ვიტ ჯორჯია (საფეხბურთო კლუბი)

ვიტ ჯორჯია

სრული სახელი	საფეხბურთო კლუბი ვიტ ჯორჯია
მეტსახელი	ვეტერინარები
დაარსდა	1997
სტადიონი	მცხეთა პარკი მცხეთა, საქართველო (ტევადობა: 2,000)
პრეზიდენტი	გურამ რუხაძე
მწვრთნელი	თენგიზ კობიაშვილი
ლიგა	პირველი ლიგა
2014-15	მე–15 ადგილი (დაქვეითდა)
საიტი	ოფიციალური
ძირითადი ფორმა რეზერვის ფორმა

საფეხბურთო კლუბი ვიტ ჯორჯია — თბილისის საფეხბურთო კლუბი. კლუბის სპონსორია შ.პ.ს. "ვიტ ჯორჯია", რომელიც ცხოველთა საკვების, ვეტერინარული წამლებისა და პრეპარატების იმპორტით არის დაკავებული. გუნდი საშნაო მატჩებს ატარებს მცხეთა-პარკზე. 2004 წელს ვიტ ჯორჯია საქართველოს ჩემპიონი გახდა და ჩემპიონთა ლიგის საკვალიფიკაციო ეტაპზე გავიდა.

ბოლო დეკადაში „ვიტ ჯორჯია“ ევროსარბიელზე თითქმის სისტემატურად თამაშობს და მეტწილ შეხვედრებში დაამტკიცა, რომ ევროპის საშუალო დონის გუნდებთან პაექრობა შეუძლია.

Noblesse oblige - ეს ცნობილი, ძველი ფრანგული გამოთქმა არის „ვიტ ჯორჯიას“ სლოგანი, რაც ასე ითარგმნება: „ღირსება გვავალდებულებს“. სწორედ ეს სლოგანია გამოტანილი კლუბის ლოგოზეც.

ისტორია

ვიტ ჯორჯიას საქართველოს ჩემპიონატის უმაღლეს ლიგაში დებიუტი 1997-98 წლების სეზონში ჰქონდა. მალე გუნდი ქვეყნის ერთ-ერთ წამყვან საფეხბურთო კლუბად იქცა.

გუნდი 1997 წლის ბოლოს დაარსდა და უმაღლეს ლიგაში მორკინალი ჩაანაცვლა.

ელიტაში მოხვედრის შემდეგ, გუნდმა მცირე ფინანსური კრიზისი განიცადა, რამაც ვიტელებს ცხრილის ათეულში მოხვედრის საშუალება არ მისცა, თუმცა მომავალ სეზონში უკვე მე-7 საფეხურზე დაასრულეს ჩემპიონატი, კიდევ ერთი სეზონის შემდეგ კი ბრინჯაოს მედლები მოიპოვეს.

მას შემდეგ თბილისელები რეგულარულად მონაწილეობენ უეფა-ს ეგიდით ჩატარებულ ტურნირებში. 2003-04 წლების სეზონზე მოპოვებულმა ჩემპიონობამ კი მათ საშუალება მისცა უეფას ჩემპიონთა ლიგის საკვალიფიკაციო ეტაპზე ეთამაშათ. თავდაპირველად გუნდმა ფარერული ტორსჰავნი დაამარცხა. თუმცა კრაკოვის ვისლასთან ორი მატჩის ჯამში 2:11 წააგო.

ნესტორ მუმლაძის ხელმძღვანელობით უეფას თასზე პირველად გადალახეს პირველი საკვალიფიკაციო ეტაპი, როცა სპარტაკ ტრნავას სძლია. მეორე ეტაპზე ვიტელები ვენის აუსტრიას დაუპირისპირდნენ, მაგრამ იმ დროს საქართველოში განვითარებული აგვისტოს მოვლენების მხოლოდ ერთი მატჩი ჩატარდა – ავსტრიაში, სადაც გამარჯვება მასპინძლებმა იზეიმეს.

უმაღლესი ლიგის 2008-09 წლების სეზონში ვიტ ჯორჯიამ მეორედ მოიპოვა საქართველოს ჩემპიონის ტიტული.თუმცა ჩემპიონთა ლიგის მეორე ეტაპზე,ანუ საიდანაც დაიწყო კლუბმა გამოსვლა,სლოვენიურ მარიბორთან დამარცხდა.

სტადიონი

1997-2004 წლებში ვიტ ჯორჯია თამაშობდა შევარდნის სტადიონზე, 2004 წლიდან ვიტ ჯორჯია საშინაო მატჩებს ატარებს მცხეთაში, არმაზის სტადიონზე, თუმცა 2008-09 სეზონისთვის საქართველოს პროფესიულმა ფეხბურთის ლიგამ კლუბებს მოთხოვნები გაუმკაცრა და ვიტ ჯორჯიას არ დართო ამ სტადიონზე თამაშების გამართვის უფლება, რადგანაც იგი ვერ აკმაყოფილებდა პროფლიგის მოთხოვნებს. მას შემდეგ ვიტ ჯორჯია თავის საშინაო მატჩებს გორის თენგიზ ბურჯანაძის სახელობის სტადიონზე ატარებდა, 2010 წლიდან რუსთავის ფოლადის სტადიონზე, 2011 წლის გაზაფხულზე თბილისში თემქის შატილის სტადიონზე, მაგრამ 2011 წელს არმაზის სტადიონს რეკონსტრუქცია ჩაუტარდა და ამჟამად კარგ მდგომარეობაშია. ტრიბუნაზე ძველი ხის სკამების ნაცვლად დამონტაჟდა ახალი ინდივიდუალური სკამები,რის გამოც ტევადობა 3000–დან 2000–მდე შემცირდა სკამების ფერები ვიტ ჯორჯიის ტრადიციულ მწვანე და თეთრ ფერებშია, ასევე დაიგო ახალი ხელოვნური საფარი, რეაბილიტირებულ იქნა ვიპ ლოჟა, სადაც ახალი სავარძლები დამონტაჟდა. კონსტრუქციის შემდეგ არმაზის სტადიონს დაერქვა მცხეთა პარკი. რეკონსტრუქციის მეორე ეტაპზე იგეგმება მპირდაპირე მხარეს ტრიბუნის აშენება და ღამის განათების სისტემის დამონტაჟება.

ტიტულები

• უმაღლესი ლიგა
  • ჩემპიონი (2): 2003/2004, 2008/2009.
  • მეორე ადგილი (3): 1999/2000, 2005/2006, 2007/2008.
  • მესამე ადგილი: 2002/2003
• საქართველოს თასი
  • გამარჯვებული (1): 2009/2010.
• საქართველოს სუპერთასი
  • გამარჯვებული: 2008/2009
  • ფინალისტი: 2009/2010
• პირველი ლიგა
  • ჩემპიონი: 1996/1997

ეკიპირება

ვიტ ჯორჯიას 2004 წლიდან მოყოლებული მოსავს გერმანული UHLSPORT

შემადგენლობა 2014/2015

ვიტ–ჯორჯიას მიმდინარე შემადგენლობა

მონაცემები ზაფხულის სატრანსფერო ფანჯრის დახურვის შემდეგ.

ნომერი პოზიცია მოთამაშე 1 მეკარე ჯონი შეროზია 2 ნახევარმცველი გოგა დანელია 3 მცველი გიორგი გეთიაშვილი (კაპიტანი) 5 მცველი გიორგი კალანდია 8 ნახევარმცველი გიორგი ვაზაგაშვილი 9 ნახევარმცველი კახაბერ კახაბრიშვილი 12 მეკარე ლევან ისერგიშვილი 14 ნახევარმცველი ივანე კურდღელაშვილი 15 თავდამსხმელი ივანე ხაბელაშვილი 16 მცველი ლევან საბაძე 17 თავდამსხმელი ლევან კუხალეიშვილი 18 ნახევარმცველი ირაკლი ღიბრაძე

ნომერი პოზიცია მოთამაშე 19 ნახევარმცველი ვალიკო გახარია 20 მცველი რევაზ ჩიტიშვილი 21 თავდამსხმელი მათე კვირკვია 23 მცველი ბესიკ მურუსიძე 28 მცველი ლუკა თათხაშვილი - მცველი გიორგი გიორგაძე - მცველი ვაჟა მერაბიშვილი - ნახევარმცველი კონსტანტინე ჯამარიშვილი

2014/2015 წლის ტრანსფერები

მოვიდნენ

პოზ.	ფეხბურთელი	ყოფილი კლუბი
მცველი	ლუკა თათხაშვილი	დინამო-2 თბილისი
მცველი	გიორგი გიორგაძე	თავისუფალი აგენტი
მცველი	ბექა ასკილაშვილი	ვიტ ჯორჯია-2
მცველი	დემნა ცენგუაშვილი	ვიტ ჯორჯია-2
ნახევარმცველი	გოგა დანელია	თავისუფალი აგენტი
ნახევარმცველი	კახაბერ კახაბრიშვილი	სტუ
ნახევარმცველი	ლაშა მარგველაშვილი	იბერია თბილისი
ნახევარმცველი	კონსტანტინე ჯამარიშვილი	ვიტ ჯორჯია-2
ნახევარმცველი	ივანე კალაჯიშვილი	მერცხალი ოზურგეთი

* — იჯარით
** — იჯარიდან

წავიდნენ

პოზ.	ფეხბურთელი	ახალი კლუბი
მეკარე	დანტე ჩალიგავა	ცხუმი სოხუმი
მცველი	გიორგი მჭედლიშვილი	დინამო თბილისი
მცველი	ჯემალ გოგიაშვილი	გურია ლანჩხუთი
ნახევარმცველი	ლაშა ღონღაძე	ზუგდიდი
ნახევარმცველი	გიორგი კორიფაძე	ჩიხურა საჩხერე
ნახევარმცველი	მათე კვირკვია	ზესტაფონი
თავდამსხმელი	აკაკი წყაროზია	მერანი მარტვილი
თავდამსხმელი	ნიკა სიჭინავა	კოლხეთი-1913 ფოთი

* — იჯარით
** — იჯარიდან
ცხრილში მოცემულია ტრანსფერები, რომლებიც განხორციელდა ზაფხულის სატრანსფერო ფანრჯისას.

ვიტ ჯორჯიას ბომბარდირები

წელი	ფეხბურთელი	ქვეყანა	გოლები
2014-15	ვანო კურდღელაშვილი	საქართველო	5
2013-14	გიორგი კორიფაძე	საქართველო	8
2012-13	ბესიკ ჩიმაკაძე	საქართველო	5
2011-12	ბესიკ ჩიმაკაძე	საქართველო	7
2010-11	გიგა ბეჭვაია	საქართველო	7
2009-10	ვახტანგ კვარაცხელია	საქართველო	12
2008-09	ვახტანგ კვარაცხელია	საქართველო	11
2007-08	ნიკოლოზ გელაშვილი	საქართველო	7
2006-07	ზაზა სახოკია	საქართველო	?
2005-06	ოთარ მარცვალაძე	საქართველო	14

ვიტ ჯორჯიას მწვრთნელები

პერიოდი	მწვრთნელი	ტიტ. რაოდ.	ტიტული
2015 —	თენგიზ კობიაშვილი
2013 — 2015	ზურაბ ბერიძე
2012 — 2013	მერაბ კოჭლაშვილი
2011 — 2012	ზურაბ ბერიძე
2010 — 2011	მერაბ კოჭლაშვილი
2009 — 2010	გელა გომელაური	1	დავით ყიფიანის თასი 2010
2009 — 2009	მერაბ კოჭლაშვილი	1	სუპერთასი 2009
2005 — 2009	ნესტორ მუმლაძე	1	უმაღლესი ლიგა 2009
2005 — 2006	ჯანი კარნევალი
2004 — 2005	მერაბ კოჭლაშვილი	1	უმაღლესი ლიგა 2004
2001 — 2003	ზურაბ ბერიძე
2002 — 2003	ჯანი კარნევალი
1997 — 2001	სერგო კოტრიკაძე

ცნობილი ფეხბურთელები

• რევაზ გოცირიძე
• ვლადიმერ გოჩაშვილი
• ვახტანგ კვარაცხელია
• გიგა ბეჭვაია
• გიორგი დათუნაიშვილი
• ჯაბა ლიპარტია
• ირაკლი კლიმიაშვილი
• სანდრო იაშვილი
• ოთარ მარცვალაძე
• დავით იმედაშვილი
• ნიკოლოზ გელაშვილი
• დავით დიღმელაშვილი

რესურსები ინტერნეტში

• კლუბის ოფიციალური საიტი.
• პროფილი Soccerway-ზე.