ადრიანეს ვილა
| ვილა-ადრიანა* | |
|---|---|
| იუნესკოს მსოფლიო მემკვიდრეობის ძეგლი |
|
 |
|
| ქვეყანა |  იტალია |
| ტიპი | კულტურული |
| კრიტერიუმები | i, ii, iii |
| სია | იუნესკოს სია |
| რეგიონი** | ევროპა |
| კოორდინატები | 41°56′31″ ჩ. გ. 12°46′31″ ა. გ. / 41.94194° ჩ. გ. 12.77528° ა. გ. |
| გაწევრიანების ისტორია | |
| გაწევრიანება | 1999 (23-ე სესია) |
| ნომერი | 907 |
| * იხ. ინგლ. სახელი UNESCO-ს სიაში. ** იუნესკოს მიერ კლასიფიცირებული რეგიონი. |
|
 |
მსოფლიო მემკვიდრეობა UNESCO, ობიექტი № 907 რუს. • ინგლ. • ფრ. |
ვილა-ადრიანა (იტალ. Villa Adriana) — რომაული არქეოლოგიური კომპლექსი იტალიაში, ლაციოს რეგიონის ქალაქ ტივოლიში.
ვილა ქალაქ ტიბურში (თანამედროვე ტივოლი) რომის იმპერატორმა ადრიანემ ახ. წ. II საუკუნის მესამე დეკადაში ააშენა, როგორც რომის გარეთ მდებარე რეზიდენცია. ადრიანეს არ მოსწონდა რომში, პალატინის ბორცვზე მდებარე სასახლე, რაც აღნიშნული ვილის მშენებლობის დაწყების მიზეზი გახდა. მისი მეფობის ბოლო წლებში, იგი რომის იმპერიის მართვას სწორედ ამ ვილიდან ახორციელებდა. აქედან გამომდინარე, ამ პერიოდში იგი სამეფო კარის საცხოვრებელსაც წარმოადგენდა. რომთან, რომელიც აქედან 18 მილში მდებარობდა, შენარჩუნებული იყო საფოსტო კავშირი.
ადრიანეს შემდეგ, ვილას მისი სხვადასხვა მემკვიდრეები იყენებდნენ. რომის იმპერიის დაკნინების შემდეგ, ვილა გამოუყენებელი გახდა და თანდათან ნანგრევებად იქცა. XVI საუკუნეში, კარდინალმა იპოლიტო II დ’ესტემ ვილა-ადრიანადან მარმარილოს სტატუეტები შორიახლოს მდებარე საკუთარ ვილა-დ’ესტეში გადაიტანა.
1999 წლიდან, ვილა-ადრიანა შესულია იუნესკოს მსოფლიო მემკვიდრეობის სიაში და მის სიახლოვეს მდებარე ვილა-დ'ესტესა და ქალაქ ტივოლისთან ერთად, მნიშვნელოვან ტურისტულ ღირსშესანიშნაობას წარმოადგენს.
იხილეთ აგრეთვე[რედაქტირება | წყაროს რედაქტირება]
რესურსები ინტერნეტში[რედაქტირება | წყაროს რედაქტირება]
- Virtual Tour on Lazio's cultural site
- Tivoli - Hadrian's Villa
- Hadrian's Villa near Tivoli, Rome
- Ancient Places TV: HD Video of Hadrian's Villa at Tivoli, Rome
- Great Buildings: Hadrian's Villa
