ვიკინგური მეტალი „ხმაურიანია, ქაოსური და ხშირად დატვირთული კლავიშების დარდიანი მელოდიებით“.[1] მსგავსად ფოლკ მეტალ შემსრულებლებისა, ზოგადად, ვიკინგური მეტალ-ჯგუფებიც „ტრადიციულ მეტალინსტრუმენტებთან ერთად ხშირად იყენებენ ზოგიერთ აკუსტიკურ და სხვა უჩვეულო საკრავებს“.[2]ვოკალი შეიძლება შესრულებული იყოს როგორც სუფთად, ასევე ტიპური ბლეკ-მეტალისთვის დამახასიათებელი სქრიმინგინთა და გროულინგით.[3] თემატურად, ვიკინგური მეტალი ორიენტირებულია ბლეკ-მეტალის ელემენტებზე, მაგრამ ნაცვლად მისი ანტი-ქრისტიანული და სატანისტური ბუნებისა, იყენებს წარმართულ და ძველ სკანდინავიურ წარმოდგენებს.[3]
