შინაარსზე გადასვლა

ვიქტორია ტაული-კორპუსი

მასალა ვიკიპედიიდან — თავისუფალი ენციკლოპედია
ვიქტორია ტაული-კორპუსი
დაბადების თარიღი 19 ოქტომბერი, 1952
ბესაო, მთის პროვინცია, ფილიპინები
ეროვნება ფილიპინელი

ვიქტორია ტაული-კორპუსი (დ. 1952, ბესაო, მთის პროვინცია) ― იგოროტული წარმოშობის ფილიპინელი საერთაშორისო აბორიგენი აქტივისტი.[1][2] 2014 წლის 2 ივნისს აბორიგენების უფლებების გაეროს სპეციალურ რეპორტიორად დაინიშნა.[3] როგორც სპეციალურ რეპორტიორს, ტაული კორპუსს აბორიგენების უფლებების შესაძლო დარღვევების გამოკვლევა და აბორიგენთა უფლებებთან დაკავშირებით საერთაშორისო სტანდარტების ხელშეწყობა ევალებოდა.[2] აღნიშნული თანამდებობა 2020 წლის მარტამდე ეკავა.[4]

ტაული-კორპუსი Third World Network-ის (მესამე მსოფლიოს ქსელი) მრჩეველია აბორიგენთა და გენდერულ საკითხებში. არის გაერთიანებული ერების ორგანიზაციის განვითარების პროგრამის სამოქალაქო საზოგადოების ორგანიზაციათა მრჩეველთა კომიტეტისა[5] და მსოფლიოს მომავლის საბჭოს წევრი.

2009 წელს აბორიგენთა ეროვნული კომისიის გაბრიელა სილანგის ჯილდოს პირველი ლაურეატი გახდა.[6]

2005-2010 წლებში გაეროს აბორიგენთა საკითხების მუდმივი ფორუმის თავმჯდომარე იყო.[7] მუშაობდა აბორიგენი მოსახლეობის მოხალისეობრივი ფონდის რეპორტიორად.[2][5]

განათლება[რედაქტირება | წყაროს რედაქტირება]

1969 წელს ვიქტორია ტაული-კორპუსმა ფილიპინების სამეცნიერო უმაღლესი სკოლა (დილიმანი, კესონ-სიტი) დაამთავრა.[8] 1976 წელს ფილიპინების მანილის უნივერსიტეტის საექთნო კოლეჯი დაამთავრა ექთნის ხარისხით.[1]

აქტივიზმი[რედაქტირება | წყაროს რედაქტირება]

ვიქტორია ტაული-კორპუსი აბორიგენებს თემებად ჩამოყალიბებასა და პრეზიდენტ ფერდინანდ მარკოსის პროექტების წინააღმდეგ ბრძოლაში ეხმარებოდა. აბორიგენების ორგანიზების შედეგად შეჩერდა მდინარე ჩიკოს ჰიდროელექტრო კაშხლის მშენებლობა, რომელსაც სოფლების დატბორვა შეეძლო და Cellophil Resources Corporation-ის მიერ წინაპართა მიწებზე მორების მოპოვება და დამზადება.[7]

აღიარება[რედაქტირება | წყაროს რედაქტირება]

2021 წელს სამეცნიერო ჟურნალმა Nature ტაული-კორპუსი ათი ადამიანის სიაში შეიყვანა, რომლებმაც მნიშვნელოვანი როლი შეასრულეს სამეცნიერო განვითარებაში.[9]

რესურსები ინტერნეტში[რედაქტირება | წყაროს რედაქტირება]

გარე ვიდეოფაილები
გაეროს გამოძიება: ავსტრალიას პრობლემა აქვს ინსტიტუციონალიზებულ რასიზმთან, Matter Of Fact With Stan Grant, ABC News

სქოლიო[რედაქტირება | წყაროს რედაქტირება]

  1. 1.0 1.1 Member Info UN Permanent Forum on Indigenous Issues. Retrieved 13 April 2013.
  2. 2.0 2.1 2.2 OHCHR | Ms. Victoria Tauli Corpuz en-US. ციტირების თარიღი: 2018-03-29
  3. James Anaya Victoria Tauli-Corpuz begins as new Special Rapporteur, 02 June 2014 დაარქივებული 10 December 2014[Date mismatch] საიტზე Wayback Machine.Category:Webarchive-ის თარგის შეტყობინებები
  4. Special Rapporteur on the rights of indigenous peoples. ციტირების თარიღი: 1 May 2021
  5. 5.0 5.1 Administrator. Biographical Information en-gb. დაარქივებულია ორიგინალიდან — 2020-02-22. ციტირების თარიღი: 2018-03-29
  6. IP int’l activitist gets 1st Gabriela Silang award Northern Dispatch (nordis) Weekly, Northern Philippines. Retrieved 13 April 2013.
  7. 7.0 7.1 IUCN World Conservation Congress (Jeju 2012) forum sessions დაარქივებული 2014-08-21 საიტზე Wayback Machine. International Union for Conservation of Nature. Retrieved 13 April 2013.
  8. Philippine Science High School System#Social sciences
  9. Nature’s 10 Ten people who helped shape science in 2021. ციტირების თარიღი: 19 December 2021