ზურაბ იონანიძე

ზურაბ იონანიძე

პირადი მონაცემები
სრული სახელი	ზურაბ იონანიძე
დაბადების თარიღი	2 დეკემბერი, 1971 (1971-12-02)
დაბადების ადგილი	ქუთაისი, საქართველოს სსრ
სიმაღლე	182 სმ
სათამაშო პოზიცია	თავდამსხმელი
ახალგაზრდული კარიერა
1989–1990	სამგურალი წყალტუბო
პროფესიონალური კარიერა*
წლები	გუნდი	მატჩი	(გოლი)
1990–1992	სამგურალი	67	(15)
1992–1993	ტორპედო	29	(14)
1993–1996	სამტრედია	71	(49)
1996–1997	ჟემჩუჟინა სოჭი	24	(7)
1997	ლოკომოტივი ნ.	7	(1)
1997–2003	ტორპედო	142	(90)
2003–2005	ტავრია	18	(5)
2005–2010	ზესტაფონი	112	(48)
ეროვნული ნაკრები
1996–2006	საქართველო	4	(1)
სამწვრთნელო კარიერა
2014	მერანი მარტვილი
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება

ზურაბ იონანიძე (დ. 2 დეკემბერი, 1971, ქუთაისი, საქართველოს სსრ) — ქართველი ფეხბურთელი და ფეხბურთის მწვრთნელი, თამაშობდა თავდამსხმელის პოზიციაზე.

კარიერა

საკლუბო

ქუთაისის „ტორპედოს“ რიგებში სამჯერ გახდა საქართველოს ჩემპიონი (1999–2000, 2000–01, 2001–02). ორჯერ მოიგო ბომბარდირთა დავა (1999–2000, 2002–03). 2000, 2003 და 2006 წლებში დასახელდა ეროვნული ჩემპიონატის საუკეთესო ფეხბურთელად.

2009 წელს იონანიძე გახდა უმაღლესი ლიგის საუკეთესო ბომბარდირი ისტორიის მანძილზე (216 გოლი) და ერთადერთი მოთამაშე, რომელმაც მიითვალა 200 გოლი ეროვნულ ჩემპიონატში.

სანაკრებო

საქართველოს ეროვნულ ნაკრებში პირველად 1996 წლის 24 აპრილს, საერთაშორისო ამხანაგურ შეხვედრაში, რუმინეთის ეროვნული ნაკრების წინააღმდეგ ითამაშა, როდესაც მატჩის 63-ე წუთზე კახი გოგიჩაიშვილი შეცვალა. მატჩი ბუქარესტში გაიმართა და მასპინძელთა გამარჯვებით 5–0 დამთავრდა.

თავისი ერთადერთი სანაკრებო გოლი კი 2001 წლის 9 მაისს, აზერბაიჯანის ეროვნული ნაკრებითან გამართულ ამხანაგურ შეხვედრაში გაიტანა. მატჩი ქუთაისში გაიმართა და მასპინძელთა გამარჯვებით 1–0 დამთავრდა.

სამწვრთნელო

2014 წელს წვრთნიდა მარტვილის „მერანს“. 2016 წლიდან მუშაობდა ქუთაისის „ტორპედოს“ ახალგაზრდული გუნდის მწვრთნელად.

სანაკრებო სტატისტიკა

ეროვნული ნაკრები	წელი	მატჩი	გოლი
საქართველო	1996	1	0
	2000	1	0
	2001	1	1
	2006	1	0
ჯამში		4	1

სანაკრებო მატჩები და გოლები

№	თარიღი	შეხვედრის ადგილი	მასპინძელი	ანგ.	სტუმარი	შეჯიბრება	გოლები	შენიშვნა	წყარო
1	24.04.1996	ბუქარესტი	რუმინეთი	5–0	საქართველო	ამხანაგური		63'
2	26.04.2000	ერევანი	სომხეთი	0–0	საქართველო	ამხანაგური
3	09.05.2001	ქუთაისი	საქართველო	1–0	აზერბაიჯანი	ამხანაგური	62'
4	27.05.2006	ალტენკირხენი	საქართველო	1–3	ახალი ზელანდია	ამხანაგური		66'

მიღწევები

საკლუბო

ტორპედო ქუთაისი

• ეროვნული ლიგა: 1999–2000, 2000–01, 2001–02

ზესტაფონი

• საქართველოს თასის მფლობელი: 2007–08
• საქართველოს თასის ფინალისტი: 2004–05, 2005–06, 2006–07
• საქართველოს სუპერთასის ფინალისტი: 2008

ინდივიდუალური

• ეროვნული ლიგის საუკეთესო ბომბარდირი: 2000, 2003
• ეროვნული ჩემპიონატის საუკეთესო ფეხბურთელი: 2000, 2003, 2006

ფაქტები

შოთა არველაძესთან ერთად შესულია საქართველოს ეროვნული ლიგის ყველა დროის საუკეთესო ბომბარდირთა სიაში.

ზურაბ იონანიძე ერთადერთი ფეხბურთელია საქართველოს ჩემპიონატში, რომელმაც 200-გოლიან ნიშნულს გადააბიჯა.

2020 წელს ქუთაისის „ტორპედოს“ გულშემატკივართა ვებ-გვერდზე, „ჩვენ ვართ ტორპედო“-ს მიერ ჩატარებულ გამოკითხვაში უმრავლესობის მხარდაჭერა მოიპოვა და ქუთაისის „ტორპედოს“ დამოუკიდებლობის პერიოდის საუკეთესო მოთამაშედ ზურაბ იონანიძე აღიარეს.