ზედა ვანი

ზედა ვანი
სოფელი
	ზედა ვანი;
ქვეყანა	საქართველო
მხარე	იმერეთის მხარე
მუნიციპალიტეტი	ვანის მუნიციპალიტეტი
თემი	ზედა ვანი
კოორდინატები	42°04′06″ ჩ. გ. 42°30′59″ ა. გ. / 42.06833° ჩ. გ. 42.51639° ა. გ.
ცენტრის სიმაღლე	160 მ
ოფიციალური ენა	ქართული ენა
მოსახლეობა	910 კაცი (2014)
ეროვნული შემადგენლობა	ქართველები 99,7 %
სასაათო სარტყელი	UTC+4
სატელეფონო კოდი	+995
	ზედა ვანი ვიკისაწყობში

ზედა ვანი — სოფელი საქართველოში, ვანის მუნიციპალიტეტში, ზედა ვანის ადმინისტრაციული ერთეულის (სოფლები: ზედა ვანი, ტყელვანი) ცენტრი (იმერეთის მხარე).

მდებარეობს იმერეთის დაბლობზე, მდინარე ჭიშურის (რიონის აუზი) ორივე ნაპირზე, ზღვის დონიდან 100 მ-ზე, ვანიდან 2 კმ-ის დაშორებით. სოფელში დგას XII–XIII საუკუნეების ხუროთმოძღვრების ძეგლი — ზედა ვანის მთავარანგელოზის ეკლესია.

დემოგრაფია

2014 წლის აღწერის მონაცემებით სოფელში ცხოვრობს 910 ადამიანი.

აღწერის წელი	მოსახლეობა	კაცი	ქალი
2002^[2]	658	318	340
2014^[1]	910	462	448

ზედა ვანის ეკლესია

მთავარი სტატია: ზედა ვანის მთავარანგელოზის ეკლესია.

სოფელში დგას XII-XIII საუკუნეების მთავარანგელოზის ეკლესია და სამრეკლო. კარგად გათლილ, ქვით ნაგებ ეკლესიას ჩრდილოეთით და სამხრეთით ნართექსები აქვს, დასავლეთ - ეგვტერი, კარისა და ფანჯრის საპირეები მოჩუქურთმებულია. ეგვტერისა და ნართექსების კედლებზე შემორჩენილია მხატვრობის ფრაგმენტები. პირველი ფენა XII-XIII საუკუნეებს მიეკუთვნება, მეორე - XVII საუკუნის უგვიანესი არ უნდა იყოს. ქვის ფილების (ლორფინების) სახურავი ჩამოქცეულია. ქვით ნაგები ექვსწახნაგა სამრეკლო XIX ს. მიეკუთვნება. I სართული გადახურულია შეკრული კამარით, II სართული გახსნილია, III სართული კი თაღებით დაკავშირებული სვეტებისაგან შედგება და კონუსისებრი სახურავი აქვს.

სოფლის ტერიტორიაზე შემორჩენილია შუასაუკუნეების ციხის ნანგრევები, მთავარანგელოზის ეკლესიიდან ორ კილომეტრში. „ნაციხვარიდან“ ჩრდილოეთით ნახევარი კილომეტრის დაშორებით, შემორჩენილია ეკლესიის ნანგრევები, რომელთაც „კელენჯვარს“ ან სოსელიების ეკლესიას უწოდებენ.^[3]