თავისუფალი აზრის უნივერსიტეტი
 | |
| დაფუძნდა | 2009 |
|---|---|
| ტიპი | აკადემიური საგანმანათლებლო დაწესებულება |
| ქვეყანა | აზერბაიჯანი |
| http://www.azadfikir.org/ | |
თავისუფალი აზრის უნივერსიტეტი (აზერ. Azad Fikir Universiti, AFU) — OL! Movement-ის მიერ 2009 წელს აზერბაიჯანის დედაქალაქ ბაქოში დაარსებული სასწავლებელი. თავისუფალი აზრის უნივერსიტეტი წარმოადგენს ალტერნატიულ საგანმანათლებლო პროექტს, რომლის პლატფორმა ყოველკვირეული ინტერაქციული ლექციებისა და თავისუფალი დებატების მეშვეობით აზერბაიჯანელი ახალგაზრდების ადამიანის უფლებათა და დემოკრატიულ ღირებულებათა შესახებ განათლებას ისახავს მიზნად. უნივერსიტეტს მხარს უჭერს აშშ-ისა და გაერთიანებული სამეფოს საელჩოები ბაქოში, აშშ-ის საერთაშორისო განვითარების სააგენტო, დემოკრატიის ეროვნული ფონდი, ანალიტიკური ინსტიტუტი აშშ-ის მარშლის ფონდი და სხვა დასავლური ორგანიზაციები.[1][2][3][4]
ლექციები[რედაქტირება | წყაროს რედაქტირება]
თავისუფალი აზრის უნივერსიტეტში ლექციები კვირაში ორჯერ ტარდება. 2013 წლისთვის აზერბაიჯანის თავისუფალი აზრის უნივერსიტეტს 300 მეტი ღონისძიება ჰქონდა ორგანიზებული, რომლებშიც 4000-ზე მეტი ახალგაზრდა იყო ჩართული.[2] პროექტებში სპიკერად მოწვეული იყო 80-ზე მეტი საჯარო მოხელე და ექსპერტი, მათ შორის ერქინ გადირლი, ჰიქმათ ჰაჯიზადე, თომას დე ვაალი, ჯამილ ჰასანლი, ილგარ მამედოვი, ელდარ ნამავოზი, რაფიგ ალიევი, ალთაი გოიუშოვი, მათეუ ბრუსა, ლეილა ალიევა, ხადიჯა ისმაილოვა, გუბად იბადოღლუ, რაჰმან ბადალოვი, რასიმ მუსაბეიოვი, საბით ბაღიროვი, ემინ მილი, ალი აქბრი და ბახთიარ ჰაჯიევი. იმ ადამიანთათვის, რომლებიც ღონისძიებებს ვერ ესწრებიან, თავისუფალი აზრის უნივერსიტეტის ოფიციალურ ვებ-საიტზე ლექციის ამსახველი ვიდეოები თავსდება. თავისუფალი აზრის უნივერსიტეტის ვებ-საიტი ვირტუალური უნივერსიტეტია 130 ვიდეო-ლექციით, რომლებიც სხვადასხვა სფეროს ექსპერტთა მოსაზრებებს ასახავს.[5][6] \
ჯილდოები[რედაქტირება | წყაროს რედაქტირება]
თავისუფალი აზრის უნივერსიტეტი იყო პირველი უნივერსიტეტი, რომელიც ევროპის უშიშროებისა და თანამშრომლობის ორგანიზაციის აშშ-ის მისიის მიერ ყაზახეთში, ნურ-სულთანში გამართულ სამიტზე გამოხატვის თავისუფლების ელჩის ჯილდოთი დაჯილდოვდა. ახალი მედიის დემოკრატიული რეფორმების, სამოქალაქო საზოგადოების, დამოუკიდებელი მედიის, ადამიანის უფლებათა დაცვისა და კანონის უზენაესობის დასამკვიდრებლად ინოვაციური გამოყენების გამო უნივერსიტეტს არაერთი ჯილდო გადაეცა. 2011 წელს თავისუფალი აზრის უნივერსიტეტის ვებ-საიტს მილი ნეტის ეროვნული ჯილდო გადაეცა.[7][8]
დახურა და ხელახლა გახნა[რედაქტირება | წყაროს რედაქტირება]
2013 წლის 10 აპრილს გენერალური პროკურორის ოფისის გადაწყვეტილებით უნივერსიტეტის ოფისები დაიხურა. მომდევნო დღეს, გენერალური პროკურორის ოფისის თქმით, oL! Movement-ს სახელმწიფო რეგისტრაცია არ გაუვლია და შესაბამისი სამთავრობო სააგენტოებისთვის სათანადო მოხსენებებიც არ წარუდგენიათ. 2013 წლის 11 აპრილს აშშ-ის ელჩმა, რიჩარდ მორნინგსტარმა თავისუფალი აზრის უნივერსიტეტს მხარი დაუჭირა და აღნიშნა, რომ უნივერსიტეტი დისკუსიებში თავისუფლად ჩართვის შესაძლებლობას იძლევა. [9]
უნივერსიტეტის დახურვის შემდეგ თავისუფალი აზრის უნივერსიტეტს მხარდაჭერა გამოუცხადეს სოციალურ მედიაში: აზერბაიჯანელი ახალგაზრდები ფოტოებს, ვიდეოებსა და სხვა მასალებს აქვეყნებდნენ იმასთან დაკავშირებით, თუ რამდენად მნიშვნელოვანი იყო პროექტი მათ ცხოვრებაში.[10] 29 აპრილს გენერალური პროკურორის ოფისმა თავისუფალი აზრის უნივერსიტეტი ხელახლა გახსნა.[11]
იხილეთ არეთვე[რედაქტირება | წყაროს რედაქტირება]
სქოლიო[რედაქტირება | წყაროს რედაქტირება]
- ↑ Radio Free Europe/Radio Liberty (April 11, 2013). "Azerbaijan Closes University Promoting Democracy"
- ↑ 2.0 2.1 The Central Asia-Caucasus Analyst (April 24, 2013). "Azerbaijani Authorities Close Opposition University"
- ↑ The German Marshall Fund of the United States. "Success Stories" დაარქივებული 2013-10-10 საიტზე Wayback Machine.
- ↑ National Endowment for Democracy (November 19, 2010). "Azerbaijan: Being More Than a Number"
- ↑ sOcialSCapE (July, 2013). "Civil society: Teaching democracy online and off" დაარქივებული 2016-03-04 საიტზე Wayback Machine.
- ↑ azadfikir.org. Free Thought University Video Lectures
- ↑ "Winners of National Internet Award Millinet-2011 published". დაარქივებულია ორიგინალიდან — 2012-12-21. ციტირების თარიღი: 2019-11-03.
- ↑ U.S. Mission to the OSCE (April 18, 2013). "Closure of the Free Thought University Facility in Azerbaijan"
- ↑ Embassy of the United States of America Baku. Press Release (April 12, 2013). "Ambassador Morningstar Speaks to Free Thought University" დაარქივებული 2019-11-03 საიტზე Wayback Machine.
- ↑ Azerbaijan TL;DR (May 1, 2013). "Free Thought University’s Door Sealed" დაარქივებული 2017-09-05 საიტზე Wayback Machine.
- ↑ Contact.az (April 30, 2013). "Authorities Evicted University of Free Thought" დაარქივებული 2016-03-04 საიტზე Wayback Machine.