ზვიად ავალიანი

ზვიად ავალიანი
დაბადების თარიღი	5 დეკემბერი, 1983 (1983-12-05) თბილისი, საქართველო
ეროვნება	ქართველი
მოქალაქეობა	საქართველო
განათლება	თსუ, პოლიტიკურ მეცნიერებათა მაგისტრი
პროფესია	ტელეწამყვანი
საქმიანობა	ჟურნალისტი და სატელევიზიო სახე

ზვიად ავალიანი (დ. 5 დეკემბერი, 1983, თბილისი) — ქართველი ქართველი პოლიტოლოგი, ჟურნალისტი, მედია-მენეჯერი, დოკუმენტალისტი, ტელეწამყვანი.

ბიოგრაფია

2001-2006 წლებში სწავლობდა ივანე ჯავახიშვილის სახელობის თბილისის სახელმწიფო უნივერსიტეტში. 2007 წლიდან ეწევა ჟურნალისტურ, საზოგადოებრივ და კვლევით საქმიანობას. 2011-2012 წლებში იყო გაზეთ “საქართველოს რესპუბლიკის” პოლიტიკური მიმომხილველი; 2012-2013 წლებში ანალიტიკური მედია-პლატფორმის european.ge ავტორი და რედაქტორი. ამავე პერიოდში ტელეკომპანია „ობიექტივის“ ეთერში მიჰყავდა საავტორო გადაცემა „ისტორიული პროცესი“.

2013-2018 წლებში საქართველოს საზოგადოებრივი მაუწყებლის წამყვანი („არგუმენტების დრო“; „თვითმმართველობა 2017“) და ანალიტიკოსი. 2019 წლიდან — კომუნიკაციების კომისიის მედია-აკადემიის მედიაკრიტიკის პლატფორმის ავტორი. 2020-2022 წლებში მედიაკრიტიკის მიმართულების ხელმძღვანელი.

2022 წელს მუშაობდა საქართველოს პარლამენტის ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის აპარატში მოწვეული სპეციალისტის სტატუსით. 2022 წლის სექტემბრიდან ტელეკომპანია POSTV წამყვანი (პოსტ-ანალიტიკა) და ანალიტიკოსი. გამოქვეყნებული აქვს ასზე მეტი სტატია. არის რამდენიმე კვლევისა და წიგნის ავტორი/თანაავტორი. სხვადასხვა არხზე გადაღებული აქვს შემეცნებითი და ისტორიული დოკუმენტური ფილმები.

ნაშრომები

• Short History of Georgian Industry (თანაავტორი), (წიგნი -კატალოგი. 2018)
• ქართული მას-მედია და რუსეთ-უკრაინის ომი. გამოწვევები და რეკომენდაციები (ავტორი), (პოლიტიკის დოკუმენტი. 2022)

სტატიები

• „რატომ არ უნდა გახდეს საქართველო სინგაპური?“
• „იყო თუ არა მეორე მსოფლიო ომი "სხვისი ომი" ? ანუ საიდან იღებს სათავეს ვეტერანების პრობლემა“

გალერეა

• 
• 

რესურსები ინტერნეტში

• თოქ-შოუ „არგუმენტების დრო“ დაარქივებული 2013-08-08 საიტზე Wayback Machine. , საზოგადოებრივი მაუწყებლის „მეორე არხის“ საიტი.