ დეფიციტებს, გამომდინარე აბსცესის მდებარეობიდან. რადიოლოგიურ კვლევებზე (კომპიუტერული ტომოგრაფია, მაგნიტურ-რეზონანსული გამოსახულება T1 რეჟიმში, კონტრასტით) ახასიათებს ცენტრალურად ბნელი (ჰიპოდენსური/ჰიპოინტენსიური) შეფერილობა და პერიფერიულად კონტრასტის ჩართვა (ნათელი შეფერილობა).