ვინჩენცო ნიბალი
.jpg)
ვინჩენცო ნიბალი (დ. 14 ნოემბერი, 1984) — იტალიელი ყოფილი პროფესიონალი ველოსიპედისტი, რომელიც პროფესიონალურ დონეზე ასპარეზობდა 2005 წლიდან 2022 წლამდე. ის იმ შვიდი ველოსიპედისტიდან ერთ-ერთია, რომლებმაც კარიერაში მოიგეს ველოსპორტის სამივე გრან ტური - 2010 წლის ვუელტა ა ესპანია, 2013 და 2016 წლების ჯირო დ’იტალია და 2014 წლის ტურ დე ფრანსი.
ნიბალი დაიბადა მესინის სრუტის მახლობლად, რის გამოც მისი მეტსახელია „სრუტის ზვიგენი“, „მესინას ზვიგენი “ ან უბრალოდ „ზვიგენი“.[1][2] მისი პირველი მნიშვნელოვანი გამარჯვება 2006 წლის გრან პრი დასავლეთ საფრანგეთზე, UCI ProTour-ის ღონისძიებაზე შედგა. თუმცა, ექსპერტები, როგორიცაა მიშელ ბარტოლი, ამბობენ, რომ ნიბალი ყველაზე მეტად შეეფერება მრავალეტაპიან რბოლებში მონაწილეობის მიღებას.[3] ის არის ძალიან ნიჭიერი სპორტსმენი, გამოირჩევა დაღმართებზე სვლაში და აღმართის დაძლევაში. ნიბალი უნივერსალურ მრბოლელს წარმოადგენს და ითვლება თავისი ეპოქის ერთ-ერთ უძლიერეს ეტაპობრივ რბოლაში მონაწილე მრბოლელად, რომელმაც მოიგო ტირენო-ადრიატიკო (2012 და 2013), ჯირო დელ ტრენტინო (2008 და 2013) და 2016 წლის ომანის ტური.
ნიბალი ყველაზე მეტად ცნობილია გრანდ ტურებზე გამოსვლით - თერთმეტჯერ პოდიუმზე ასვლით - თუმცა, მან ასევე დაამტკიცა, რომ ძლიერი კანდიდატია კლასიკურ ველორბოლაშიც, მოიგო რა 2014 და 2015 წლების იტალიის ეროვნული საგზაო რბოლის ჩემპიონატი, 2006 წლის დასავლეთ საფრანგეთის გრან პრი და საგზაო ველორბოლის სამი „მონუმენტი“: 2015 და 2017 წლებში ჯირო დი ლომბარდია და 2018 წლის მილანი-სან რემო. მან ასევე მოიპოვა პოდიუმები ლიეჟ-ბასტონ-ლიეჟსა და მილანი-სან-რემოს წინა რბოლებში.
რესურსები ინტერნეტში
[რედაქტირება | წყაროს რედაქტირება]სქოლიო
[რედაქტირება | წყაროს რედაქტირება]- ↑ 32nd Giro del Trentino, Stage 3 – 24 April: Torri del Benaco – Folgaria, 173 km. cyclingnews.com (24 April 2008). ციტირების თარიღი: 2010-09-18
- ↑ The Daily Peloton: 10th Coppi & Bartali Week – Stage Three. dailypeloton.com (27 March 2008). ციტირების თარიღი: 2010-09-18
- ↑ Bartoli holds court on the Classics. cyclingnews.com (18 March 2009). ციტირების თარიღი: 2010-09-18
| |||||||||||||||||||||||||||||||||||||||||||||||
