ზალმან შაზარი

ზალმან შაზარი
ისრაელის პრეზიდენტი
თანამდებობაზე ყოფნის დრო
21 მაისი 1963 – 24 მაისი 1973
წინამორბედი	იცხაკ ბენ-ცვი
მემკვიდრე	ეფრაიმ კაცირი
დაბადებული	24 ნოემბერი 1889 მირი რუსეთის იმპერია ბელარუსი

ზალმან შაზარი (ებრ. זלמן שז"ר, დაბადებით ზალმან ლვოვის-ძე რუბაშოვი) — ებრაელიმწერალი, პოეტი, პოლიტიკოსი. ისრაელის მესამე პრეზიდენტი 1963-1973 წლებში.

ბიოგრაფია

შაზარმა მიიღო რელიგიური განათლება და ჯერ კიდევ ახალგაზრდა გაწევრიანდა ებრაელთა სოციალ-დემოკრატიულ მუშათა პარტიაში „პოალეი ციონში“, რომელიც მოქმედებდა რუსეთის იმპერიის ტერიტორიაზე 1900-1928 წლებში. 1907 წელს გაემგზავრა ვილნიუსში. ამავე წლის ზაფხულში დააპატიმრეს და ორი თვის განმავლობაში ციხის კედლებში ჰყავდათ გამოკეტილი.

• 1911 წელს შაზარი უკვე ერეც-ისრაელში ცხოვრობს და მუშაობს კიბუც მერხავიაში.
• 1912 წელს სასწავლებლად გაემგზავრა გერმანიაში. სწავლობდა ფრაიბურგის, სტრასბურგისა და შემდეგ ბერლინის უნივერსიტეტებში და აქტიურად მოღვაწეობდა გერმანიის სიონისტურ მოძრაობაში
• 1919 და 1921 წლებში იგი იყო პოალეი ციონის ყრილობის წარმომადგენელი შესაბამისად სტოკჰოლმში და ვენაში.
• 1951 წელს პარტია „ავოდას“ რიგებიდან აირჩიეს პირველი მოწვევის ქნესეთში. დეპუტატის მანდატი შეინარჩუნა ასევე მეორე და მესამე მოწვევის პარლამენტშიც.
• 1949-1951 წლებში დავიდ ბენ-გურიონის მთავრობაში ეკავა განათლებისა და კულტურის მინისტრის პოსტი.
• 1952 წელს ბენ-გურიონმა დანიშნა ისრაელის ელჩად სსრკ-ში, თუმცა სსრკ-ს მთავრობამ უარი თქვა მის ელჩად მიღებაზე.
• 1963 წელს იცხაკ ბენ-ცვის გარდაცვალების შემდეგ აირჩიეს ისრაელის პრეზიდენტის პოსტზე.

ზალმან შაზარის პატივსაცემად მისი სახელი ჰქვია ისრაელის მრავალ ქუჩას და ბულვარს. 1994 და 1998 წელს გამოუშვეს 200 ახალი შეკელის ღირებულების კუპიურა, რომლის ავერსზეც გამოსახულია ზალმან შაზარი.

რესურსები ინტერნეტში

• The Zalman Shazar Center დაარქივებული 2008-09-08 საიტზე Wayback Machine.
• Office of Zalman Shazar (S61).

წინამორბედი: იცხაკ ბენ-ცვი

ისრაელის პრეზიდენტი 1963 – 1973

შემდეგი: ეფრაიმ კაცირი