ვორონოვის თეთრყვავილა (ლათ.Galanthus woronowii) — ბოლქვიანიმცენარეამარილისისებრთაოჯახისა. აქვს პრიალა და მუქი მწვანე, ფორმით ფართოლანცეტა ფოთლები წვეტზე ჩაჩით. ყვავილები დიდი ზომისაა. ყვავილსაფრის გარეთა სეგმენტები მოგრძოკვერცხისებური და ჩაზნექილი, შიგნითა სეგმენტები ბრტყელი, წვერში ამოკვეთილი, თირკმლისებური მწვანე ლაქით. ყვავილობისა და ნაყოფმსხმოიარობის პერიდია იანვარ-მარტი. კავკასიის ეკორეგიონის ენდემია. გავრცელებულია ჩრდილოეთ კავკასიის დასავლეთ ნაწილსა, ჩრდილო-აღმოსავლეთ მცირე აზიაში, საქართველოში. ჩვენში ძირითადად გვხვდება დასავლეთ ნაწილში, ასევე ქართლში. იზრდება დაბლობიდან მთის შუა სარტყლამდე, ტყეებსა და ტყის პირას.[1]
