ვიკიპედია:საინტერესო ფაქტები/არქივი 2011

...პლანეტა ვენერაზე (სურათზე) ერთი დღე (დედამიწის 243 დღე) უფრო გრძელია, ვიდრე მისივე ერთი წელი (დედამიწის 225 დღე)...
...კაბო-დე-ორნოსი ყველაზე სამხრეთით მდებარე ეროვნული პარკია...
...საქართველოს ტერიტორიული მოწყობა ოფიციალურად განსაზღვრული არაა. კონსტიტუციით ეს საკითხი ტაბუდადებულია, მანამ, სანამ ქვეყნის მთელ ტერიტორიაზე არ აღდგება სახელმწიფოს სრული იურისდიქცია...
...2009 წელს ნობელის პრემიის ლაურეატებს შორის ხუთი ქალი იყო...
...შვეიცარიის კონფედერაციაში საერთოეროვნულ დონეზე წელიწადში საშუალოდ 5–10 რეფერენდუმი ტარდება, მაშინ, როცა ამერიკის შეერთებულ შტატებში რეფერენდუმი ფედერალურ დონეზე საერთოდ არ ჩატარებულა.
...იტალიაში 1971 წელს საპრეზიდენტო არჩევნებში გამარჯვებული კანდიდატის გამოვლენა მხოლოდ 23–ე ტურის ჩატარების შემდეგ მოხერხდა.
...ამერიკაში პირველ რკინიგზას ხის ლიანდაგი ჰქონდა...

...რომაულ სამართლიანობის ქალღმერთს, იუსტიციას თვალები ახვეული აქვს, რაც სიმბოლურად ნეიტრალურობასა და მიუმხრობლობას გამოხატავს, მაშინ როცა მისი ანალოგი ბერძნულ მითოლოგიაში – თემიდა – ფართოდ გახელილი თვალებითაა წარმოდგენილი, სიმართლისა და ჭეშმარიტების დასადგენად...
... გიორგი შერვაშიძემ (სურათზე) დაარსა უღირსი ადამიანებისთვის ხელის არჩამორთმევის საზოგადოება...
...სოფელ თამარისს 1944 წლამდე გერმანული სახელი ტრაუბენბერგი ერქვა, რაც ყურძნის მთას ნიშნავს...
...1992 –1995 წლებში საქართველოს პარლამენტის თავმჯდომარე იმავდროულად სახელმწიფო მეთაურიც იყო. ხელისუფლების ამგვარ დანაწილებას დემოკრატიულ სახელმწიფოებში ანალოგი არ მოეძებნება...
...რუსეთის მოქალაქეობის არმქონე პირებს რუსეთის კანონმდებლობით უფლება აქვთ ფედერაციის მუნიციპალურ არჩევნებში მონაწილეობა მიიღონ როგორც ამომრჩევლის, ასევე კანდიდატის სახით...

...Sagar სანსკრიტზე ცას ნიშნავს, ხოლო māthā შუბლს. სწორედ ეს სახელი — „საგარმატხა“ ეწოდება ნეპალურ ენაზე ევერესტს (ჯომოლუნგმას, სურათზე).
...შაკირა მამით ლიბანელი არაბია, ხოლო დედით — კოლუმბიელი იტალიელი.
...1992 წლის 21 თებერვლიდან 1995 წლის 24 აგვისტომდე საქართველოში ოფიციალურად მოქმედ კონსტიტუციად საქართველოს 1921 წლის კონსტიტუცია ითვლებოდა.
...შუა საუკუნეების ევროპაში შინაურ ცხოველებს ხშირად ასამართლებდნენ „უწესო საციელისათვის“ და ამის გამო სიკვდილით სჯიდნენ. ანტიკურ პერიოდში კი სასამართლო პროცესები იმ უსულო საგნების (მაგალითად ქვის) წინააღმდეგაც იმართებოდა, რომლითაც ადამიანი შემთხვევით დაიღუპა.
...იაპონიის ზოგიერთ რეგიონში შენობებს ორი მთავარი შესასვლელი აქვთ — პირველსა და მეორე სართულზე. მეორე სართულის შესასვლელი გამოიყენება მაშინ, როდესაც თოვლის მაღალი საფარი მთლიანად ფარავს პირველ სართულს.

... პირველად საქართველოს დემოკრატიული რესპუბლიკის დამოუკიდებლობა, როგორც დე-ფაქტო, ასევე დე-იურე, ცნო თურქეთმა 1918 წლის 3 ივნისს.
... ბრიტანეთის იმპერიის ჩრდილოამერიკულ პროვინციებს 1769 წელს ბენჯამინ ფრანკლინმა (სურათზე) პირველად უწოდა „შტატები“ ანუ სახელმწიფოები.
... ელექტრობაში დადებითად და უარყოფითად დამუხტული მდგომარეობის დღეისათვის ფართოდ გამოყენებადი აღნიშვნები „+“ და „–“ ბენჯამინ ფრანკლინმა შემოიღო.
... იაპონიაში ახალი წლის დღესასწაულს ფეიერვერკით არ აღნიშნავენ.
... გრძელი სიტყვების შიშს ჰიპოპოტომონსტროსესკიპედალიოფობია ეწოდება.
... ნოკია 1865 წელს დაარსდა, იგი თავდაპირველად ქაღალდის, რეზინის ჩექმებისა და საბურავების წარმოებით იყო დაკავებული.

...ისტორიაში უკანასკნელი, იალქნიანი გემებით გამართული ბრძოლა, შედგა 1827 წლის 20 ოქტომბერს...
... დაჯახების შედეგად წარმოქმნილი უდიდესი კრატერი დედამიწაზე ვრედეფორტის კრატერია (სურათზე), რომელიც სამხრეთ აფრიკის რესპუბლიკაში მდებარეობს...
... 2001 წელი ერთადერთი წელი იყო ჯგუფ მეტალიკის არსებობის განმავლობაში, როდესაც მათ ერთი კონცერტიც არ ჩაუტარებიათ...
... 1920 წელს გადაღებული მუნჯი კინოს — ექიმ კალიგარის კაბინეტის გავლენა იგრძნობა მუსიკალურ კლიპებში Can't Let You Go (რეინბოუ), Otherside, (რედ ჰოთ ჩილი პეპერსი) Cemeteries of London, (Coldplay)...
... ოზურგეთის ისტორიულ მუზეუმში დაცულ ხუთი ათასზე მეტ ექსპონატს შორისაა კოლხური თეთრი და ნაპოლეონ ბონაპარტეს დაშნა...
... ბრინჯაოსანა ბანჯგვლიანი სულ 10 მილიმეტრი სიგრძისაა...
... 1631 წელს ინგლისში გამოიცა ბეჭდური ბიბლია, რომელშიც ათი მცნების მეშვიდე მცნება (არა იმრუშო) შეცდომით დაიბეჭდა საპირისპირო მნიშვნელობით — იმრუშე (Thou shalt commit adultery). ამის გამო ეს გამოცემა შელახული ბიბლიის სახელითაა ცნობილი...

... აზერბაიჯანის დემოკრატიული რესპუბლიკა პირველი დემოკრატიული სახელმწიფო იყო ისლამურ სამყაროში...
... ძველად საქართველოში სამოსამართლო დაწესებულების ერთ-ერთი სახელწოდება სამსჯავრო სახლი იყო...
... შვეიცარიას დედაქალაქი არა აქვს, ბერნი კი სახელმწიფოს მხოლოდ დე ფაქტო დედაქალაქია...
... მსახიობ ბრიუს უილისს (სურათზე), მიუხედავად არაერთი წარმატებული როლისა, დღემდე არ მიუღია ოსკარი...
... პოპულარულ ინგლისურ ანდაზაში, The quick brown fox jumps over the lazy dog, ინგლისური ანბანის ყველა ასო-ნიშანია გამოყენებული...
... ძველად საქართველოში მოღალატე მეუღლეს ეკლესია სასჯელად 15 წელს უზიარებლად ყოფნას უწესებდა...
... სამხრეთ აფრიკის პრეზიდენტი ჯეიკობ ზუმა მრავალცოლიანია, ჰყავს 8 (მათ შორის 5 ოფიციალური) მეუღლე და 20 შვილი...